Numeri 15:16 - AHYERƐLƐ KRONGRON

¹⁶ Mmeraa komapɛ ne ala ne nhyehyɛleɛ komapɛ ne ala yeɛ ɛmɔ ne ɛwɔfoɛ bɔ waatena ɛmɔ nu ne odi kyɛ ɛmɔdi so ɔ.”

Numeri 15:16 Iomraidhean Croise

1 Ahemvo 8:41

“Sɔ ala yeɛ amanvraniɛ bɔ nna wɔ maen Yisraelniɛ ahɔ ɔ, sɛ ɔte wɔ dumaa ne nga, ná ofi maen bie aso dedeede ɔba,

Ɛksadɔso 12:49

Mmeraa komapɛ bɔ ɔwɔ berɛ ma maen mmaa ne, ye ala yeɛ ɔwɔ berɛ ma ɛwɔfoɛ bɔ ɔne ɛmɔ baatena ɔ.”

Lewitikɔso 24:22

Mmeraa bɔ bɛfa bedi kuromani ne, ye ala yeɛ ɔsɛ kyɛ bɛfa bedi ɛwɔfoɛ koso ɔ: ofikyɛ Me ole AWURADE ɛmɔ Nyameɛ.”

Lewitikɔso 4:27

“‘Nningyein bɔ AWURADE akanzo ɛmɔ kyɛ nnɛma ɛmɔyɔ ne, sɛ maen baa bie ɔyɔ nu biala, bɔ sɔ sona ne ɔnze kyɛ wayɔ bɔne, maa ɔnate so odi fɔ,

Numeri 15:17

AWURADE sele Mose kyɛ,

Numeri 35:15

Sɔ nguro nzia nemɔ kɔyɛ mmenia nwo adwaabɔlɛ nguro kɔma Yisraelfoɛ, ɛwɔfoɛ bɔ wanya amandena, ɔne ɛwɔfoɛ bɔ ɔngɔhyɛ Yisrael maen nu ɔ, amaa sona biala bɔ ɔmmoapa ná okoli awue ne, wanwati wahɔ berɛ.

Numeri 9:14

Sɛ amanvraniɛ bie bɔ waatena ɛmɔ nu kuro kyɛ odi AWURADE Abɔtra aluolue ne bie a, óli ye kyɛbɔ Abɔtra aluolue ne nwo ahyɛdeɛ ne ye nwo nhyehyɛleɛ te ɔ. Amanvoraniɛ bɔ waatena ɛmɔ nu oo, maen ne anu niɛ oo, ahyɛdeɛ komapɛ yeɛ ɔla berɛ ma ɛmɔ ɔ.”

Yosua 8:33

Yisraelfoɛ amukoraati, ɛwɔfoɛ ne maen mmaa, bɛ ne Yisrael mbanyi ne safohene mɔ ne ndɛenbualɛfoɛ mɔ, begyinagyinane apam alaka ne bue faen ne ye bue faen, wɔ Lewifoɛ bɔ bɛte asɔfo bɔ bɛsõ AWURADE apam alaka ne anyunu. Bɛ bue ko gyinagyinane Gerisim bokaa ndendeneɛ so, yeɛ bɛ bue ko wora gyinagyinane Ebal bokaa ndendeneɛ so, kyɛbɔ AWURADE somvoɛ Mose lili moa hyehyɛle ne; kyɛ, odi kyɛ beyira Yisrael.