Numeri 14:9 - AHYERƐLƐ KRONGRON

⁹ Mmom, nnɛma ɛmɔdwɔso betia AWURADE, yeɛ nnɛma ɛmɔsuro aseɛ ne aso ama, ofikyɛ bɛte yɛ sa nu ngwadaa koraa. AWURADE bɔ ɔbɔ bɛ nwo waen ne, waye ye sa wafi bɛ bo, nakoso yɛ de, AWURADE gyi yɛ si; nnɛma ɛmɔsuro bɛ.”

Numeri 14:9 Iomraidhean Croise

Gyenesise 48:21

Yeɛ Yisrael sele Yosef kyɛ, “Mebaawu, nakoso Nyameɛ kogyina ɛmɔ si, na okosa kɔfa ɛmɔ kɔhɔ ɛmɔ nana mɔ aseɛ so.

2 Aberɛso Dwirɛ 13:12

Ɛ́mɔtie, Nyameɛ yeɛ otua yɛ noa ɔ. Ye asɔfo nemɔ betiratira bɛ koɛ totorobɛndo bɔ behu bɛfrɛ mmenia maa yɛne ɛmɔ bako ɔ. O Yisraelfoɛ, nnɛma ɛmɔfa koɛ bɛtoa AWURADE, ɛmɔ nana mɔ Nyameɛ ne, ofikyɛ ɛmɔngɔhora bengoli ngonim.”

2 Aberɛso Dwirɛ 15:2

Ɔhɔ ooyiale Asa, na osele ye kyɛ, “Asa ne Yuda maen amukoraa ne Benyamin maen amukoraa, ɛ́mɔtie! Ɛmɔso AWURADE ye de, AWURADE gyi ɛmɔ si. Sɛ ɛmɔpena ye si atee a, ɛmɔkonwu ye. Nakoso sɛ ɛmɔpo ye a, ye koso ɔkɔpo ɛmɔ.

2 Aberɛso Dwirɛ 20:17

Koɛ he, nna ɛmɔ yeɛ odi kyɛ ɛmɔko ɔ. Ao Yuda ne Yerusalem, ɛ́mɔte begyina, ɛ́mɔyɛ konn, ná ɛmɔnea ngonim bɔ AWURADE koli kɔma ɛmɔ ɔ. Nnɛma ɛmɔsuro, yeɛ nnɛmɔma ɛmɔ kunu tete ɛmɔ. Ɛhema ɛ́mɔfa koɛ bɛɛtoa bɛ, na AWURADE kogyina ɛmɔ si.”

2 Aberɛso Dwirɛ 32:8

Ye de, kuro sona yeɛ ogyi ye si ɔ. Nakoso yɛ de, AWURADE yɛ Nyameɛ yeɛ ogyi yɛ si ɔ, bɔ ɔkɔboka yɛ maa yɛkɔho yɛ koɛ mɔ ɔ.” Edwirɛ bɔ Yuda hene Hesekia hane ne, ɔhyɛle maen ne nguraen.

Nehemia 4:14

Na nneane bɔ ɔkɔ so ne, ndwɔsole nga ngyirele atitire nemɔ, mbanyi nemɔ ne maen ne ngaa ne kyɛ, “Nnɛma ɛmɔsuro bɛ. Ɛ́mɔkaye AWURADE bɔ ɔte piri bɔ ye nwo yɛ suro ne, ná ɛ́mɔho bɛpepɛ bele ɛmɔ abusuafoɛ, ɛmɔ mma mmienzua, ɛmɔ mma mmrasua, ɛmɔ aye mɔ ɔne ɛmɔ awuro ama.”

Edwein 106:24

Afei aseɛ kamakama ne, bɛtole ye nwo, na bannya gyidie wɔ ye bɔhyɛ ne anu.

Edwein 121:5

AWURADE yeɛ ɔte wɔ neafoɛ ɔ; AWURADE yeɛ ɔte wɔ fɔnwoo ɔ, wɔ wɔ sa famaa so.

Edwein 14:4

Bɔnefoɛ amukoraa, aso nimdeɛ abɔ bɛ anaa; bɛ yeɛ bedi me mmenia aminɛ kyɛbɔ bedi aleɛ, ná bɛnzɔne AWURADE ɔ?

Edwein 46:11

Asafo AWURADE gyi yɛ si; Yakob Nyameɛ te y’anwoserɛ afealeɛ. Sela

Edwein 46:7

Asafo AWURADE gyi yɛ si; Yakob Nyameɛ te y’anwoserɛ afealeɛ. Sela

Edwein 46:8

Ɛmɔbra bɛɛnea AWURADE sa noa nnwumaa, kyɛbɔ wasi wayɔ anwanwadeɛ mbiri mbiri wɔ aseɛ ye aso ɔ.

Edwein 74:14

Ɛlɛngyɛen ne, ɛgorɔgorɔle ye ti nemɔ, na ɛfa mane ɛserɛsofoɛ maa belili.

Edwein 91:1

Sona bɔ ɔtena Anwuro Anwuroniɛ n’afealeɛ nu, bɔ yeɛ ɔtena Tuminiɛ ne, ye fɔnwoo ne anu ne,

Ɛksadɔso 14:13

Na Mose sele mmenia ne kyɛ, “Nnɛma ɛmɔsuro, ɛ́mɔgyina pindinn, ná ɛ́mɔnea ngoalelɛ bɔ AWURADE kole ɛmɔ ɛnɛ ɔ; ofikyɛ Misraimfoɛ bɔ ɛmɔnwu bɛ ɛnɛ ye, ɛmɔngonwu bɛ ko le.

Ɛksadɔso 33:16

Ofikyɛ, ɔkɔyɛ sɛɛ né banwu ye kyɛ alo me ne wɔ mmenia nemɔ? Aso nna ɛhɔlɛ bɔ ɛne yɛ kɔhɔ ne ɔ? Na ɛhe kɔma me ne wɔ mmenia nemɔ yɛkɔyɛ sonongo wɔ aseɛ ye aso mmenia mukoraati nu.”

Yesaya 1:2

O nyameɛso, ɛ́mɔtie, O aseɛ, ma wɔ so bra wa! Ofikyɛ AWURADE nwa nyoo: “Matete ngwadaa manea bɛ so maa banyi, nakoso bayɛ me nwo lɔen.

Yesaya 32:2

Bɛ nu biala kɔyɛ kyɛ afealeɛ bɔ mvrama tu a sona fea nu ɔ, nekaa bɔ mvrama piri tu a sona bɔ ye nwo waen ɔ, kyɛ aseɛ wosee so asue bɔ ɔtengyɛ ɔ, kyɛ aseɛ pralaa so nyɔbotaen piri bo fɔnwoo ne.

Yesaya 41:10

Nnɛsuro, ofikyɛ ngyi wɔ si, nnɛma ɛserɛ kã wɔ, ofikyɛ me ole wɔ Nyameɛ. Ngɔmaa ekogyina pindinn, ngɔboka wɔ, ngɔfa me tenenee asaa famaa ne ngotira wɔ nu.

Yesaya 41:14

Nnɛsuro, wɔ, esuronyi (pɛkyɛpɛkyɛ) Yakob, ɔne ɛmɔ, Yisraelfoɛ! Ofikyɛ me yeɛ ngɔboka wɔ ɔ. AWURADE noa dwirɛ ɛne; na wɔ Defoɛ ne ole Yisrael Krongronniɛ ne.

Yesaya 63:10

Nakoso bɛ de, bɛyɛle lɔen bɛmane ye Sunzum krongron ne wora bɔle; yiti ɔpɛle ye nwo yɛle bɛ pɔfoɛ, na ye bɔbɔ ɔho tiale bɛ.

Yeremia 1:19

Bɛkɔho bekotia wɔ, nakoso bɛngɔhora bengoli wɔ so ngonim, ofikyɛ ngyi wɔ si, na ngɔpepɛ ngole wɔ, AWURADE noa dwirɛ ɛne.

Yeremia 42:11

Nnɛma ɛmɔsuro Babilɔn hene bɔ yeɛ ɛmɔsuro ye ne. Nnɛma ɛmɔsuro ye, AWURADE noa dwirɛ ɛne; ofikyɛ ngyi ɛmɔ si kyɛ ngole ɛmɔ ngoa, ná mapepɛ male ɛmɔ mafi ye sa nu.

Yeremia 48:45

“Bɛ bɔ bɛnwatili ne, bɛɛbɔle bɛ nwo adwaa wɔ Hesebon fɔnwoo nu, ɔnate b’anwoserɛ bɔ wayie ne ati. Nakoso see kofi Hesebon kɔwa, na see bɔ ogye kofi Sihon kɔwa kɔɔyera Moabo ye nwoma so, ɔne basabasayɔlɛfoɛ bɛ ti afia.

Daniel 9:5

yayɔ bɔne, yayɔ amumuyɛɛ, yayɔ bɔ bɛnyɔ ɔ, yayɛ lɔen, kyɛ yali wɔ mmeraa dwirɛ ne wɔ nhyehyɛleɛ ne anwo makyebu ɔ.

Daniel 9:9

O AWURADE yɛ Nyameɛ, yayɛ wɔ nwo lɔen, nakoso wɔ yeɛ ɛse anwumvoin ná ɛfa bɔne kyɛ ɔ.

Numeri 13:30

Nakoso Kalebo tuli mmenia ne noa dwirɛ guale wɔ Mose nyunu, na ɔhane kyɛ, Ɛ́mɔma yɛhã yɛ nwo yɛhɔ kekesaala ye yɛɛfa aseɛ ne, ofikyɛ yɛkɔhora yɛkɔho yɛkɔfa.”

Numeri 17:6

Mose ha hyirele Yisraelfoɛ, na bɛ mbanyi nemɔ amu bɛmane ye pɔmaa: panyi biala deɛ ko, pɔmaa buru ne nyɔ kyɛbɔ bɛ nana mɔ sasofoɛ te ɔ, na né Aarɔn pɔmaa deɛ boka bɛ deɛ ne aso.

Numeri 20:2

Né mmenia ne nnya nzue wɔ berɛ, yiti bɛyɛle Mose ne Aarɔn nwo lɔen.

Numeri 24:8

Nyameɛ bɔ ɔyele Yisrael fili Misraim ne, ye anwoserɛ te kyɛ torɔen mmɛen ma ye. Ɔkɔsɛkye maen maen bɔ bɛte ye pɔfoɛ ɔ, ná wabubu bɛ mmowue nu. Ɔkɔto ye agyaen kɔwowɔ bɛ.

Mateo 1:23

“Tie, ababunu ne kɔnwonzɛ kɔwo baa bienzua, na bɛkɔto ye dumaa Yimanuel, (bɔ ye bo kyire kyɛ, Nyameɛ ne yɛ wɔ berɛ).”

Romanfoɛ 8:31

Afei nzikyɛ yeɛ yɛkɔhã kɔfa ɛhemɔ nwo ɔ? Sɛ Nyameɛ gyi yɛ si a, nwa yeɛ ɔkɔho kotia yɛ ɔ.

Deuteronomi 1:21

Tie, AWURADE wɔ Nyameɛ afa aseɛ ne wama wɔ. Kɔ ná kɔfa tena so, kyɛbɔ AWURADE wɔ nana mɔ Nyameɛ wahyɛ wɔ bɔ ne. Nnɛsuro, yeɛ nnɛma wɔ kunu tete wɔ.

Deuteronomi 1:26

Nakoso né ɛmɔnguro kyɛ ɛmɔkɔfo bɛkɔhɔ so ɔ, na mmom ɛmɔhwi bɛfale AWURADE ɛmɔ Nyameɛ ye mmeraa dwirɛ so.

Deuteronomi 1:29

Nakoso nzele ɛmɔ kyɛ, “Nnɛma ɛmɔ kunu tete ɛmɔ, yeɛ nnɛma ɛmɔsuro bɛ.

Deuteronomi 31:6

Ɛ́mɔgyina pindinn, ná ɛ́mɔma ɛmɔ ahone yɛ se. Nnɛma ɛmɔsuro, yeɛ nnɛmɔma bɛ nwo suronyi tɔ ɛmɔ so, ofikyɛ AWURADE wɔ Nyameɛ ne, ye yeɛ ɔne wɔ nate ɔ. Ongoli wɔ ngasi, yeɛ ɔngɔyakyi wɔ nu.”

Deuteronomi 31:8

AWURADE yeɛ oli wɔ nyunu ɔ; okoli wɔ si, ongoli wɔ ngasi, yeɛ ɔngɔyakyi wɔ nu. Nnɛsuro, yeɛ nnɛma wɔ kunu tete wɔ.”

Deuteronomi 32:42

Ngɔma m’agyaen kɔno mogya kɔbo, na me ngrandɛ koli naen: bɛ bɔ bawuwu ne bɛ bɔ bahye bɛ nnure mogya, ɔne pɔfoɛ mɔ bɔ bɛ ti nwiaa afu agua bɛ nwo ɔ.’

Deuteronomi 7:18

Nakoso nnɛsuro bɛ, na mmom kaye bɔ AWURADE wɔ Nyameɛ fa yɔle Faro ne Misraim amukoraati ne,

Deuteronomi 7:21

Nnɛma bɛ nwo suronyi tɔ wɔ so, ofikyɛ AWURADE wɔ Nyameɛ bɔ ogyi wɔ si ne, ɔte Nyameɛ bɔ ɔte piri, bɔ ye nwo yɛ suro ɔ.

Deuteronomi 9:7

Kaye, na nnɛma wɔ wora fi kyɛbɔ ewurale AWURADE wɔ Nyameɛ apue mane ye ahone huli wɔ ɛserɛ so ne, ofi kyẽa bɔ efili Misraim aseɛ so wale, kɔpem kyɛ ɛmɔɔdwuli wa ɔ; AWURADE dwirɛ so alaa yeɛ ɛmɔahwi bafa ɔ.

Filipifoɛ 1:27

Nzaade ohia kyɛ ɛmɔma ɛmɔ brabɔlɛ fata Kristo nzɛmba ne, amaa sɛ mebapasa ɛmɔ nwo oo, sɛ mamma oo, mate ɛmɔ nga kyɛ ɛmɔagyina pindinn wɔ sunzum ko nu, bɔ ɛmɔayɛ adwene ko bɛpere bɛma nzɛmba ne nwo gyidie,

Yosua 1:5

Sona biala ngɔhora ngogyina wɔ nyunu, mmerɛ biala bɔ ɛte ase ɔ. Na kyɛbɔ ngyinane Mose si nen, sɔ ala yeɛ ngogyina wɔ si ɔ. Mengoli wɔ ngasi, yeɛ mengɔyakyi wɔ nu.

Yosua 14:12

Yiti, mmokaa aseɛ he bɔ AWURADE hane ye nwo dwirɛ sɔ kyẽa nen, fa ma me. Sɔ kyẽa ne, ɛtele kyɛ né Anakefoɛ ne nguro mbiri bɔ bato bɛ nwo fasue mɔ wɔ berɛ. Nakoso ebiaa AWURADE kogyina me si maa ngɔfoa bɛ ngofi berɛ, kyɛbɔ AWURADE hane ne.”

Maenbulɛfoɛ 1:22

Yosef boso ama koso bɛfale koɛ bɛɛtetale Betel, na AWURADE gyinane Yosef boso ama nemɔ asi.