Numeri 14:8 - AHYERƐLƐ KRONGRON

⁸ Sɛ AWURADE do yɛ a, aseɛ he bɔ nyɔfonesue ne woɛ tengyɛ wɔ so ye, ɔkɔfa yɛ kɔhɔ so ná wafa wama yɛ.

Numeri 14:8 Iomraidhean Croise

2 Samuel 22:20

Ɔfale me hɔle nekaa bɔ berɛ te pandann ɔ, ɔpepɛ lele me, ofikyɛ okuro me dwirɛ.

1 Ahemvo 10:9

Animnyam hã AWURADE wɔ Nyameɛ bɔ wahuro wɔ dwirɛ, ná wafa wɔ wasie Yisrael bia so ɔ! Ɔnate kyɛ AWURADE hurole Yisrael dwirɛ afebɔɔ ne ati, wamaa ali hene kyɛ ɛfa ndɛen turoloobualɛ ne bra bɔ ɔtengyɛ ɔ ebu maen ne.”

2 Ahemvo 18:32

kɔpem kyɛ ngɔwa ngɔɔsesa ɛmɔ ngɔhɔ aseɛ bɔ ɔte kyɛ ɛmɔ deɛ ye ala so ɔ. Aseɛ bɔ nningyein hemɔ wɔ so ɔ: aburoo ne nzaa, aleɛ ne bobe boo mɔ, olive ngoo ne woɛ, amaa ɛmɔanya ngoa ná ɛmɔanwuwu. Sɛ Hesekia lakalaka ɛmɔ kyɛ AWURADE kɔpepɛ kole ɛmɔ a, nnɛma ɛmɔtɛ ye so.

Edwein 22:8

“Ɔfa ye nwo to AWURADE so; maa ɔpepɛ ole ye e; maa ɔpepɛ ole ye, ofikyɛ ɔla ye ahone nwo.”

Ɛksadɔso 3:8

Na madwu mawa ase kyɛ mebaale bɛ mefi Misraimfoɛ sa nu, ná meye bɛ mefi sɔ aseɛ ne aso mekɔ aseɛ paa bɔ ɔtrɛ ɔ so, aseɛ bɔ nyɔfonesue ne woɛ tengyɛ wɔ so ne: Kanaanfoɛ, Hitifoɛ, Amorifoɛ, Perisifoɛ, Hiwifoɛ ne Yebusifoɛ maen ne.

Yesaya 62:4

Bɛngɔfrɛ wɔ “Bɔ bapo ye ɔ” ko, yeɛ bɛngɔfrɛ w’aseɛ ne “Kurofoen” ko; na mmom bɛkɔfrɛ wɔ Hefesiba, yeɛ w’aseɛ ne koso bɛkɔfrɛ ye Bewela; ofikyɛ ɛla AWURADE ahone nwo, na okogya w’aseɛ ne.

Yeremia 32:41

Amba, ngoli bɛ nwo ahurusi kyɛ ngɔyɛ bɛ paa ɔ, na ngɔfa m’ahone amukoraa ne me kra amukoraa ngolua bɛ maa bɛ bo kotimu wɔ aseɛ he aso.

Sefania 3:17

AWURADE wɔ Nyameɛ ne ɔte wɔ nu, ɔte katakyie ne defoɛ, ɔkɔfa anigye koli wɔ nwo ahurusi, ɔkɔfa ye ɔdɔ ne kɔyɛ wɔ foforɛ, na ɔkɔfa anigye kɔto wɔ nwo dwein.

Numeri 13:27

Bɛbɔle Mose amaneɛ kyɛ, “Yɛɛdwuli aseɛ bɔ ɛsomane yɛ wɔ so ne aso. Nyɔfonesue ne woɛ tengyɛ wɔ so, na so mmakaammaa ne bie ɛhe.

Numeri 16:14

Wala ali pefee kyɛ nna aseɛ bɔ nyɔfonesue ne woɛ tengyɛ wɔ so ɔ so yeɛ afa yɛ awa ɔ, yeɛ ɛmma yɛnnyane agyapadeɛ bɔ ɔte aseɛ ne bobe boo ɔ. Nna ɛlakalɛ yeɛ ɛlakalaka mmenia ye ɔ? Yɛngɔwa!”

Romanfoɛ 8:31

Afei nzikyɛ yeɛ yɛkɔhã kɔfa ɛhemɔ nwo ɔ? Sɛ Nyameɛ gyi yɛ si a, nwa yeɛ ɔkɔho kotia yɛ ɔ.

Deuteronomi 10:15

nakoso AWURADE fale wɔ nana mɔ ngome wurale ye kunu, na ɔneaneane nu yele ɛmɔ bɔ bɛte bɛ bosofoɛ ne fili mmenia mukoraati nu, kyɛbɔ kekesaala ye ɔte ye.

Yosua 14:12

Yiti, mmokaa aseɛ he bɔ AWURADE hane ye nwo dwirɛ sɔ kyẽa nen, fa ma me. Sɔ kyẽa ne, ɛtele kyɛ né Anakefoɛ ne nguro mbiri bɔ bato bɛ nwo fasue mɔ wɔ berɛ. Nakoso ebiaa AWURADE kogyina me si maa ngɔfoa bɛ ngofi berɛ, kyɛbɔ AWURADE hane ne.”