Numeri 14:45 - AHYERƐLƐ KRONGRON

⁴⁵ Yeɛ Amalɛkefoɛ ne Kanaanfoɛ bɔ bɛte mmokaa aseɛ ne aso ne beeyiale bɛ ɔ. Belili Yisraelfoɛ so ngonim, na bɛfoane bɛ toonn beedwuli Hɔma.

Numeri 14:45 Iomraidhean Croise

Edwein 89:43

Afei koso, ama ye ngrandɛ noa atiri, na angyina ye si wɔ koɛ nu.

Ɛksadɔso 17:16

Na ɔhane kyɛ, “Odi kyɛ ebiala ma AWURADE frangaa ne aso, ofikyɛ AWURADE ne Amalɛke bɛkɔho koɛ wɔ aworɛ ndoatoasoɛ mukoraati nu.”

Numeri 13:29

Amalɛkefoɛ nemɔ bɛte ngwaen dɔ aseɛ ne aso; Hitifoɛ, Yebusifoɛ, ɔne Amorifoɛ nemɔ bɛte mmokaa aseɛ ne aso, yeɛ Kanaanfoɛ te mboanoa ne asue Yɔɔdan noa.”

Numeri 14:43

Ofikyɛ Amalɛkefoɛ ne Kanaanfoɛ kɔfa koɛ kɔtoa ɛmɔ wɔ dɔ, na ɛmɔkɔtotɔ ngrandɛ noa. Ɔnate kyɛ ɛmɔayɛ AWURADE nwo lɔen ne ati, AWURADE ngogyina ɛmɔ si.”

Numeri 15:1

Na AWURADE sele Mose kyɛ,

Numeri 21:3

AWURADE tiele Yisrael abisadeɛ ne, na ɔfale Kanaanfoɛ ne wurale bɛ sa. Behuhuni bɛ bɛsɛkyele bɛ nguro nemɔ pasaa; yiti bɛfrɛle berɛ Hɔma.

Deuteronomi 1:44

Na Amorifoɛ bɔ bɛte sɔ mmokaa aseɛ ne aso nen, bɛwale ɛmɔ so, na bɛfoane ɛmɔ kyɛbɔ ɛwommaa foa mmenia ɔ, na bɛbole ɛmɔ wɔ Sɛre toonn beedwuli Hɔma.

Deuteronomi 32:30

Ahaa ɔkɔyɛ sɛɛ né sona horɛ wahora wafoa mmenia apee, ná mmenia nyɔ ama mmenia apee buru banwati ɔ? Sana bɛ Nyɔbotaen ne waye ye sa wafi bɛ bo, sana AWURADE aye bɛ wama koraka.

Yosua 7:5

Ayefoɛ huhuni bɛ nu mmenia kɔyɛ aburasa ne nzia, bɛfoane bɛ befili kuro berɛ pambim ne asi toonn beedwuli Hyebarim, na behuhuni bɛ wɔ bokaa ne ndoroleɛ nu. Ɛserɛ hane Yisraelfoɛ, na bɛbɔle fuin.

Maenbulɛfoɛ 1:17

Yuda ne oliɛma Simeon besili nu bɛhɔle, na belili Kanaanfoɛ bɔ bɛte Sefate ne aso ngonim. Bɛsɛkyele kuro ne pasaa, na bɛfrɛle kuro ne Hɔma.

1 Samuel 27:8

Dawide ne ye mmenia nemɔ beetuale Gesurefoɛ, Gisifoɛ ne Amalɛkefoɛ, ofikyɛ Sure atee ne aso bɔ ɛfa kɔ Misraim aseɛ so ne, sɔ mmenia nemɔ yeɛ né ofi tetetete bɛte berɛ ɔ.

1 Samuel 30:30

Hɔma, Borasan, Atake,

1 Samuel 4:2

Filistifoɛ beegyinagyinane koɛ noa, na bɛwale Yisrael so. Koɛ ne anu yɛle se, na Filistifoɛ lili Yisrael so ngonim. Behuhuni Yisraelfoɛ mmienzua kɔyɛ apee nna wɔ koɛ ne anu.