Numeri 14:44 - AHYERƐLƐ KRONGRON

⁴⁴ Ɔwɔ nu kyɛ né AWURADE apam alaka ne, ɔne Mose bɛtɛ wɔ asikyeleɛ ne anu berɛ de, nakoso Yisraelfoɛ tuli bɛ bo kyɛ bɛfo bɛkɔ mmokaa aseɛ ne aso dɔ.

Numeri 14:44 Iomraidhean Croise

Numeri 10:33

Yiti besili nu befili AWURADE bokaa ne aso bɛpɛle atee bɔ bɛfa ɛlɛsa yeɛ bɛpɛ ɔ. Né AWURADE apam alaka ne li bɛ nyunu wɔ sɔ ɛlɛsa ateetulɛ ne anu kyɛ ɔkwaapena nekaa maa bɛkyekye asikyeleɛ.

Numeri 14:43

Ofikyɛ Amalɛkefoɛ ne Kanaanfoɛ kɔfa koɛ kɔtoa ɛmɔ wɔ dɔ, na ɛmɔkɔtotɔ ngrandɛ noa. Ɔnate kyɛ ɛmɔayɛ AWURADE nwo lɔen ne ati, AWURADE ngogyina ɛmɔ si.”

Numeri 15:30

Nakoso ebiala bɔ ye nye la ye nwo ná ɔkɔyɔ bɔne ne, kyɛ ɔte maen baa oo, anaa ɛwɔfoɛ oo, wabu AWURADE animtia, na odi kyɛ bɛpɛ ye asue befi ye mmenia nu.

Numeri 31:6

Mose somane bɛ maa bɛhɔle koɛ ne; abusua kure biala anu mmenia apee ko. Né ɔsɔfo Eleasa awa Finehase boka bɛ so. Né ye yeɛ otira nekaa krongron berɛ ndalie nemɔ ɔne totorobɛndo mɔ bɔ bɛfa bɛbɔ ese ne ɔ.

Deuteronomi 1:43

Ɔwɔ nu kyɛ nga ngyirele ɛmɔ de, nakoso ɛmɔandie, na ɛmɔhwi bɛfale AWURADE noa dwirɛ so. Ɛmɔlili bɛ ti piri, na ɛmɔfo bɛhɔle mmokaa aseɛ ne aso dɔ.