Numeri 14:43 - AHYERƐLƐ KRONGRON

⁴³ Ofikyɛ Amalɛkefoɛ ne Kanaanfoɛ kɔfa koɛ kɔtoa ɛmɔ wɔ dɔ, na ɛmɔkɔtotɔ ngrandɛ noa. Ɔnate kyɛ ɛmɔayɛ AWURADE nwo lɔen ne ati, AWURADE ngogyina ɛmɔ si.”

Numeri 14:43 Iomraidhean Croise

1 Aberɛso Dwirɛ 28:9

“Na afei, mma Solomon, AWURADE wɔ baba ye Nyameɛ ne, odi kyɛ enwu ye yé, ná ɛfa ahone bɔ nu te, ɔne sotie ɛso ye. Ofikyɛ AWURADE neanea ahone amukoraa nu, na ɔse nzusuleɛ ne adwene biala. Sɛ ɛpena ye si ate a, ekonwu ye, nakoso sɛ ɛpo ye a, ɔkɔye ye sa kofi wɔ bo afebɔɔ.

2 Aberɛso Dwirɛ 15:2

Ɔhɔ ooyiale Asa, na osele ye kyɛ, “Asa ne Yuda maen amukoraa ne Benyamin maen amukoraa, ɛ́mɔtie! Ɛmɔso AWURADE ye de, AWURADE gyi ɛmɔ si. Sɛ ɛmɔpena ye si atee a, ɛmɔkonwu ye. Nakoso sɛ ɛmɔpo ye a, ye koso ɔkɔpo ɛmɔ.

Edwein 44:10

Amaa yanwati yafi yɛ pɔfoɛ ne nyunu, na yɛ pɔfoɛ mɔ bafe yɛ nningyein bafa.

Yesaya 63:10

Nakoso bɛ de, bɛyɛle lɔen bɛmane ye Sunzum krongron ne wora bɔle; yiti ɔpɛle ye nwo yɛle bɛ pɔfoɛ, na ye bɔbɔ ɔho tiale bɛ.

Hosea 9:12

Sɛ bɛtete mmaa po a, ngɔmaa bekoli abawuo bɔ baa ko po ngɔha ɔ; amba, sɛ meyakyi bɛ nu a, bɛ yaakɔ!

Lewitikɔso 26:17

Ngotu me nye ngosie ɛmɔ so, na ɛmɔkɔtotɔ ɛmɔ pɔfoɛ mɔ ngrandɛ noa. Ɛmɔ pɔfoɛ mɔ koli ɛmɔ so, na ɛmɔkɔnwati wɔ aberɛ bɔ ebiala ɔmvoa ɛmɔ ɔ.

Numeri 13:29

Amalɛkefoɛ nemɔ bɛte ngwaen dɔ aseɛ ne aso; Hitifoɛ, Yebusifoɛ, ɔne Amorifoɛ nemɔ bɛte mmokaa aseɛ ne aso, yeɛ Kanaanfoɛ te mboanoa ne asue Yɔɔdan noa.”

Numeri 14:25

Na afei, ɔnate kyɛ Amalɛkefoɛ ne Kanaanfoɛ bɛte bɔnza nemɔ anu ne ati, ɛhema ɛ́mɔkakyi bɛ nwo ná ɛ́mɔfa bɛ nye behyire Ɛpo kɔkorɛ atee ne aso bɛhɔ ɛserɛ ne aso dɔ.”

Numeri 14:42

Nnɛma ɛmɔsi nu bɛkɔ, ofikyɛ AWURADE aye ye sa wafi ɛmɔ bo. Nnɛmɔma ɛmɔ nwo ate ma ɛmɔ pɔfoɛ mɔ kuku ɛmɔ.

Numeri 14:44

Ɔwɔ nu kyɛ né AWURADE apam alaka ne, ɔne Mose bɛtɛ wɔ asikyeleɛ ne anu berɛ de, nakoso Yisraelfoɛ tuli bɛ bo kyɛ bɛfo bɛkɔ mmokaa aseɛ ne aso dɔ.

Deuteronomi 28:25

“AWURADE kɔmaa ekoli ngoguo wɔ wɔ pɔfoɛ mɔ nyunu. Ɛkɔfa atee ko aso kɔhɔ bɛ so, nakoso ɛkɔfa atee ahoroɔ nzoo so ɛkɔnwati kofi bɛ nyunu. Na edwirɛ bɔ ɔkɔto wɔ ne kɔyɛ aseɛ so ahennie mukoraati nwanwa.

Yosua 22:15

Ɛbɔfoɛ nemɔ wale Rubenfoɛ, Gadefoɛ ne Manase abusua kure ne bue berɛ wɔ Gileade aseɛ so, na bɛbɔle b’amaneɛ behyirele bɛ kyɛ,

Yosua 7:12

Ɔnate sɔ ne ati yeɛ Yisraelfoɛ bɛngora bɛ pɔfoɛ mɔ nyunu gyina ɔ; bɛnwati befi bɛ pɔfoɛ mɔ nyunu, ofikyɛ bayɛ mmenia bɔ matu bɛ masie berɛ kyɛ ɔsɛ kyɛ beku bɛ ɔ. Mengogyina ɛmɔ si ko, sana nningyein bɔ matu masie berɛ kyɛ behũ bɛ ná bɛsɛkye bɛ ne, ɛ́mɔye befi ɛmɔ nu.

Maenbulɛfoɛ 16:20

Na afei Delila sele kyɛ, “Samson, Filistifoɛ nemɔ awa wɔ so oo!” Yeɛ Samson fili nnaa nu dwɔsole, na ɔyɛle ye adwene kyɛ, “Ngofite ná mawoso me nwo male me nwo kyɛbɔ meyɔ ye daa ne.” Nakoso né Samson nze kyɛ AWURADE aye ye sa ye bo ɔ.