Numeri 14:42 - AHYERƐLƐ KRONGRON

⁴² Nnɛma ɛmɔsi nu bɛkɔ, ofikyɛ AWURADE aye ye sa wafi ɛmɔ bo. Nnɛmɔma ɛmɔ nwo ate ma ɛmɔ pɔfoɛ mɔ kuku ɛmɔ.

Numeri 14:42 Iomraidhean Croise

2 Aberɛso Dwirɛ 15:2

Ɔhɔ ooyiale Asa, na osele ye kyɛ, “Asa ne Yuda maen amukoraa ne Benyamin maen amukoraa, ɛ́mɔtie! Ɛmɔso AWURADE ye de, AWURADE gyi ɛmɔ si. Sɛ ɛmɔpena ye si atee a, ɛmɔkonwu ye. Nakoso sɛ ɛmɔpo ye a, ye koso ɔkɔpo ɛmɔ.

Edwein 89:43

Afei koso, ama ye ngrandɛ noa atiri, na angyina ye si wɔ koɛ nu.

Numeri 14:43

Ofikyɛ Amalɛkefoɛ ne Kanaanfoɛ kɔfa koɛ kɔtoa ɛmɔ wɔ dɔ, na ɛmɔkɔtotɔ ngrandɛ noa. Ɔnate kyɛ ɛmɔayɛ AWURADE nwo lɔen ne ati, AWURADE ngogyina ɛmɔ si.”

Deuteronomi 1:42

Na AWURADE sele me kyɛ, ‘Ka kyire bɛ kyɛ, Nnɛma ɛmɔfo bɛkɔ aseɛ ne aso bɛkɔko, ofikyɛ me de, mmmoka ɛmɔ so. Sɛ ɛmɔkɔ a, ɛmɔ pɔfoɛ mɔ koli ɛmɔ so ngonim.’

Deuteronomi 31:17

M’ahone kohu bɛ so sɔ kyẽa ne, ngɔpo bɛ, ngɔye me nye ngofi bɛ so, bɛ pɔfoɛ mɔ kohũhũ bɛ, na musue ne amaneɛ pee kɔtoto bɛ. Na sɔ kyẽa ne yeɛ bɛkɔhã kyɛ, ‘Aso nna yɛ Nyameɛ bɔ ɔnne yɛ nu wa bie ye ati yeɛ amaneɛ hemɔ atoto yɛ ye?’

Yosua 7:12

Ɔnate sɔ ne ati yeɛ Yisraelfoɛ bɛngora bɛ pɔfoɛ mɔ nyunu gyina ɔ; bɛnwati befi bɛ pɔfoɛ mɔ nyunu, ofikyɛ bayɛ mmenia bɔ matu bɛ masie berɛ kyɛ ɔsɛ kyɛ beku bɛ ɔ. Mengogyina ɛmɔ si ko, sana nningyein bɔ matu masie berɛ kyɛ behũ bɛ ná bɛsɛkye bɛ ne, ɛ́mɔye befi ɛmɔ nu.

Yosua 7:8

Mesrɛ wɔ ala, AWURADE, afei bɔ Yisrael wanwati wafi ye pɔfoɛ mɔ nyunu ye, nzikyɛ dwirɛ koraa yeɛ nga ɔ?

Maenbulɛfoɛ 16:20

Na afei Delila sele kyɛ, “Samson, Filistifoɛ nemɔ awa wɔ so oo!” Yeɛ Samson fili nnaa nu dwɔsole, na ɔyɛle ye adwene kyɛ, “Ngofite ná mawoso me nwo male me nwo kyɛbɔ meyɔ ye daa ne.” Nakoso né Samson nze kyɛ AWURADE aye ye sa ye bo ɔ.