Numeri 14:40 - AHYERƐLƐ KRONGRON

⁴⁰ Bedwɔsole ngyerɛmɔ tutututu bɛhɔle mmokaa aseɛ ne ati afia, na besele kyɛ, “Yɛ ɛhe. Yɛkɔhɔ nekaa bɔ AWURADE fa hyɛle yɛ bɔ ne, ofikyɛ yayɔ bɔne.”

Numeri 14:40 Iomraidhean Croise

Nworɛ Dwirɛhanɛniɛ 9:3

Bɔ ɔkɔ so amukoraa wɔ wiase ne, bɔ ɔtte mayee koraa ɛne, kyɛ ayieleɛ komapɛ ne ala yeɛ ɔla berɛ ma kuro sona biala ɔ. Afei koso, bɔne ayi sona biala ti anu tɛkyɛ, ɛlaenbɔlɛ ali bɛ ti wɔ mmerɛ biala bɔ bɛte ngoa nu ɔ, na ɛhe asi ne, bɛkɔ bɛ kra si.

Numeri 15:30

Nakoso ebiala bɔ ye nye la ye nwo ná ɔkɔyɔ bɔne ne, kyɛ ɔte maen baa oo, anaa ɛwɔfoɛ oo, wabu AWURADE animtia, na odi kyɛ bɛpɛ ye asue befi ye mmenia nu.

Numeri 22:34

Yeɛ Balaam sele AWURADE abɔfo ne kyɛ, “Mayɔ bɔne, ofikyɛ né menze kyɛ agyina atee ne anu kyɛ esi me ate ɔ. Afei, sɛ bɔ meyɔ ne ɔnzɔ wɔ nye a, ye de, mesa mekɔ awuro.”

Luka 13:25

Na sɛ awuro ne mene dwɔso to anoa ne anu pɛ a, yeɛ ɛmɔkɔhyɛ ye bo bekogyina ye si ɔ, na ɛmɔkɔbɔ anoa ne anu bɛkɔhã kyɛ, ‘Yɛ Mene, Yɛ Mene, bukye anoa ne ma yɛ.’ Na okobua ɛmɔ kyɛ, ‘Menze nekaa bɔ ɛmɔfi ɔ.’

Deuteronomi 1:41

“Na ɛmɔbuale me kyɛ, ‘Yayɔ bɔne yatia AWURADE. Yɛ bɔbɔ yɛkɔfo yɛkɔɔho, kyɛbɔ AWURADE yɛ Nyameɛ hyɛle yɛ ne.’ Yiti ɛmɔ amukoraa ɛmɔfale ɛmɔ akodeɛ besini, na ɛmɔsusuli kyɛ mmokaa aseɛ bɔ ɛmɔfo bɛkɔɔfa ne, ɛmɔkɔfa ye fo.

Deuteronomi 1:43

Ɔwɔ nu kyɛ nga ngyirele ɛmɔ de, nakoso ɛmɔandie, na ɛmɔhwi bɛfale AWURADE noa dwirɛ so. Ɛmɔlili bɛ ti piri, na ɛmɔfo bɛhɔle mmokaa aseɛ ne aso dɔ.