Numeri 14:34 - AHYERƐLƐ KRONGRON

³⁴ Ngyẽa eleburanna yeɛ ɛmɔfa bɛɛtetɛle aseɛ ne ɔ. Na kyɛbɔ ngyẽa ne somaa te ne, ɛmɔ amumuyɛɛ kɔbɔ ɛmɔ ti so afoɛ aburanna, bɔ kyẽa ko biala gyi berɛ ma afoɛ ko ɔ; na ɛmɔkonwu kyɛbɔ me yaafɛlɛ si te ɔ.

Numeri 14:34 Iomraidhean Croise

1 Ahemvo 8:56

“Animnyam hã AWURADE bɔ wama ye maen Yisrael banya asomdwee, kyɛbɔ ɔhyɛle bɔ ne ala. Nningyein paa bɔ ɔnate ye somvoɛ Mose so hyɛle ye nwo bɔ ne amukoraa, nu ko po nne berɛ bɔ wamma nu ɔ.

2 Aberɛso Dwirɛ 36:21

Ɛhe sili, amaa AWURADE dwirɛ bɔ ɔnate Yeremia so hane ne, wawa nu; amaa ɔnate so aseɛ ne wanya ate wali ye afofingyẽa. Ngyẽa amukoraa bɔ aseɛ ne lale berɛ mbaen ne, né odi afofikyẽa alaa kɔpem kyɛ afoɛ aburasoo sone ɔ.

Edwein 105:42

Ofikyɛ ɔkayele ye bɔhyɛ krongron ne, ɔne ye somvoɛ Abraham.

Edwein 38:4

Ofikyɛ m’amumuyɛɛ abungam afa me so; na nu nonɛ obu me kɔme anu.

Edwein 77:8

Ye ɔdɔ bɔ onni ngasi ne, aso so apɛ koraa anaa? Ye bɔhyɛ nemɔ, aso bɛ bo apɛ ama aworɛ ndoatoasoɛ amukoraa anaa?

Edwein 95:10

Afoɛ aburanna yeɛ sɔ aworɛ ndoatoasoɛ ne bɛ nwo yɛle me ahi ɔ, na ngane kyɛ, “Bɛte maen bɔ b’adwene ali makyebu, bɔ bɛnze m’atee ɔ.”

Hesekiel 14:10

B’amumuyɛɛ kɔbɔ bɛ ti so: ngɔmhyɛlɛniɛ ne, ye asohwenɛ ne, ɔte kyɛ sona bɔ wahɔ abisa ɔ ye asohwenɛ deɛ ne ala;

Hesekiel 23:35

Yiti AWURADE Nyameɛ nwa nyoo: Ɔnate kyɛ ama wɔ wora afi me, ná apo me ne ati, wɔ koso ekonya wɔ nyanzoen bra ne wɔ gyandera nwo asohwenɛ.”

Hesekiel 4:5

Ofikyɛ mahyehyɛ ngyẽa somaa bie mama wɔ, bɔ ye somaa ne, ɔne b’amumuyɛɛ afoɛ ne somaa te pɛ ɔ, na ɔte ngyẽa ɛyaa nza ne aburahona bɔ yeɛ ɛkɔfa kɔsoa Yisrael awuro ama b’amumuyɛɛ ɔ.

Hesekiel 4:6

Na sɛ ɛyɔ sɔ yie a, da hyerewaa so bieku, wɔ wɔ famaa so, ná soa Yuda awuro ama b’amumuyɛɛ eleburanna. Mafa ɛlɛho biala magyina berɛ mama afoɛ ko mama wɔ.

Daniel 9:24

“Bahyɛ afoɛ aburasoo sɔ alaa nzoo bafa wɔ maen ne wɔ kuro krongron ne anwo, kyɛ bɛ́ma mmeraatolɛ ne ɔbra ayieleɛ, ná bétu bɔne bo, kyɛ bɛ́yɛ amumuyɛɛ nwo mbata, ná bɛ́ma tenenee afebɔɔ ɔbra ɔ, ná bɛ́ma nyekyire ne ne ngɔmhyɛlɛ ne ɔbra nu, ná bɛ́popa nekaa krongron paa ne ngoo.

Hosea 9:12

Sɛ bɛtete mmaa po a, ngɔmaa bekoli abawuo bɔ baa ko po ngɔha ɔ; amba, sɛ meyakyi bɛ nu a, bɛ yaakɔ!

Lewitikɔso 20:19

Nnɛne eni aliɛma brasua anaa wɔ sewaa bɛda; sɛ ɛyɔ sɔ a, wɔ bɔbɔ wɔ nwoniɛ yeɛ ɛne ye ala ɔ; odi kyɛ bɛtwe bɛ so.

Sakaria 11:10

Afei mvale me pɔmaa bɔ oli Ɛlolɛ ne, na mmuli nu, kyɛ mefa mepɛ m’apam bɔ me ne maen amukoraa yayɛ ne anu.

Numeri 13:25

Ye eleburanna ne aso, befili nekaa bɔ bɛɛtetɛle aseɛ ne besa bɛwale.

Numeri 18:23

Nakoso odi kyɛ Lewifoɛ yeɛ bɛyɔ ɛtena sua atenaleɛ nu berɛ adwuma ne ɔ, na bɛ bɔbɔ bɛ mvomsoɛ nwo musue kɔbɔ bɛ ti so. Ɔkɔyɛ daa ahyɛdeɛ wɔ ɛmɔ aworɛ ndoatoasoɛ mukoraati nu. Nakoso bengonya agyapadeɛ biala wɔ Yisraelfoɛ nu,

Numeri 32:13

Na AWURADE fɛle Yisrael so yaa paa, na ɔmaa behyinihyinini ɛserɛ so toonn afoɛ aburanna, kɔpem kyɛ aworɛ ndoatoasoɛ bɔ bayɔ bɔne wɔ AWURADE nyunu ne, bɛ mukoraa bewuwuli ɔ.

Asomafoɛ 13:18

na ɔneane bɛ so kɔyɛ afoɛ aburanna wɔ ɛserɛ so.

Deuteronomi 2:7

Ofikyɛ AWURADE wɔ Nyameɛ ayira wɔ wɔ wɔ sa noa adwuma mukoraati nu, na wanea wɔ so wɔ ɛserɛ piri ye aso natelɛ nu. Afoɛ aburanna ɛhe yeɛ AWURADE wɔ Nyameɛ agyina wɔ si bɔ anhia nikye fee ɔ.’

Hebrifoɛ 4:1

Yiti kyɛbɔ bɔhyɛ bɔ ɔfa ye nwomelelɛ nu hɔlɛ nwo tɛwɔ berɛ ye de, ɛ́mɔma yɛnea yé ná wamma ye kyɛ ɛmɔ nu biala sa anga ye.

Yosua 14:10

Na wɔ bɔbɔ wɔ nye ta, kyɛbɔ AWURADE hyɛle bɔ nen, wamaa matena ngoa nu alaa afoɛ aburanna ne nnu ɛhe, fite mmerɛ bɔ AWURADE hane sɔ dwirɛ ne hyirele Mose ɔ, mmerɛ bɔ né Yisrael nate ɛserɛ ne aso ne. Na kekesaala ye, mali afoɛ aburawɔtwɛ ne nnu.

Nyekyire 11:3

Na ngɔma m’adanzefoɛ nyɔ bɛkɔhera ɛsɛen tena bɛkɔhyɛ ngɔm ngyẽa apee ko ɛyaa nyɔ ne aburasia.”

1 Samuel 2:30

Yiti AWURADE Yisrael Nyameɛ nwa nyoo, ‘Nhyɛle bɔ kyɛ w’abusua ne wɔ nana abusua bekoli sɔfo bɛkɔso me daa.’ Nakoso kekesaala ye de, AWURADE nwa: ‘Mengɔma sɔ dwirɛ ne ngɔyɛ adwuma! Ofikyɛ bɛ bɔ bedi me ni ne, me koso ngoli bɛ ni, yeɛ bɛ bɔ betiatia me nyunu ne, me koso mengɔfa bɛ ngɔyɛ huu.