Numeri 14:31 - AHYERƐLƐ KRONGRON

³¹ Na ɛmɔ mma mmaa mmaa bɔ ɛmɔnwa bɛkɔhye bɛ nnure ne, ngɔfa bɛ ngɔhɔ aseɛ ne aso maa bekonwu aseɛ bɔ ɛmɔato ye nwo ne.

Numeri 14:31 Iomraidhean Croise

Gyenesise 25:34

Afei Yakob mane Yisɔ paanoo ne ngongo abomu ne bie. Odidili, ɔnone, na odwɔsole hɔle. Yiti Yisɔ ammu ye bamuɛbaa dibea ne huu.

Nehemia 9:24

Yiti bɛ boso ama nemɔ, bɛhɔle aseɛ ne aso bɛɛfale, na Kanaanfoɛ bɔ bɛ yeɛ né bɛte aseɛ ne aso mmenia ne, ɛfale bɛ wurale Yisraelfoɛ bo. Na ɛfale bɛ ne b’ahemvo ne aseɛ ne aso ama wurale Yisraelfoɛ sa kyɛ bɔ bekuro ne, bɛfa bɛyɔ bɛ.

Edwein 106:24

Afei aseɛ kamakama ne, bɛtole ye nwo, na bannya gyidie wɔ ye bɔhyɛ ne anu.

Anyandera 1:25

bɔ me foɛtulɛ amukoraa gua ɛmɔ so asi, ná ɛmɔmva ɛmɔ nyunu bɔ metwi ne bɛnyɛ huu ne ati,

Anyandera 1:30

bandie me foɛtulɛ ne anu biala, na bɛpole bɛ nyunu hwilɛ bɔ ndwili ne amukoraa.

Hesekiel 20:18

“Na nzele bɛ mma mɔ wɔ ɛserɛ ne aso kyɛ, ‘Ɛmɔ nana mɔ yɔleɛ ne, nnɛma ɛmɔyɔ bie, nnɛma ɛmɔtu b’agyirɛ bɔ betuli ne bie, yeɛ nnɛma ɛmɔsɔne bɛ mmosoen nemɔ begua ɛmɔ nwo fiɛ.

Numeri 14:3

Nzu ati yeɛ AWURADE ɔfa yɛ ba aseɛ he aso maa yɛbatotɔ wɔ ngrandɛ noa ye? Yɛ ye mɔ ne yɛ mma mɔ kɔyɛ koɛ nu nzesadeɛ. Sɛ yɛsa yɛ si yɛkɔ Misraim a, aso ahaa ɔtte paa mma yɛ?”

Numeri 26:6

Hesronfoɛ bɔ bɛte Hesron sasofoɛ; yeɛ Karemifoɛ bɔ bɛte Kami sasofoɛ.

Numeri 26:64

Yisraelfoɛ bɔ Mose ne ɔsɔfo Aarɔn bɛhale bɛ wɔ Sinai ɛserɛ ne aso ne, bɛ nu ko po nne berɛ bɔ né ɔboka mmenia hemɔ aso ɔ.

Mateo 22:5

Na bɛ wora, bamva banyɛ dwirɛ, na besili nu bɛhɔle b’atee; ko hɔle ye fieso, ko oolili ye dwaa,

Asomafoɛ 13:41

‘Ɛmɔtie, ɛmɔ, ngorohoɛfoɛ, ɛ́mɔma ɔ́yɛ ɛmɔ nwanwa ná ɛ́mɔtu bemini; ɔnate kyɛ méyɔ adwuma bie wɔ ɛmɔ aberɛ so, adwuma bɔ sɛ ebie kã kyire ɛmɔ po a, ɛmɔngole bengoli ɔ.’ ”

Deuteronomi 1:39

Afei koso, ɛmɔ mma ndɔtɔfee nemɔ bɔ ɛmɔdwenene kyɛ bɛkɔhye bɛ nnure ne, ɔne ɛmɔ mma mɔ bɔ kekesaala ye bɛnze paa anaa bɔne ne, bɛ yeɛ bɛkɔhɔ aseɛ ne aso ɔ. Bɛ yeɛ ngɔfa ngɔma bɛ ɔ, na bɛkɔfa kɔyɛ bɛ deɛ.

Yosua 5:7

Yiti bɛ mma bɔ Nyameɛ maa beesili bɛ gya nu ne yeɛ Yosua pɛle bɛ bienzua ɔ. Né bennya bɛppɛle bɛ bienzua, ofikyɛ bambɛ bɛ bienzua wɔ atunu.