Numeri 14:3 - AHYERƐLƐ KRONGRON

³ Nzu ati yeɛ AWURADE ɔfa yɛ ba aseɛ he aso maa yɛbatotɔ wɔ ngrandɛ noa ye? Yɛ ye mɔ ne yɛ mma mɔ kɔyɛ koɛ nu nzesadeɛ. Sɛ yɛsa yɛ si yɛkɔ Misraim a, aso ahaa ɔtte paa mma yɛ?”

Numeri 14:3 Iomraidhean Croise

Nehemia 9:17

Bɛyɛle b’adwene kyɛ bengoli so, na anwanwadeɛ bɔ ɛyɔle mane bɛ ne, bangaye, na mmom bɛyɛle asoserɛ, yeɛ bɛyele sona maa ɔlale bɛ noa kyɛ besa bɛkɔ ngoaasolɛ nu wɔ Misraim. Nakoso ɛte Nyameɛ bɔ ɛfa bɔne kyɛ, ɛdo mmenia, yeɛ ɛse anwumvoin, w’ahone nhu ndɛ, wɔ ɔdɔ bɔ onni ngasi sone, na anye wɔ sa amvi bɛ bo.

Edwein 78:40

Amba, bɛyɛle ye nwo lɔen wɔ ɛserɛ so mmerɛ pee, na bɛmane ye wora bɔle wɔ ɛserɛ so!

Ɛksadɔso 16:3

Besele Mose ne Aarɔn kyɛ, “Sɛ AWURADE tumi maa yɛwuwuli Misraim aseɛ so a, ahaa ɔte paa. Berɛ de, yɛtenatenane naen kukue nwo yɛdidili yɛtele naen mane yɛ ko yili pambee. Nakoso ɛmɔafa yɛ baagua ɛserɛ so wa kyɛ bɛbaama ɛhɔen ku maen ye amukoraa.”

Ɛksadɔso 5:21

Na besele bɛ kyɛ, “Nyameɛ ɔ́nea ɛmɔ na óbua ɛmɔ ndɛen, ofikyɛ ɛmɔamaa yayɛ tɛɛ wɔ Faro ne ye mbanyi nyunu, na ɛmɔafa ngrandɛ bawura bɛ sa nu kyɛ behũ yɛ.”

Yeremia 42:14

bɛkã kyɛ, ‘Daabi, Misraim aseɛ so mmom yeɛ yɛkɔhɔ ɔ, na dɔ de, koɛ ngɔto yɛ, yɛngɔte totorobɛndo nga, yeɛ aleɛ nwo hɔen ngohũ yɛ, na dɔ yeɛ yɛkɔɔtena ɔ’ a,

Yeremia 42:19

Ɛmɔ, Yudafoɛ bɔ ɛmɔaha ɔ, AWURADE ahã ahyire ɛmɔ kyɛ, ‘Nnɛma ɛmɔkɔ Misraim!’ Ɛ́mɔkaye kyɛ ɛnɛ kyẽa ye, mabɔ ɛmɔ kɔkɔ.

Yeremia 9:3

Bɛkondo bɛ temverema kyɛ agyaen bɛpɛ anoanu; nna nahorɛ ɔ, na mmom ngondombopɛlɛ yeɛ wamaa batindim wɔ aseɛ ye aso ɔ, ofikyɛ bɛyɔ bɔne bɛfoa bɔne so, na bɛnze me, AWURADE noa dwirɛ ɛne.

Numeri 11:20

na mmom ɛmɔkoli ye bosome ko mumua, kɔpem kyɛ ɔkɔfa ɛmɔ bonyi anu, ná wabɔ ɛmɔ ɔ, ofikyɛ ɛmɔapo AWURADE bɔ ɔne ɛmɔ te ne, na ɛmɔabɔ awuye wɔ ye nyunu kyɛ, ‘Nzu ati po yeɛ yɛtu yɛfili Misraim ye?’ ”

Numeri 16:13

Aso ɔte edwirɛ baa kyɛ aaye yɛ afi aseɛ bɔ nyɔfonesue ne woɛ tengyɛ wɔ so ɔ so, kyɛ ɛbaahu yɛ wɔ ɛserɛ ye aso, bɔ yeɛ esa hyɛ yɛ so ɔ?

Numeri 20:3

Mmenia ne ne Mose nyane edwudwolɛ, na bɛhane kyɛ, “Y’eliɛma nemɔ wuwuli wɔ AWURADE nyunu ne, yɛ koso yɛwuwuli bie po a ahaa né so apɛ!”

Numeri 21:5

Yisraelfoɛ dwudwole tiale Nyameɛ ne Mose kyɛ, “Nzu ati yeɛ ɛmɔaye yɛ bafi Misraim aseɛ so kyɛ yɛɛwuwu wɔ ɛserɛ ye aso ye? Ofikyɛ aleɛ ne nzue nne wa, na sɔ aleɛ tɛɛtɛɛ he abɔ yɛ.”

Asomafoɛ 7:39

“Nakoso yɛ nana mɔ andie Mose, behwi bɛfale ye dwirɛ so, na ɔhale bɛ ngome a, ahaa né bɛwɔ Misraim.

Deuteronomi 1:39

Afei koso, ɛmɔ mma ndɔtɔfee nemɔ bɔ ɛmɔdwenene kyɛ bɛkɔhye bɛ nnure ne, ɔne ɛmɔ mma mɔ bɔ kekesaala ye bɛnze paa anaa bɔne ne, bɛ yeɛ bɛkɔhɔ aseɛ ne aso ɔ. Bɛ yeɛ ngɔfa ngɔma bɛ ɔ, na bɛkɔfa kɔyɛ bɛ deɛ.