Numeri 14:29 - AHYERƐLƐ KRONGRON

²⁹ Ɛserɛ ye aso yeɛ ɛmɔkowu bekogua ɔ, na ɛmɔ amukoraa bɔ bɛhale ɛmɔ ne, ebiala bɔ wali ofi afoɛ aburanyɔ bɔ ɔkɔ, bɔ wapenepene ye komvi wagua me so ne,

Numeri 14:29 Iomraidhean Croise

Edwein 106:26

Yiti ɔmane ye sa so tale ndaen guale bɛ so kyɛ, ɔkɔmaa bɛkɔtotɔ wɔ ɛserɛ ne aso,

Edwein 78:33

Yiti ɔpɛle bɛ ngoa so kyɛ nwomeɛ, bɔ b’afoɛ bɔ wahã ne ɔɔyɛle ahunundetelɛ ɔ.

Hesekiel 20:38

Na mmenia bɔ bayɛ lɔen, ɔne bɛ bɔ bɛto me mmeraa ne, ngɔpa nu ngɔye bɛ ngofi ɛmɔ nu. Ngɔɔye bɛ ngofi aseɛ bɔ bɛtete so ne aso de, nakoso bɛ gya baa ngotia Yisrael aseɛ so. Na afei ɛmɔkonwu kyɛ me ole AWURADE.

Numeri 1:45

Yiti Yisraelfoɛ amukoraa bɔ bali ofi afoɛ aburanyɔ bɔ ɔkɔ ɔ, ebiala bɔ ɔkora kɔ koɛ ne, kyɛbɔ bɛ nana mɔ sasofoɛ te ne, bɛ somaa ɛhe:

Numeri 1:46

bɛ mu bɛ somaa te apee ɛyaa nzia ne nza ɔne ɛyaa nnu ne aburannu.

Numeri 26:64

Yisraelfoɛ bɔ Mose ne ɔsɔfo Aarɔn bɛhale bɛ wɔ Sinai ɛserɛ ne aso ne, bɛ nu ko po nne berɛ bɔ né ɔboka mmenia hemɔ aso ɔ.

Numeri 26:65

Ofikyɛ né AWURADE aha afa bɛ nwo kyɛ, “Bekowuwu wɔ ɛserɛ ne aso.” Bɛ nu ko po anga, sana Yefune awa Kalebo ɔne Nun awa Yosua angome.

1 Korintofoɛ 10:5

Nakoso, Nyameɛ nye angye bɛ nu pee bɛ nwo, yiti bewuwuli wɔ ɛserɛ ne aso.

Deuteronomi 2:14

Afoɛ aburasa ne mmɔtwɛ mumua yeɛ yɛfa yɛnatele toonn yɛfili Kadese Banea yɛɛpɛle Serede bɔnza ne ɔ; kɔpem kyɛ sɔ koɛhonɛfoɛ aworɛ ndoatoasoɛ ne amukoraati wuwuli fili asikyeleɛ ne anu ɔ, kyɛbɔ AWURADE tale bɛ nwo ndaen hane ne.

Hebrifoɛ 3:17

Nwa mɔ yeɛ Nyameɛ fɛle bɛ so yaa afoɛ aburanna ne? Aso nna bɛ bɔ bɛyɔle bɔne na bɛtotɔle amono nu wɔ ɛserɛ ne aso ne ɔ?

Yosua 5:6

Afoɛ aburanna yeɛ Yisraelfoɛ tuli atee fale ɛserɛ ne aso ɔ, kɔpem kyɛ maen ne amukoraa ne bɛ koɛhonɛfoɛ amukoraa bɔ befi Misraim bɛwale ne bewuwuli ɔ, ofikyɛ bandie AWURADE dwirɛ. Na AWURADE tale ndaen hyirele bɛ kyɛ, ɔngɔma bengonwu aseɛ bɔ ɔtale ndaen hyirele bɛ nana mɔ kyɛ ɔkɔfa kɔma yɛ ne, aseɛ bɔ nyɔfonesue ne woɛ tengyɛ wɔ so ne.

Yuda 1:5

Ɔwɔ nu kyɛ ɛmɔse ɛhemɔ dada de, nakoso mepena kyɛ mebɔ ɛmɔ so, kyɛ Awurade bɔ olele maen ne fili Misraim aseɛ so ne, nziɛ ye, ohuhuni bɛ bɔ banne banni ne.