Numeri 14:27 - AHYERƐLƐ KRONGRON

²⁷ “Mmenia amumuyɛɛfoɛ ye, bɛkɔpenepene bɛ komvi bekogua me so maa okoodwu kyinzu? Mate Yisraelfoɛ bɛ komvi bɔ bɛpenepenene beguale me so ne.

Numeri 14:27 Iomraidhean Croise

Ɛksadɔso 16:12

“Mate Yisraelfoɛ bɛ komvi bɔ bɛpenepene ne. Yiti ka kyire bɛ kyɛ, ‘Nɔsoa ɛmɔkoli naen, ná ngyerɛmɔ wora ɛmɔali aleɛ ama ɛmɔ ko ayi; amaa ɔnate so ɛmɔanwu kyɛ me ole AWURADE ɛmɔ Nyameɛ ne.’ ”

Ɛksadɔso 16:28

Na AWURADE sele Mose kyɛ, “Kyinzu koraa yeɛ ɛmɔkɔpo me mmeraa dwirɛ ne me mmeraa maa okoodwu ɔ?

Ɛksadɔso 16:7

Na ngyerɛmɔ koso ɛmɔkonwu AWURADE animnyam, ofikyɛ AWURADE anwu kyɛ ɛmɔpenepene bɛ komvi begua ye so. Na yɛ de, yɛ ole nwa bɔ ɛmɔpenepene bɛ komvi begua yɛ so ɔ?”

Ɛksadɔso 16:9

Na Mose sele Aarɔn kyɛ, “Ka kyire Yisrael ɛlɔen ne amukoraa kyɛ, ‘Ɛmɔhwe bepingye AWURADE, ofikyɛ wate kyɛ ɛmɔpenepene bɛ komvi.’ ”

Hesekiel 35:13

Ɛmɔfale ɛmɔ noa bɛkekane anwomasoɛ dwirɛ betiale me, ɛmɔkekane edwirɛ pee betiale me, na ndele.

Numeri 11:1

Yisraelfoɛ penepenene bɛ komvi fale amaneɛ bɔ benwu ye ɔ nwo maa odwuli AWURADE nyunu. AWURADE tele, na ɔfɛle yaa paa. Yiti AWURADE see ne tɔle wɔ b’asikyeleɛ ne anu, na ɔyerale asikyeleɛ berɛ bondua ne bie.

Numeri 14:11

Na AWURADE sele Mose kyɛ, “Mmenia hemɔ kobu me animtia maa okoodwu kyinzu? Nzɛngyerɛnneɛ amukoraa bɔ mayɔ mama bɛ ye asi ye, kyinzu yeɛ bekole me bekoli ɔ?

Numeri 14:26

Na AWURADE sele Mose ne Aarɔn kyɛ,

Mateo 17:7

Na Yesu wale ɔɔsosɔle bɛ nu hane kyɛ, “Ɛ́mɔdwɔso, na nnɛma ɛmɔsuro!”

Marko 9:19

Yeɛ Yesu buale bɛ kyɛ, “O ɛnɛmmafoɛ bɔ ɛmɔlle gyidie ɔ! Me ne ɛmɔ yɛtena maa odwu kyinzu? Nya ɛmɔ nwo aboterɛ maa odwu kyinzu? Ɛ́mɔfa ye bɛbrɛ me!”

1 Korintofoɛ 10:10

Yeɛ nnɛmɔma yɛpenepene yɛ komvi kyɛbɔ bɛ nu biemɔ yɔle ná ewue abɔfo oohuhuni bɛ ne.