Numeri 14:23 - AHYERƐLƐ KRONGRON

²³ bɛ nu biala ngonwu aseɛ bɔ ndale ye nwo ndaen kyɛ ngɔfa ngɔma bɛ nana mɔ ne. Bɛ bɔ bebuli me animtia ne, bɛ nu biala ngonwu aseɛ ne.

Numeri 14:23 Iomraidhean Croise

Nehemia 9:23

Ɛmane bɛ boso ama bɛtale kyɛ ewienu nzramaa, na aseɛ bɔ ɛhã hyirele bɛ nana mɔ kyɛ bɛɛfa bɛyɛ bɛ deɛ ne, ɛfale bɛ wale so.

Edwein 106:26

Yiti ɔmane ye sa so tale ndaen guale bɛ so kyɛ, ɔkɔmaa bɛkɔtotɔ wɔ ɛserɛ ne aso,

Edwein 95:11

Yiti mvɛle yaa ndale ndaen kyɛ, “Bengowura me nwomelelɛ ne anu bie.”

Yeremia 18:10

nakoso ɔyɔ bɔne wɔ me nye so, bɔ ondie me dwirɛ a, ye de ngɔsesã m’adwene wɔ ngɔsoɛ bɔ nyɛle kyɛ ngɔmaa okonya ne anwo.

Hesekiel 20:15

Nza ndale ndaen ngyirele bɛ wɔ ɛserɛ ne aso, kyɛ mengɔfa bɛ ngɔhɔ aseɛ bɔ mva mane bɛ ne aso, aseɛ bɔ nyɔfonesue ne woɛ tengyɛ wɔ so, aseɛ bɔ ɔyɛ nyemene tra aseɛ biala ne;

Numeri 26:64

Yisraelfoɛ bɔ Mose ne ɔsɔfo Aarɔn bɛhale bɛ wɔ Sinai ɛserɛ ne aso ne, bɛ nu ko po nne berɛ bɔ né ɔboka mmenia hemɔ aso ɔ.

Numeri 26:65

Ofikyɛ né AWURADE aha afa bɛ nwo kyɛ, “Bekowuwu wɔ ɛserɛ ne aso.” Bɛ nu ko po anga, sana Yefune awa Kalebo ɔne Nun awa Yosua angome.

Numeri 32:11

‘Nahorɛ nu, bɛ bɔ befili Misraim bɛwale ne, bɛ nu biala bɔ wali ofi afoɛ aburanyɔ bɔ ɔkɔ ne, ongonwu aseɛ bɔ ndale ndaen kyɛ ngɔfa ngɔma Abraham, Yisake ɔne Yakob ne, ofikyɛ banni nahorɛ bamma me.

Deuteronomi 1:8

Tie! Aseɛ bɔ maye masie berɛ mama ɛmɔ ne yeɛ ɔla ɛmɔ nyunu dɔ ne. Yiti ɛmɔhɔ bɛɛfa aseɛ bɔ me bɔbɔ AWURADE ndale ndaen ngyirele ɛmɔ nana mɔ Abraham, Yisake ne Yakob kyɛ ngɔfa ngɔma bɛ ne bɛ bosofoɛ bɔ bɛkɔwa nziɛ ye ne.’

Hebrifoɛ 4:3

Na yɛ bɔ yale yali ne yeɛ yɛwura sɔ nwomelelɛ ne anu ɔ, kyɛbɔ ɔhane kyɛ, “Yiti nne ɛyaa ndale ndaen kyɛ, ‘Bengowura me nwomelelɛ ne anu bie!’ ” Oyiele ye nnwumaa yɔle fi ewiase ahyɛaseɛ ne.