Numeri 14:21 - AHYERƐLƐ KRONGRON

²¹ Nakoso, kyɛ nde ase ye, ɔne kyɛ AWURADE animnyam koyi aseɛ ye aso amukoraa tɛkyɛɛ ye,

Numeri 14:21 Iomraidhean Croise

Edwein 57:6

Basua me ngaen, me kra wora abɔ. Betuli kumaa wɔ m’atee nu, nakoso bapɛ bɛ nwo batete bagua nu. Sela

Edwein 72:19

Ye animnyam dumaa ne, odi kyɛ bɛye ye ayɛ daa, na ma ye animnyam oyi aseɛ ye amukoraa so tɛkyɛ. Amen, Amen.

Ɛksadɔso 9:16

Nakoso mamaa anya wɔ ti adidi nu, kyɛ ngɔye me tumi ali ngohyire wɔ ɔ, amaa ɔnate so me dumaa atrɛ ahɔ aseɛ ye aso amukoraa.

Yesaya 49:18

To wɔ nye anwuro nea bra yia, ɛhemɔ amukoraa baboa bɛ noa bɔ bɛ́ba wɔ berɛ ɔ. AWURADE nwa nyoo, kyɛ nde ase ye de, ɛkɔfa bɛ mukoraa ɛkɔhyehyɛ wɔ nwo kyɛ mbembenanneɛ, ɛkɔfa ekosiesie wɔ nwo kyɛbɔ atɔmvorɛ braa ɔyɔ ne ala.

Yesaya 6:3

Na ebiala tea nu se obiɛngo kyɛ, “Krongron, krongron, Asafo AWURADE te krongron; ye animnyam ayi aseɛ so amukoraa tɛkyɛ.”

Yeremia 22:24

AWURADE nwa nyoo: Kyɛ nde ase ye, sɛ Konia bɔ ye baba ole Yuda hene Yehoakim yeɛ ɔte me nzɔanoɛ kaa bɔ owura me sa famaa po a, ahaa ngopuro wɔ ngofi me sa,

Hesekiel 18:3

Susu amba, kyɛ nde ase ye, ɛmɔngobu sɔ anyandera ne ko wɔ Yisrael, AWURADE Nyameɛ noa dwirɛ ɛne.

Hesekiel 20:36

Na kyɛbɔ mmuale ɛmɔ nana mɔ ndɛen ɛserɛ so wɔ Misraim aseɛ so ne, sɔ ala yeɛ ngobua ɛmɔ ndɛen ɔ, AWURADE Nyameɛ noa dwirɛ ɛne.

Hesekiel 33:11

Se bɛ kyɛ: Kyɛ nde ase ye, me nye ngye bɔnefoɛ ye wue nwo, na mmom me nye gye kyɛ bɔnefoɛ kɔyakyi ye yɔleɛ, ná okonya ngoa ɔ. AWURADE Nyameɛ noa dwirɛ ɛne. Ɛ́mɔyakyi, ɛ́mɔyakyi ɛmɔ bɔne yɔleɛ ne! O Yisrael awuro ama, nzu ati yeɛ odi kyɛ ɛmɔwuwu ɔ?

Hesekiel 33:27

Se bɛ kyɛ, AWURADE Nyameɛ nwa nyoo: Kyɛ nde ase ye, nahorɛ nu, bɛ bɔ bɛwɔ kurofoen nemɔ aso ne, bɛkɔtotɔ ngrandɛ noa; bɔ ɔwɔ eburo ne koso, ngɔfa ye ngɔma ngaka aboyaa maa bɛkɔhye ye bekoli; yeɛ bɛ bɔ bɛwɔ anwoserɛ afealeɛ mɔ nu, ɔne nyɔboɛ bɔ wasi sua ɔ mɔ nu koso, ewue anwonyerɛ yeɛ okohũ bɛ ɔ.

Hesekiel 5:11

Na kyɛbɔ nde ase ye de, nahorɛ nu, ɔnate kyɛ afa wɔ bra fiɛ amukoraa ne akyiwadeɛ yɔleɛ amukoraa agua me nekaa krongron ne anwo fiɛ ne ati, me koso ngɔye me sa ngofi wɔ bo, bɔ mengɔkorɔkorɔ wɔ anaa mengonwu wɔ anwumvoin ɔ, AWURADE Nyameɛ noa dwirɛ ɛne.

Habakuku 2:14

Ofikyɛ AWURADE animnyam nwo nimdeɛ koyi aseɛ so tɛkyɛ, kyɛbɔ nzue ayi ɛpo nu tɛkyɛ ne.

Sefania 2:9

Yiti, kyɛbɔ nde ase ye, amba, Moabo kɔkakyi kyɛ Sodom, yeɛ Amonfoɛ bɛkɔkakyi kyɛ Gomora, ndetema ne ngyee ngumaa aseɛ ne aseɛ pralaa afebɔɔ. Na me maen mmaa bɔ bɛkɔha ne, bɛkɔfẽ bɛ bɛkɔfa, yeɛ me maen mmaa bɔ bekonya bɛ ti bekodidi nu ne, bɛkɔfa bɛkɔyɛ bɛ deɛ, Asafo AWURADE, Yisrael Nyameɛ noa dwirɛ ɛne.”

Numeri 14:28

Se bɛ kyɛ, AWURADE nwa nyoo, ‘Kyɛ nde ase ye, edwirɛ mɔ bɔ mate kyɛ ɛmɔaha ne, sɔ ala yeɛ ngɔfa ngoli ɛmɔ ɔ.

Mateo 6:10

W’ahennie ɔbra, Maa yɛyɔ w’apɛdeɛ wɔ aseɛ so, kyɛbɔ bɛyɔ ye wɔ nyameɛso ne.

Deuteronomi 32:40

Ofikyɛ mema me sa so mekyire nyameɛso, ná meta ndaen kyɛ, Kyɛ nde ase afebɔɔ ye de,