Numeri 14:2 - AHYERƐLƐ KRONGRON

² Na Yisraelfoɛ amukoraa bɛpenepenene bɛ komvi beguale Mose ne Aarɔn so. Maen ne amukoraa sele bɛ kyɛ, “Sɛ yɛwuwuli wɔ Misraim aseɛ so po a, ahaa ɔte paa! Sɛ yɛwuwuli wɔ ɛserɛ ye aso po a, ahaa ɔte paa!

Numeri 14:2 Iomraidhean Croise

1 Ahemvo 19:4

Nakoso Elia bɔbɔ de, ɔpɛle atee bɔ bɛfa ɛlɛho yeɛ bɛpɛ ɔ hɔle ɛserɛ so, na ɔɔtenane tanure bie abo. Ɔyɛle ye adwene kyɛ owuli po ahaa okuro. Ɔhane kyɛ, “Afei de wayɛ yé, ao AWURADE, ku me pɛen ko, na nnde paa mendra me nana mɔ.”

YOB NWOMAA NE 3:11

“Nzu ati yeɛ ewue amva me wɔ me ni akunu ɔ? Ɔwale ye sɛ bɔ manwu wɔ awoleɛ ɔ?

Edwein 106:24

Afei aseɛ kamakama ne, bɛtole ye nwo, na bannya gyidie wɔ ye bɔhyɛ ne anu.

Edwein 106:25

Bɛyɛle nwuhunwuhu wɔ b’ɛtena sua nemɔ anu, na bandie AWURADE dwirɛ.

Edwein 106:45

Ɔnate bɛ ti, AWURADE kayele ye apam ne, na onwuni bɛ anwumvoin, kyɛbɔ ye ɔdɔ bɔ onni ngasi ne, ye piri si te ɔ.

Ɛksadɔso 14:11

Na besele Mose kyɛ, “Asieleɛ mɔ nne Misraim hɔ ɔ, bɔ yiti yeɛ afa yɛ awa kyɛ yɛɛwuwu yɛgua ɛserɛ ye aso ye? Ɛɛyele yɛ fili Misraim ne, bɔ amaa wato yɛ hɔ ɛne?

Ɛksadɔso 15:24

Na mmenia ne penepenene bɛ komvi beguale Mose so kyɛ, “Nzue beni yeɛ yɛ́nya ye yɛ́no ɔ?”

Ɛksadɔso 17:3

Nakoso nzuhɔen huni mmenia ne wɔ berɛ, na bɛpenepenene bɛ komvi beguale Mose so. Bɛhane kyɛ, “Nzu ati yeɛ ɛɛyele yɛ fili Misraim ɔ, kyɛ ɛbaama nzuhɔen ku yɛ ne yɛ mma ne yɛ ngaka ɔ?”

Yona 4:3

Na afei, ao AWURADE, mesrɛ wɔ, de me ngoa fi me sa nu, ofikyɛ ɔte paa ma me kyɛ ngowu tra kyɛ ngɔtena ngoa nu ɔ.”

Yona 4:8

Na eyia pukyele ne, Nyameɛ somane eyia afiteleɛ mvrama hyerɛhyerɛ bie; eyia ne bɔle Yona ti afia maa ɔyɛle mmerɛ, bɔ ɔhale ye ngome a ahaa né wawu ɔ. Na ɔhane kyɛ, “Ɔte paa ma me kyɛ ngowu tra kyɛ ngɔtena ngoa nu ɔ.”

Numeri 11:1

Yisraelfoɛ penepenene bɛ komvi fale amaneɛ bɔ benwu ye ɔ nwo maa odwuli AWURADE nyunu. AWURADE tele, na ɔfɛle yaa paa. Yiti AWURADE see ne tɔle wɔ b’asikyeleɛ ne anu, na ɔyerale asikyeleɛ berɛ bondua ne bie.

Numeri 11:15

Sɛ sɔ yeɛ ɛfa di me de a, ye de ku me pɛen ko. Nakoso sɛ anya alo me de a, nnɛma aworabɔlɛ to me.”

Numeri 11:5

Yɛkaye nzue nu naen bɔ né yɛfa ye mbaen wɔ Misraim, ɔne ndropo, ferɛ, ngondomire, gyeene ne galeke bɔ né yɛdi ɔ.

Numeri 14:1

Yisraelfoɛ amukoraati bɛteateane nu serɛserɛ, na besuni sɔ kɔngɔen ne.

Numeri 14:22

mmenia ye mɔ bɔ banwu m’animnyam ne nzɛngyerɛnneɛ bɔ nyɔle ye wɔ Misraim ɛserɛ ne aso, nakoso baso me banea pɛen buru, ná bandie me dwirɛ ne,

Numeri 16:13

Aso ɔte edwirɛ baa kyɛ aaye yɛ afi aseɛ bɔ nyɔfonesue ne woɛ tengyɛ wɔ so ɔ so, kyɛ ɛbaahu yɛ wɔ ɛserɛ ye aso, bɔ yeɛ esa hyɛ yɛ so ɔ?

Numeri 16:41

Nakoso aleɛ hyene ne, maen ne amukoraati bɛpenepenene bɛ komvi beguale Mose ne Aarɔn so kyɛ, “Ɛmɔahu AWURADE mmenia.”

Numeri 17:6

Mose ha hyirele Yisraelfoɛ, na bɛ mbanyi nemɔ amu bɛmane ye pɔmaa: panyi biala deɛ ko, pɔmaa buru ne nyɔ kyɛbɔ bɛ nana mɔ sasofoɛ te ɔ, na né Aarɔn pɔmaa deɛ boka bɛ deɛ ne aso.

Numeri 20:2

Né mmenia ne nnya nzue wɔ berɛ, yiti bɛyɛle Mose ne Aarɔn nwo lɔen.

Numeri 20:3

Mmenia ne ne Mose nyane edwudwolɛ, na bɛhane kyɛ, “Y’eliɛma nemɔ wuwuli wɔ AWURADE nyunu ne, yɛ koso yɛwuwuli bie po a ahaa né so apɛ!”

Numeri 20:4

Nzu ati yeɛ ɛmɔafa AWURADE mmenia bawa ɛserɛ ye aso maa yɛ ne yɛ nyɛmmoa mɔ yɛbaawuwu wɔ wa ye?

Numeri 21:5

Yisraelfoɛ dwudwole tiale Nyameɛ ne Mose kyɛ, “Nzu ati yeɛ ɛmɔaye yɛ bafi Misraim aseɛ so kyɛ yɛɛwuwu wɔ ɛserɛ ye aso ye? Ofikyɛ aleɛ ne nzue nne wa, na sɔ aleɛ tɛɛtɛɛ he abɔ yɛ.”

1 Korintofoɛ 10:10

Yeɛ nnɛmɔma yɛpenepene yɛ komvi kyɛbɔ bɛ nu biemɔ yɔle ná ewue abɔfo oohuhuni bɛ ne.

Deuteronomi 1:27

Ɛmɔyɛle nwuhunwuhu wɔ ɛmɔ tena sua nemɔ anu kyɛ, “Ɛpɔlɛ bɔ AWURADE pɔ yɛ ne ati yeɛ ɔmaa ɔɔyele yɛ fili Misraim aseɛ so ɔ, kyɛ ɔbaafa yɛ wura Amorifoɛ sa maa bekuku yɛ.

Deuteronomi 9:23

Na mmerɛ bɔ AWURADE yɛle kyɛ ɛ́mɔtu béfi Kadese Banea nen, ɔhane kyɛ, ‘Ɛ́mɔfo bɛɛfa aseɛ bɔ mafa mama ɛmɔ ne.’ Nakoso ɛmɔhwi bɛfale AWURADE ɛmɔ Nyameɛ mmeraa dwirɛ so, na ɛmɔanne ye banni, yeɛ ɛmɔandie ye dwirɛ koso.

Hebrifoɛ 3:16

Nwa mɔ yeɛ bɛtele Nyameɛ dwudwolɛ, nakoso bɛyɛle ye so lɔen ne? Aso nna bɛ bɔ Mose yele bɛ fili Misraim ne amu ɔ?

Yuda 1:16

Ɛhemɔ te mmenia bɔ bɛ kunu ndwo, somoɛbɔlɛfoɛ, bedi bɛ bɔbɔ b’akɔnnɔ si, bɛfa bɛ noa bɛhoahoa bɛ nwo, na adifuu ti bɛdɛfɛdɛfɛ mmenia.