Numeri 14:14 - AHYERƐLƐ KRONGRON

¹⁴ na bɛkɔhã bekohyire aseɛ ye aso ama. Bate ye kyɛ wɔ AWURADE ɛne mmenia hemɔ yeɛ bɛnate ɔ; ofikyɛ wɔ AWURADE, bɛ nye bɔ wɔ nyunu, na wɔ munungum mundu bɛ so. Ɛfa munungum ningɔnn nu edi bɛ nyunu eyia, yeɛ kɔngɔen ɛfa see ningɔnn nu edi bɛ nyunu.

Numeri 14:14 Iomraidhean Croise

Gyenesise 32:30

Yiti Yakob frɛle berɛ Peniɛl, ofikyɛ ɔnwa, “Me nye abɔ Nyameɛ nyunu, nakoso me ngoa tɛ tira me.”

Nehemia 9:12

Afei koso, ɛfale munungum ningɔnn lili bɛ nyunu eyia, yeɛ ɛfale see ningɔnn lili bɛ nyunu kɔngɔen maa ɔtale maa benwuni ase bɛhɔle nekaa bɔ bɛkɔ ɔ.

Nehemia 9:19

ɔnate w’anwumvoinnwunɛ kandinga ne ati, anyakyi bɛ nu wɔ ɛserɛ ne aso. Munungum ningɔnn bɔ olili bɛ nyunu wɔ atee ne aso ne, wanyakyi bɛ nu eyia; yeɛ see ningɔnn bɔ ɔtale kɔngɔen ne, ɔmaa benwuni ase bɛhɔle nekaa bɔ bɛkɔ ɔ.

Edwein 105:39

Ɔtrɛle munungum nu maa ɔyɛle ngatasoɛ, yeɛ ɔmane see yɛle bɛ kanea kɔngɔen.

Edwein 78:14

Alehyeleɛ nu, né ɔfa munungum di bɛ nyunu, na alesaleɛ nu amukoraa, né ɔfa see bɔ ogye wuronyiwuronyi yeɛ odi bɛ nyunu ɔ.

Ɛksadɔso 15:14

Maen maen ate, na bɛ nwo wosowoso bɛ; na bɛ bɔ bɛte Filistia ne, ahunundetelɛ atɔ bɛ so.

Ɛksadɔso 33:11

Né AWURADE nate sɔ atee he aso ogyina Mose nyunu ɔne ye bedwudwo, kyɛbɔ sona ne obiɛngo bedwudwo ne ala. Na sɛ Mose sá ba asikyeleɛ ne anu a, ye bokafoɛ aberandeɛ Yosua bɔ ɔte Nun awa ne, ye de ɔka ɛtena sua ne anu dɔ.

Ɛksadɔso 33:16

Ofikyɛ, ɔkɔyɛ sɛɛ né banwu ye kyɛ alo me ne wɔ mmenia nemɔ? Aso nna ɛhɔlɛ bɔ ɛne yɛ kɔhɔ ne ɔ? Na ɛhe kɔma me ne wɔ mmenia nemɔ yɛkɔyɛ sonongo wɔ aseɛ ye aso mmenia mukoraati nu.”

Ɛksadɔso 40:38

Ofikyɛ b’ateetulɛ ne anu amukoraa, AWURADE munungum ne munduni nyianu sua ne aso alehyeleɛ nu, yeɛ alesaleɛ nu koso, né see ogye wɔ munungum ne anu bɔ Yisrael awuro ama mukoraa bɛ nye tua ɔ.

Numeri 10:34

Mmerɛ biala sɛ né betu bɛ bo befi asikyeleɛ ne anu a, né AWURADE munungum ne mundu bɛ so eyia.

Numeri 12:8

Ye de megyina ye nyunu me ne ye yɛdwudwo pefee; mendwudwo mengyire ye anyandera nu; na onwu kyɛbɔ AWURADE ye sue te ɔ. Nzu ati yeɛ ɛmɔanzuro kyɛ ɛmɔkodwudwo bekotia me somvoɛ Mose ɔ?”

Yohane 1:18

Ebiala nnwuni Nyameɛ le; sana Baa komapɛ twe ne, bɔ ɔla Baba n’ahone nwo ne, na ye yeɛ wala ye ali wahyire ɔ.

Yohane 14:9

Na Yesu buale ye kyɛ, “Filipo, me ne ɛmɔ yɛwɔ berɛ dadadada ye, aso ɛnze me? Ebiala bɔ wanwu me ne, wanwu Baba ne; na nzu ati yeɛ ɛkã kyɛ, ‘Kyire yɛ Baba ne’ ɔ?

1 Korintofoɛ 13:12

Kekesaala ye de, yɛnwu nikyee wusiwusi wɔ neanu nu. Nakoso kyẽa bie yɛkonwu ye pefee. Kekesaala ye de, bɔ mese ne onni mu, nakoso kyẽa bie okoli mu kyɛbɔ Nyameɛ koso se me ne.

Deuteronomi 1:19

Na yɛtuli yɛ bo yɛfili Horebo yɛɛfale sɔ ɛserɛ pirikua suronyisuronyi bɔ ɛmɔnwuni ye ne amukoraa aso, wɔ atee bɔ ɔkɔ Amorifoɛ mmokaa aseɛ ne aso ne, kyɛbɔ AWURADE yɛ Nyameɛ hyɛle yɛ nen, kɔpem kyɛ yɛɛdwuli Kadese Banea ɔ.

Deuteronomi 34:10

Ngɔmhyɛlɛniɛ foforɛ biala nne berɛ bɔ wadwɔso wɔ Yisrael bɔ ɔte kyɛ Mose ɔ. Ye yeɛ AWURADE maa ogyinane ye nyunu ɔne ye bedwudwole ɔ;

Deuteronomi 5:24

Na ɛmɔsele kyɛ, ‘AWURADE yɛ Nyameɛ waye ye animnyam ne ye tumi piri wahyire yɛ, na yate ye komvi yafi see ne anu. Ɛnɛ de, yanwu ye kyɛ, sɛ Nyameɛ ne sona dwudwo a, saa sɔ sona ne kora nya ngoa.

Deuteronomi 5:4

AWURADE gyinane ɛmɔ nyunu dwudwo hyirele ɛmɔ fili see ne anu wɔ bokaa ne aso.

Yosua 5:1

Amorifoɛ ahemvo amukoraati bɔ bɛwɔ asue Yɔɔdan si eyia atɔleɛ bue nu dɔ ne, bɛ ne Kanaanfoɛ ahemvo amukoraa bɔ bɛwɔ mboanoa ne, mmerɛ bɔ bɛtele kyɛ AWURADE ama Yɔɔdan nu nzue wawewe wama Yisraelfoɛ, kɔpem kyɛ bɛpɛle ye nen, ahunundetelɛ tɔle bɛ so, na ɔnate Yisraelfoɛ ti bɛ nwo ngaka nwatili.

1 Yohane 3:2

Aliɛmaa mɔ, kekesaala ye yɛte Nyameɛ mma, na kyɛbɔ kyẽa bie yɛkosi yɛkɔyɛ ne de, onnya ɔllale ali. Nakoso yɛse kyɛ sɛ ɔye ye nwo ali a, yɛkɔyɛ kyɛ ye ala, ofikyɛ yɛkonwu ye kyɛbɔ ɔte ɔ.