Numeri 14:12 - AHYERƐLƐ KRONGRON

¹² Ngɔfa ewue anwonyerɛ ngɔto bɛ so ná mapo bɛ, na ngɔfa wɔ ngɔyɛ maen bɔ ɔte piri bɔ ye nwo yɛ se tra bɛ ɔ.”

Numeri 14:12 Iomraidhean Croise

2 Samuel 24:1

AWURADE ahone huli Yisrael so bieku paa, na ɔmane Dawide yɔle nikyee tiale bɛ. Osele ye kyɛ, “Kɔha Yisraelfoɛ ne Yudafoɛ.”

Ɛksadɔso 32:10

Yiti yakyi me maa mvɛ bɛ so yaa piri, ná ngyikyi bɛ boso bɔkɔɔ; nakoso wɔ de, ngɔmaa ɛkɔyɛ maen pirikua.”

Ɛksadɔso 5:3

Na besele kyɛ, “Hebrifoɛ Nyameɛ ne ɔne yɛ ayia, yiti yɛsrɛ wɔ, ma yɛ ate ma yɛhɔ atee bɔ bɛfa ɛlɛsa bɛpɛ ɔ wɔ ɛserɛ so, ná yɛɛbɔ afɔleɛ yɛma AWURADE yɛ Nyameɛ ne; na anyɔ a né wafa ewue anwonyerɛ anaa ngrandɛ wawa yɛ so.”

Hesekiel 20:13

Nakoso Yisrael awuro ama yɛle me nwo lɔen wɔ ɛserɛ ne aso; banni m’ahyɛdeɛ so, na mmom bɛpole me mmeraa bɔ sɛ sona di so a onya ngoa ne; na beguale m’afofingyẽa nemɔ nwo fiɛ piri paa. “Yeɛ ngane kyɛ: Ngɔma m’ahone kohu bɛ so wɔ ɛserɛ ne aso, ná mahuhu bɛ.

Lewitikɔso 26:25

Na ngɔhwe ɛmɔ so ngrandɛ, ná matɔ ɛmɔ so wereɛ, ɔnate apam bɔ ɛmɔabu so ne ati. Na sɛ ɛmɔkɔfeafea ɛmɔ nguro nemɔ anu a, ngɔsoma anwonyerɛ tɛɛ maa ɔkɔbɔ ɛmɔ, na ngɔfa ɛmɔ ngowura ɛmɔ pɔfoɛ mɔ sa.

Numeri 25:9

Nakoso bɛ bɔ bewuli amaneɛ ne anu ne, né bɛte apee aburanyɔ ne nna.

Deuteronomi 28:21

AWURADE kɔfa ewue anwonyerɛ kɔto wɔ so, kɔpem kyɛ ɔkɔpra wɔ boso kofi aseɛ bɔ ɛkwaafa tena so ne aso ɔ.