Numeri 14:10 - AHYERƐLƐ KRONGRON

¹⁰ Nakoso maen ne amu yɛle b’adwene kyɛ bɛkɔboro bɛ nyɔboɛ. Yeɛ AWURADE animnyam yele ye nwo ali ɛtena sua atenaleɛ ne anu hyirele Yisraelfoɛ amukoraa.

Numeri 14:10 Iomraidhean Croise

Ɛksadɔso 16:10

Na Aarɔn noa wɔ so bɔ odwudwo kyire Yisrael ɛlɔen nen, bɛtole bɛ nye bɛneane ɛserɛ ne aso dɔ, na mvum nu, AWURADE animnyam yele ye nwo ali wɔ munungum ne anu.

Ɛksadɔso 16:7

Na ngyerɛmɔ koso ɛmɔkonwu AWURADE animnyam, ofikyɛ AWURADE anwu kyɛ ɛmɔpenepene bɛ komvi begua ye so. Na yɛ de, yɛ ole nwa bɔ ɛmɔpenepene bɛ komvi begua yɛ so ɔ?”

Ɛksadɔso 17:4

Yiti Mose sũ frɛle AWURADE kyɛ, “Nzikyɛ yeɛ nyɔ mma mmenia ye mɔ ɔ? Bɛ́pena bɛboro me nyɔboɛ.”

Ɛksadɔso 40:34

Afei munungum ne ɔɔkatale ɛtena sua atenaleɛ ne aso, na AWURADE animnyam yili nyianu sua ne tɛkyɛ.

Lewitikɔso 9:23

Mose ne Aarɔn wurale ɛtena sua atenaleɛ ne anu. Afei befi berɛ befitele beeyirayirale mmenia ne, na AWURADE yele ye animnyam ali hyirele mmenia ne amukoraa.

Numeri 16:19

Yeɛ Kora boaboale maen ne amukoraa noa maa begyinane Mose ne Aarɔn bɛ ndendeneɛ so wɔ ɛtena sua atenaleɛ anoa nu berɛ. Na AWURADE animnyam yele ye nwo ali hyirele maen ne amu.

Numeri 16:42

Na maen ne yɛle bɛ nwo lɔen beyiele nen, Mose ne Aarɔn kakyili bɛ nye behyirele ɛtena sua atenaleɛ ne. Né munungum ne amundu so, na né AWURADE animnyam aye ye nwo ali.

Numeri 17:7

Yiti Mose fale pɔmaa nemɔ guale AWURADE nyunu wɔ apam ɛtena sua ne anu.

Numeri 20:6

Yeɛ Mose ne Aarɔn fili mmenia ne anu bɛhɔle ɛtena sua atenaleɛ anoa nu berɛ. Bɛfale bɛ nyunu bebutubutuli ase, na AWURADE animnyam yele ye nwo ali hyirele bɛ.

Mateo 23:37

“O, Yerusalem, Yerusalem, wɔ bɔ eku ngɔmhyɛlɛfoɛ ná ɛboro bɛ bɔ basoma bɛ wɔ berɛ nyɔboɛ ɔ! Mmerɛ pee yeɛ mbenane kyɛ ahaa meboaboa wɔ mma noa, kyɛbɔ akɔtaen boaboa ye mma noa wura ye ndaa bo ɔ, nakoso ɛmɔambene so!

Asomafoɛ 7:52

Nyameɛ ngɔmhyɛlɛniɛ nemɔ anu beni yeɛ ɛmɔ nana mɔ bandane ye nye ɔ? Na behuni bɛ bɔ belili moa bɛbɔle Teneneneniɛ ne walɛ ne nwo dawure ne, ye bɔ afei de ɛmɔaye ye bama bahu ye ne,

Asomafoɛ 7:59

Na bɛwɔ so bɔ bɛboro Setefano nyɔboɛ ne, ɔhɔle so bɔle mbaeɛ kyɛ, “Awurade Yesu, de me sunzum!”

1 Samuel 30:6

Edwirɛ piri tole Dawide, ofikyɛ ye mmenia nemɔ yɛle kyɛ bɛkɔboro ye nyɔboɛ. Ebiala ahone huli, ofikyɛ né bahye bɛ mma mmienzua ne mmrasua nnure bahɔ. Nakoso Dawide fale ye nye tole AWURADE ye Nyameɛ, na ogyinane pindinn.