Numeri 14:1 - AHYERƐLƐ KRONGRON

¹ Yisraelfoɛ amukoraati bɛteateane nu serɛserɛ, na besuni sɔ kɔngɔen ne.

Numeri 14:1 Iomraidhean Croise

Edwein 106:25

Bɛyɛle nwuhunwuhu wɔ b’ɛtena sua nemɔ anu, na bandie AWURADE dwirɛ.

Edwein 78:32

Nakoso ɛhe amukoraa si ne, bɛhɔle so bɛyɔle bɔne, banne ye anwanwadeɛ ne banni.

Ɛksadɔso 13:17

Faro mane mmenia ne ate kyɛ bɛhɔ nen, Nyameɛ amva bɛ amva Filistifoɛ aseɛ so, ɔwɔ nu kyɛ né berɛ yeɛ ɔte tika ɔ. Ofikyɛ Nyameɛ hane kyɛ, “Sɛ mmenia ne kɔtɔ koɛ nu a, annea a né banu bɛ nwo, ná basa bahɔ Misraim.”

Ɛksadɔso 33:4

Na mmerɛ bɔ mmenia ne tele sɔ aworabɔlɛ dwirɛ nen, belili yealɛ; na ebiala amva ye mbembenanneɛ wanziesie ye nwo.

Numeri 13:13

Asɛ abusua kure nu deɛ ole Mikayɛl awa Seture;

Numeri 13:33

Yɛnwuni Nefilifoɛ wɔ berɛ (Anakefoɛ te Nefilifoɛ mɔ bosofoɛ); na yɛnea yɛ nwo a, né yɛte kyɛ torɔka mɔ, na sɔ ala yeɛ bɛ koso benwu yɛ ɔ.”

Numeri 14:2

Na Yisraelfoɛ amukoraa bɛpenepenene bɛ komvi beguale Mose ne Aarɔn so. Maen ne amukoraa sele bɛ kyɛ, “Sɛ yɛwuwuli wɔ Misraim aseɛ so po a, ahaa ɔte paa! Sɛ yɛwuwuli wɔ ɛserɛ ye aso po a, ahaa ɔte paa!

Deuteronomi 1:26

Nakoso né ɛmɔnguro kyɛ ɛmɔkɔfo bɛkɔhɔ so ɔ, na mmom ɛmɔhwi bɛfale AWURADE ɛmɔ Nyameɛ ye mmeraa dwirɛ so.

Deuteronomi 1:45

Na ɛmɔsa bɛwale beesu behyirele AWURADE, nakoso AWURADE andie ɛmɔ dwirɛ, yeɛ wandɛ ɛmɔ so.

Deuteronomi 9:23

Na mmerɛ bɔ AWURADE yɛle kyɛ ɛ́mɔtu béfi Kadese Banea nen, ɔhane kyɛ, ‘Ɛ́mɔfo bɛɛfa aseɛ bɔ mafa mama ɛmɔ ne.’ Nakoso ɛmɔhwi bɛfale AWURADE ɛmɔ Nyameɛ mmeraa dwirɛ so, na ɛmɔanne ye banni, yeɛ ɛmɔandie ye dwirɛ koso.

Yosua 14:8

Aliɛmaa mɔ bɔ bɛ ne me hɔle ne, bɛmane ahunundetelɛ tɔle yɛ mmenia ne aso, nakoso me de, nnili nahorɛ turoloo mane AWURADE me Nyameɛ.

1 Samuel 30:4

Yiti Dawide ne mmenia bɔ bɛboka ye so ne betikyele esuɛ nu, na besuni toonn mane b’anwoserɛ bɔ bɛfa besu ne yiele.