Numeri 13:8 - AHYERƐLƐ KRONGRON

⁸ Efraim abusua kure nu deɛ ole Nun awa Hosea;

Numeri 13:8 Iomraidhean Croise

1 Aberɛso Dwirɛ 7:27

Nun, bɔ ɔwole Yosua ne.

Ɛksadɔso 24:13

Yiti Mose dwɔsole, ɔne ye bokafoɛ Yosua, na Mose hɔle Nyameɛ bokaa ne aso.

Ɛksadɔso 32:17

Na mmerɛ bɔ Yosua tele kyɛ mmenia nemɔ bɛ́bɔ ese nen, osele Mose kyɛ, “Koɛ nwo dede bie asi asikyeleɛ berɛ.”

Numeri 11:28

Yeɛ Nun awa Yosua bɔ ɔte Mose bokafoɛ fite ye mmerandeɛ nu, bɔ ɔboka mmienzua bɔ Mose yele bɛ ne aso ne, ɔhane kyɛ, “Me mene Mose, bera bɛ!”

Numeri 13:16

Mmienzua bɔ Mose somane bɛ kyɛ bɛɛtetɛ maen ne, bɛ dumaa mɔ ɛne. Na Mose sesane Nun awa Hosea ye dumaa yɛle ye Yosua.

Numeri 13:7

Yisaka abusua kure nu deɛ ole Yosef awa Yigale;

Numeri 13:9

Benyamin abusua kure nu deɛ ole Rafu awa Palti;

Deuteronomi 31:14

Na AWURADE sele Mose kyɛ, “Ɔngɔhyɛ biala né awu. Frɛ Yosua ná ɛne ye bɛbra ɛtena sua atenaleɛ nu berɛ, ná mva m’adwuma nwura ye sa.” Yiti Mose ne Yosua bɛhɔle ɛtena sua atenaleɛ nu berɛ.

Deuteronomi 31:23

Afei AWURADE fale ye adwuma wurale Nun awa Yosua sa kyɛ, “Gyina pindinn, ná ma w’ahone yɛ se; ofikyɛ aseɛ bɔ ndale ndaen kyɛ ngɔfa ngɔma Yisraelfoɛ ne, wɔ yeɛ ɛkɔfa bɛ kɔhɔ so ɔ, na ngogyina wɔ si.

Deuteronomi 32:44

Mose ne Nun awa Yosua wale, na ɔkengale edwein he anu dwirɛ mukoraati mane maen ne tele.

Deuteronomi 34:9

Na nworɛ sunzum yili Nun awa Yosua ti anu tɛkyɛɛ, ofikyɛ né Mose afa ye sa wagua ye so; Yisraelfoɛ tiele Yosua dwirɛ, na belili nhyehyɛleɛ bɔ AWURADE fa mane Mose ne aso.

Yosua 1:16

Na bebuale ye kyɛ, “Ahyɛdeɛ bɔ ahyɛ ama yɛ ne amukoraa, yɛkɔyɔ, yeɛ nekaa biala bɔ ɛkɔha kyɛ yɛhɔ ne, yɛkɔhɔ.

Yosua 19:50

Na kyɛbɔ AWURADE hyɛle bɛ nen, kuro bɔ Yosua hane kyɛ okuro ne ala yeɛ bɛfa bɛmane ye ɔ. Kuro ne ole Timinate Sera bɔ ɔwɔ Efraim mmokaa aseɛ ne aso ne; na Yosua sá kyekyele kuro ne tenane nu.