Numeri 13:3 - AHYERƐLƐ KRONGRON

³ Yiti Mose somane bɛ fili Paran ɛserɛ ne aso, kyɛbɔ AWURADE hyɛle ye ne. Né bɛ nu biala te Yisraelfoɛ nu sona titire.

Numeri 13:3 Iomraidhean Croise

Numeri 10:12

Afei Yisraelfoɛ sili nu kure kure fili Sinai ɛserɛ ne aso, na munungum ne oogyinane Paran ɛserɛ ne aso.

Numeri 12:16

Ɛhe asi ye, mmenia ne tuli bɛ bo fili Haserote, na bɛɛkyekyele asikyeleɛ wɔ Paran ɛserɛ ne aso.

Numeri 13:2

“Soma mmenia maa bɛɛtetɛ Kanaan aseɛ bɔ méfa méma Yisraelfoɛ ne. Ye sona ko fi b’abusua kure biala anu, bɔ ɔte abusua kure ne anu mbanyi nemɔ ko ɔ.”

Numeri 13:26

Bɛwale Mose ne Aarɔn ɔne Yisrael maen amukoraa berɛ wɔ Kadese bɔ ɔwɔ Paran ɛserɛ ne aso ne. Bɛfale amaneɛ bɛɛbɔle bɛ ne maen ne amukoraa, na bɛfale aseɛ ne aso mmakaammaa ne behyirele bɛ.

Numeri 13:4

Bɛ dumaa mɔ ɛhe: Ruben abusua kure nu deɛ ole Sakure awa Samua;

Numeri 32:8

Nzomane ɛmɔ nana mɔ mvili Kadese Banea kyɛ bɛɛnea aseɛ ne, sɔ ala yeɛ bɛyɔle ɔ.

Numeri 34:17

“Mmenia bɔ bɛkɔhyɛ aseɛ ne bɛkɔma ɛmɔ maa ɔkɔyɛ ɛmɔ agyapadeɛ ne, bɛ dumaa ɛhe: Ɔsɔfo Eleasa ne Nun awa Yosua.

Deuteronomi 1:19

Na yɛtuli yɛ bo yɛfili Horebo yɛɛfale sɔ ɛserɛ pirikua suronyisuronyi bɔ ɛmɔnwuni ye ne amukoraa aso, wɔ atee bɔ ɔkɔ Amorifoɛ mmokaa aseɛ ne aso ne, kyɛbɔ AWURADE yɛ Nyameɛ hyɛle yɛ nen, kɔpem kyɛ yɛɛdwuli Kadese Banea ɔ.

Deuteronomi 1:23

Sɔ nzusuleɛ ne yɛle me fɛ, yiti nyeyele ɛmɔ anu mmenia buru ne nyɔ, abusua kure biala nu sona ko.

Deuteronomi 9:23

Na mmerɛ bɔ AWURADE yɛle kyɛ ɛ́mɔtu béfi Kadese Banea nen, ɔhane kyɛ, ‘Ɛ́mɔfo bɛɛfa aseɛ bɔ mafa mama ɛmɔ ne.’ Nakoso ɛmɔhwi bɛfale AWURADE ɛmɔ Nyameɛ mmeraa dwirɛ so, na ɛmɔanne ye banni, yeɛ ɛmɔandie ye dwirɛ koso.

1 Samuel 25:1

Samuel wuli, na Yisrael amukoraa boale bɛ noa besuni ye. Besiele ye wɔ ye kuro Rama. Afei Dawide sili nu hɔle Paran ɛserɛ ne aso dɔ.