Numeri 13:29 - AHYERƐLƐ KRONGRON

²⁹ Amalɛkefoɛ nemɔ bɛte ngwaen dɔ aseɛ ne aso; Hitifoɛ, Yebusifoɛ, ɔne Amorifoɛ nemɔ bɛte mmokaa aseɛ ne aso, yeɛ Kanaanfoɛ te mboanoa ne asue Yɔɔdan noa.”

Numeri 13:29 Iomraidhean Croise

Gyenesise 14:7

Afei besale bɛ si bɛwale Ɛn Misepate (bɔ besa bɛfrɛ ye Kadese ne), na belili Amalɛkefoɛ maen ne amukoraa ne Amorifoɛ bɔ bɛte Hasason Tamar so ngonim.

Nehemia 9:8

Enwuni kyɛ ye ahone nu te wɔ wɔ nyunu, na ɛne ye bɛyɛle apam kyɛ ɛkɔfa Kanaanfoɛ, Hitifoɛ, Amorifoɛ, Perisifoɛ, Yebusifoɛ ne Gɛgasifoɛ b’aseɛ kɔma ye boso ama; na wɔ bɔhyɛ bɔ ɛhyɛle ne, ali so, ofikyɛ ɛtengyɛ.

Edwein 83:7

Gebal ne Amon ne Amalɛke, Filistia ne Tirofoɛ.

Ɛksadɔso 3:17

Na mayɛ m’adwene kyɛ ngɔye ɛmɔ ngofi Misraim amaneɛnwunɛ nu, ná mafa ɛmɔ mahɔ Kanaanfoɛ, Hitifoɛ, Amorifoɛ, Perisifoɛ, Hiwifoɛ ne Yebusifoɛ aseɛ ne aso, aseɛ bɔ nyɔfonesue ne woɛ tengyɛ wɔ so ne.

Ɛksadɔso 3:8

Na madwu mawa ase kyɛ mebaale bɛ mefi Misraimfoɛ sa nu, ná meye bɛ mefi sɔ aseɛ ne aso mekɔ aseɛ paa bɔ ɔtrɛ ɔ so, aseɛ bɔ nyɔfonesue ne woɛ tengyɛ wɔ so ne: Kanaanfoɛ, Hitifoɛ, Amorifoɛ, Perisifoɛ, Hiwifoɛ ne Yebusifoɛ maen ne.

Numeri 13:17

Mose somane bɛ kyɛ bɛɛtetɛ Kanaan aseɛ ne, na osele bɛ kyɛ, “Ɛmɔɔfa ngwaen dɔ aseɛ ne aso bɛfo bɛhɔ mmokaa aseɛ ne aso,

Numeri 13:30

Nakoso Kalebo tuli mmenia ne noa dwirɛ guale wɔ Mose nyunu, na ɔhane kyɛ, Ɛ́mɔma yɛhã yɛ nwo yɛhɔ kekesaala ye yɛɛfa aseɛ ne, ofikyɛ yɛkɔhora yɛkɔho yɛkɔfa.”

Numeri 14:25

Na afei, ɔnate kyɛ Amalɛkefoɛ ne Kanaanfoɛ bɛte bɔnza nemɔ anu ne ati, ɛhema ɛ́mɔkakyi bɛ nwo ná ɛ́mɔfa bɛ nye behyire Ɛpo kɔkorɛ atee ne aso bɛhɔ ɛserɛ ne aso dɔ.”

Numeri 14:43

Ofikyɛ Amalɛkefoɛ ne Kanaanfoɛ kɔfa koɛ kɔtoa ɛmɔ wɔ dɔ, na ɛmɔkɔtotɔ ngrandɛ noa. Ɔnate kyɛ ɛmɔayɛ AWURADE nwo lɔen ne ati, AWURADE ngogyina ɛmɔ si.”

Numeri 14:45

Yeɛ Amalɛkefoɛ ne Kanaanfoɛ bɔ bɛte mmokaa aseɛ ne aso ne beeyiale bɛ ɔ. Belili Yisraelfoɛ so ngonim, na bɛfoane bɛ toonn beedwuli Hɔma.

Numeri 24:20

Afei Balaam tole ye nye neane Amalɛke, na ɔhyɛle ngɔm kyɛ, “Amalɛke yeɛ odi mu paa wɔ maen maen mɔ nu ɔ, nakoso ye ayieleɛ ole kyɛ ɔkɔbɔ koraa.”

Deuteronomi 20:17

Odi kyɛ enua bɛ boso bɔkɔɔ: Hitifoɛ ne Amorifoɛ, Kanaanfoɛ ne Perisifoɛ, Hiwifoɛ ne Yebusifoɛ, kyɛbɔ AWURADE wɔ Nyameɛ hyɛle wɔ ne;

Deuteronomi 7:1

“Na sɛ AWURADE wɔ Nyameɛ fa wɔ kodwu aseɛ bɔ ɛkwaafa tena so ne aso, ná ɔfoa maen maen pee fi wɔ nyunu a, mekyire Hitifoɛ, Gɛgasifoɛ, Amorifoɛ, Kanaanfoɛ, Perisifoɛ, Hiwifoɛ ne Yebusifoɛ: maen nzoo bɔ bɛ somaa ne b’anwoserɛ tra wɔ ɔ,

Yosua 10:5

Na Amorifoɛ ahemvo nnu ne: Yerusalem hene, Hebron hene, Yamute hene, Lakise hene ɔne Eglon hene boaboale bɛ koɛhonɛfoɛ mukoraati noa, na bɛ ne koɛhonɛfoɛ ne amukoraa beetuale Gibeon kyɛ bɛ ne bɛ kwaaho.

Yosua 10:6

Yeɛ Gibeonfoɛ somane maa bɛhɔle Gilgal asikyeleɛ ne anu beesele Yosua kyɛ, “Nnɛyakyi wɔ ngoaa mɔ nu; ma wɔ nwo yɛ nyera ná baale yɛ ngoa, baaboka yɛ; ofikyɛ Amorifoɛ bɔ bɛtete mmokaa aseɛ ne aso dɔ ne, bɛ hene mɔ amukoraa bayɛ ko bɛ ne yɛ baaho.”

Yosua 3:10

Na Yosua sele kyɛ, “Ɛhe yeɛ ɔkɔmaa ɛmɔkonwu ye kyɛ Nyameɛ teasefoɛ ne ogyi ɛmɔ si ɔ, na ɔkɔfoa Kanaanfoɛ, Hitifoɛ, Hiwifoɛ, Perisifoɛ, Gɛgasifoɛ, Amorifoɛ, ne Yebusifoɛ kofi ɛmɔ nyunu amba:

Yosua 5:1

Amorifoɛ ahemvo amukoraati bɔ bɛwɔ asue Yɔɔdan si eyia atɔleɛ bue nu dɔ ne, bɛ ne Kanaanfoɛ ahemvo amukoraa bɔ bɛwɔ mboanoa ne, mmerɛ bɔ bɛtele kyɛ AWURADE ama Yɔɔdan nu nzue wawewe wama Yisraelfoɛ, kɔpem kyɛ bɛpɛle ye nen, ahunundetelɛ tɔle bɛ so, na ɔnate Yisraelfoɛ ti bɛ nwo ngaka nwatili.

Yosua 9:1

Ahemvo amukoraa bɔ bɛwɔ Yɔɔdan si dɔ mmokaa aseɛ so, yeɛ bɛ bɔ bɛwɔ aseɛ frɛtɛɛ so, bɔ bɛ mukoraa bɛwɔ Ɛpo Piri noa, bɔ ɔkwaadwu Lebanon ne, bɛtele sɔ dwirɛ ne: bɛ ole Hitifoɛ, Amorifoɛ, Kanaanfoɛ, Perisifoɛ, Hiwifoɛ ne Yebusifoɛ ahemvo mɔ.

Maenbulɛfoɛ 3:5

Yiti Yisraelfoɛ bɛ ne Kanaanfoɛ, Hitifoɛ, Amorifoɛ, Perisifoɛ, Hiwifoɛ ɔne Yebusifoɛ bɛbɔle nu bɛtenane aseɛ ne aso.

Maenbulɛfoɛ 6:3

Ofikyɛ mmerɛ biala bɔ Yisraelfoɛ kɔyɔ eboo ne, né Midianfoɛ ne Amalɛkefoɛ ne eyia afiteleɛfoɛ bafa ngondii baateta bɛ.

1 Samuel 14:48

Ohyirele kyɛ ye ahone yɛ se. Olili Amalɛkefoɛ so ngonim. Na mmenia bɔ bɛbɔ Yisrael so apaa ne, olele Yisrael fili bɛ sa nu.

1 Samuel 27:8

Dawide ne ye mmenia nemɔ beetuale Gesurefoɛ, Gisifoɛ ne Amalɛkefoɛ, ofikyɛ Sure atee ne aso bɔ ɛfa kɔ Misraim aseɛ so ne, sɔ mmenia nemɔ yeɛ né ofi tetetete bɛte berɛ ɔ.

1 Samuel 30:1

Ye ɛlɛsa ne aso, bɔ Dawide ne ye mmenia nemɔ beedwuli Siklage nen, né Amalɛkefoɛ baabɔ apaa wɔ Yuda ngwaen dɔ ne Siklage. Né bafa koɛ baatoa Siklage bato nu see.

1 Samuel 7:14

Yisrael nguro bɔ Filistifoɛ le fili bɛ sa nu ne, AWURADE lele Yisrael nikyee mane ye, fite Ekron bɔ ɔkwaadwu Gate. Nguro nemɔ nwo aseɛ koso, Yisrael le fili Filistifoɛ sa nu. Na asomdwee koso wale Yisrael ne Amorifoɛ b’afia.