Numeri 13:2 - AHYERƐLƐ KRONGRON

² “Soma mmenia maa bɛɛtetɛ Kanaan aseɛ bɔ méfa méma Yisraelfoɛ ne. Ye sona ko fi b’abusua kure biala anu, bɔ ɔte abusua kure ne anu mbanyi nemɔ ko ɔ.”

Numeri 13:2 Iomraidhean Croise

Ɛksadɔso 18:25

Mose neaneane Yisraelfoɛ amukoraati nu yeyele bɛ bɔ bɛfata ɔ, na ɔbɔle bɛ panyi wɔ mmenia ne aso maa bɛlelale mmenia apee apee, ɛyaa ɛyaa, aburannu aburannu ne buru buru noa.

Numeri 1:4

Odi kyɛ abusua kure biala nu sona ko, bɔ ɔla b’abusua ne noa ne ɔboka ɛmɔ.

Numeri 11:16

Yiti AWURADE sele Mose kyɛ, “Yisrael mbanyi bɔ ɛse kyɛ bɛte mmenia ne aso mbanyi ne atitire ne, boaboa bɛ nu aburasoo noa ma me. Fa bɛ bra ɛtena sua ne anu, ná ɛne bɛ gyina berɛ.

Numeri 13:16

Mmienzua bɔ Mose somane bɛ kyɛ bɛɛtetɛ maen ne, bɛ dumaa mɔ ɛne. Na Mose sesane Nun awa Hosea ye dumaa yɛle ye Yosua.

Numeri 13:3

Yiti Mose somane bɛ fili Paran ɛserɛ ne aso, kyɛbɔ AWURADE hyɛle ye ne. Né bɛ nu biala te Yisraelfoɛ nu sona titire.

Numeri 32:8

Nzomane ɛmɔ nana mɔ mvili Kadese Banea kyɛ bɛɛnea aseɛ ne, sɔ ala yeɛ bɛyɔle ɔ.

Numeri 34:18

Odi kyɛ ɛmɔye panyi ko befi abusua kure biala anu maa bɛkyɛ aseɛ ne maa ɔyɛ ɛmɔ agyapadeɛ.

Deuteronomi 1:15

Yiti mvale ɛmɔ mmusua kure nemɔ anu atitirefoɛ nworɛfoɛ bɔ mmenia bu bɛ ɔ, na mmɔle bɛ panyi wɔ ɛmɔ koɛhonɛfoɛ nu mmenia apee apee, ɛyaa ɛyaa, aburannu aburannu ne buru buru so, na mmane ebiemɔ koso lelale ɛmɔ mmusua ne amukoraati noa.

Deuteronomi 9:23

Na mmerɛ bɔ AWURADE yɛle kyɛ ɛ́mɔtu béfi Kadese Banea nen, ɔhane kyɛ, ‘Ɛ́mɔfo bɛɛfa aseɛ bɔ mafa mama ɛmɔ ne.’ Nakoso ɛmɔhwi bɛfale AWURADE ɛmɔ Nyameɛ mmeraa dwirɛ so, na ɛmɔanne ye banni, yeɛ ɛmɔandie ye dwirɛ koso.

Yosua 3:12

Yiti ɛ́mɔyeye Yisrael abusua kure nemɔ nu mmienzua buru ne nyɔ; abusua kure biala nu sona ko.