Numeri 13:17 - AHYERƐLƐ KRONGRON

¹⁷ Mose somane bɛ kyɛ bɛɛtetɛ Kanaan aseɛ ne, na osele bɛ kyɛ, “Ɛmɔɔfa ngwaen dɔ aseɛ ne aso bɛfo bɛhɔ mmokaa aseɛ ne aso,

Numeri 13:17 Iomraidhean Croise

Gyenesise 12:9

Abram toale ye ateetulɛ ne aso fale ye nye hyirele ngwaen dɔ aseɛ ne.

Gyenesise 13:1

Yiti Abram fili Misraim hɔle ngwaen dɔ aseɛ ne aso dɔ, ɔne ɔye ne bɔ wanya ye amukoraa, na Lɔto ne ye bɛhɔle.

Gyenesise 13:17

Ma wɔ nwo yɛ nyera, na nate fa aseɛ ne tendenn ne ye tɛtrɛtɛɛ nu, ofikyɛ mebaafa mema wɔ.”

Gyenesise 13:3

Olili tutena toonn fili ngwaen dɔ aseɛ ne aso oodwuli Betel, na odwuli nekaa bɔ olili moa sili ye ɛtena sua ne, wɔ Betel ne Aye b’afia.

Gyenesise 14:10

Né ngono pee bɔ nu ayɛ pikaa wɔ Sidim bɔnza ne anu, yiti mmerɛ bɔ Sodom ne Gomora ahemvo mɔ bɛ́nwati bɛ́kɔ nen, ebiemɔ totɔle ngumaa ne anu, na bɛ ngaa ne koso bɛnwatili bɛhɔle mmokaa aseɛ ne aso dɔ.

Numeri 13:18

ná ɛmɔɔnea kyɛbɔ aseɛ ne osi te ɔ; kyɛ so mmenia ne bɛ nwo yɛ se anaa bɛ nwo nyɛ se; kyɛ banzo anaa bɛsone;

Numeri 13:29

Amalɛkefoɛ nemɔ bɛte ngwaen dɔ aseɛ ne aso; Hitifoɛ, Yebusifoɛ, ɔne Amorifoɛ nemɔ bɛte mmokaa aseɛ ne aso, yeɛ Kanaanfoɛ te mboanoa ne asue Yɔɔdan noa.”

Numeri 14:40

Bedwɔsole ngyerɛmɔ tutututu bɛhɔle mmokaa aseɛ ne ati afia, na besele kyɛ, “Yɛ ɛhe. Yɛkɔhɔ nekaa bɔ AWURADE fa hyɛle yɛ bɔ ne, ofikyɛ yayɔ bɔne.”

Deuteronomi 1:44

Na Amorifoɛ bɔ bɛte sɔ mmokaa aseɛ ne aso nen, bɛwale ɛmɔ so, na bɛfoane ɛmɔ kyɛbɔ ɛwommaa foa mmenia ɔ, na bɛbole ɛmɔ wɔ Sɛre toonn beedwuli Hɔma.

Yosua 10:40

Yiti Yosua lili ngonim wɔ aseɛ ne aso amukoraati: mmokaa aseɛ ne ne ngwaen dɔ aseɛ ne, aseɛ frɛtɛɛ ne, mmokaa ndoroleɛ ne anu, ɔne b’ahemvo ne amukoraa so ngonim. Wanyakyi sona ko po, na mmom ohuhuni nikyee biala bɔ nwomeɛ wɔ ye nu ɔ, kyɛbɔ AWURADE Yisrael Nyameɛ hyɛle ne.

Yosua 15:3

Ɔkɔ alaa kɔfa Akrabim pambaa ne ngwaen dɔ, toonn kodwu Sen, na ɔkɔfa Kadese Banea ngwaen dɔ. Ɔpɛ nu Hesron, na ɔfo kɔ Ada, na ɔkondo kɔ Kaka.

Yosua 2:1

Afei Nun awa Yosua somane maentetɛlɛfoɛ nyɔ kudɛɛ fili Sitim, na osele bɛ kyɛ, “Ɛmɔhɔ bɛɛsra aseɛ ne besie, nganga Yeriko.” Yiti besili nu bɛhɔle, na bɛɛlale braa gyanderaniɛ bie bɔ oli Rahabo awuro.

Maenbulɛfoɛ 1:15

Na obuale ye kyɛ, “Kyɛ me nikye. Ofikyɛ aseɛ bɔ afa ama me wɔ ngwaen dɔ ne, ɔte wosee. Yiti ma me mbombonzue koso.” Yiti Kalebo fale Gulote sorɔ dɔ ne Golote ngwaen dɔ bokale ye so.

Maenbulɛfoɛ 1:19

Né AWURADE gyi Yuda si, na Yuda ho fale bokaa aseɛ ne. Nakoso wangora wandu aseɛ frɛtɛɛ ne aso ama wamvi berɛ, ofikyɛ né bele buralɛ teaseɛnam mɔ.

Maenbulɛfoɛ 1:9

Ye si ye, Kanaanfoɛ bɔ bɛte bokaa aseɛ ne aso, ngwaen dɔ aseɛ ne aso, ɔne aseɛ frɛtɛɛ ne aso ne, Yudafoɛ hɔle bɛ ne bɛ bɛɛhone.