Numeri 12:8 - AHYERƐLƐ KRONGRON

⁸ Ye de megyina ye nyunu me ne ye yɛdwudwo pefee; mendwudwo mengyire ye anyandera nu; na onwu kyɛbɔ AWURADE ye sue te ɔ. Nzu ati yeɛ ɛmɔanzuro kyɛ ɛmɔkodwudwo bekotia me somvoɛ Mose ɔ?”

Numeri 12:8 Iomraidhean Croise

Gyenesise 32:30

Yiti Yakob frɛle berɛ Peniɛl, ofikyɛ ɔnwa, “Me nye abɔ Nyameɛ nyunu, nakoso me ngoa tɛ tira me.”

Edwein 17:15

Na me de, ɔnate kyɛ metengyɛ ne ati, ngonwu wɔ nyunu; sɛ medafe metingye a, m’ahone kɔtɔ me kunu, kyɛ manwu wɔ nyunu ɔ.

Edwein 49:4

Ngɔyɛ asoɛ konn ngotie anyandera, ngɔbɔ sangoo ngɔpena m’anyandera nwo ndeaseɛ.

Ɛksadɔso 19:19

Na mmerɛ bɔ totorobɛndo hulɛ ne noa yɛle se nen, Mose dwudwole, na Nyameɛ buale ye wɔ agralaa nu

Ɛksadɔso 20:4

“Nnɛyɔ amoen biala ɛso ye, anaa nikyee biala bɔ ye sue te kyɛ ewienu anwuro anwuro nikye, anaa aseɛ so nikye, anaa aseɛ bo dɔ nzue nu nikye.

Ɛksadɔso 33:11

Né AWURADE nate sɔ atee he aso ogyina Mose nyunu ɔne ye bedwudwo, kyɛbɔ sona ne obiɛngo bedwudwo ne ala. Na sɛ Mose sá ba asikyeleɛ ne anu a, ye bokafoɛ aberandeɛ Yosua bɔ ɔte Nun awa ne, ye de ɔka ɛtena sua ne anu dɔ.

Ɛksadɔso 33:19

Na AWURADE buale kyɛ, “Ngɔma me paayɛlɛ mukoraati kɔsẽ kɔpɛ nu wɔ wɔ nyunu, ná mabɔ me dumaa AWURADE ne wɔ wɔ nyunu. Ofikyɛ sona bɔ ngɔlo ye ne yeɛ ngɔlo ye ɔ, yeɛ bɔ ngonwu ye anwumvoin ne yeɛ ngonwu ye anwumvoin ɔ.

Ɛksadɔso 33:23

Afei ngɔye me sa, na ekonwu me kɔme asi; nakoso me nyunu de, bennwu ye.”

Ɛksadɔso 34:30

Na mmerɛ bɔ Aarɔn ne Yisraelfoɛ amukoraa nwuni Mose nen, né ye nyunu ata, na besurole kyɛ bekopingye ye ɔ.

Anyandera 1:6

amaa ɔnate so bate anyandera ne nworɛ dwirɛ bo, nworɛfoɛ dwirɛ ne b’anyandera bo.

Yesaya 40:18

Nwa nwo yeɛ ɛmɔkɔfa Nyameɛ bɛkɔto ɔ, anaakyɛ nzikyɛ sue yeɛ ɛmɔkɔfa bɛkɔtoto ye nwo ɔ?

Yesaya 46:5

“Nwa yeɛ ɛmɔkɔfa ye bɛkɔtoto me nwo, anaa ɛmɔkobu ye kyɛ ɔne me yɛte pɛ ɔ? Nwa yeɛ ɛmɔkɔfa ye bekosusu me kyɛ yɛte pɛ ɔ?

Hesekiel 17:2

“Sona awa, kã Nana Nyameɛ nikyee bie bɔ ɔwɔ berɛ ɔ nwo dwirɛ, ná ka mvandoho dwirɛ kyire Yisraelfoɛ.

Hesekiel 20:49

Yeɛ nzele kyɛ, “Yieee, AWURADE Nyameɛ! Bɛkekã bɛfa me nwo kyɛ, ‘Aso nna anyandera nu yeɛ odwudwo e?’ ”

Hosea 12:13

Na AWURADE nate ngɔmhyɛlɛniɛ so yele Yisrael fili Misraim, na ɔnate ngɔmhyɛlɛniɛ so ɔbɔle ye nwo waen.

Numeri 14:14

na bɛkɔhã bekohyire aseɛ ye aso ama. Bate ye kyɛ wɔ AWURADE ɛne mmenia hemɔ yeɛ bɛnate ɔ; ofikyɛ wɔ AWURADE, bɛ nye bɔ wɔ nyunu, na wɔ munungum mundu bɛ so. Ɛfa munungum ningɔnn nu edi bɛ nyunu eyia, yeɛ kɔngɔen ɛfa see ningɔnn nu edi bɛ nyunu.

Numeri 7:89

Sɛ né Mose kɔ ɛtena sua ne anu kyɛ ɔne AWURADE bɛkwaadwudwo a, né ɔte komviɛ ne kyɛ odwudwo kyire ye fi Adanzeɛ alaka ne aso mbata bia bɔ ɔwɔ kɛrubim nyɔ ne b’afia ne, ye anwuro ɔ; né komviɛ ne ɔne Mose bedwudwo.

Mateo 13:35

Na ɛhe mane bɔ ngɔmhyɛlɛniɛ ne hane ne wale nu kyɛ, “Anyandera nu yeɛ ngodwudwo ɔ, na edwirɛ bɔ wafea fi mmerɛ bɔ Ɛdangama bɔle wiase ɔ, ngɔhã.”

Luka 10:16

“Ebiala bɔ otie ɛmɔ dwirɛ nen, watie me; yeɛ bɔ ɔpo ɛmɔ nen, wapo me; na bɔ ɔpo me nen, wapo bɔ ɔsomane me ne.”

Yohane 1:18

Ebiala nnwuni Nyameɛ le; sana Baa komapɛ twe ne, bɔ ɔla Baba n’ahone nwo ne, na ye yeɛ wala ye ali wahyire ɔ.

Yohane 15:15

Memvrɛ ɛmɔ ngoaa ko, ofikyɛ akoaa nze bɔ ye mene ɔyɔ ɔ; na mmom mafrɛ ɛmɔ me damvo mɔ, ɔnate kyɛ edwirɛ biala bɔ mate mafi me Baba berɛ ne, mala ye ali mahyire ɛmɔ.

Yohane 15:24

Sɛ manyɔ nnwumaa bɔ ebiala ɔyyɔle bie le wɔ bɛ nu a, ahaa benni bɔne nwo foɛ; na afei de, banwu ye, nakoso bapɔ me ne me Baba.

1 Korintofoɛ 13:12

Kekesaala ye de, yɛnwu nikyee wusiwusi wɔ neanu nu. Nakoso kyẽa bie yɛkonwu ye pefee. Kekesaala ye de, bɔ mese ne onni mu, nakoso kyẽa bie okoli mu kyɛbɔ Nyameɛ koso se me ne.

2 Korintofoɛ 3:18

Baye yɛ mukoraa yɛ nyunu ngatanyunu ne, yiti yɛnwu Awurade animnyam ne kyɛ yɛnea neanu nu ɔ, na Awurade Sunzum ne gu so ɔsesã yɛ maa yɛnya ye sue ne bie yɛfi animnyam nu yahɔ animnyam nu.

Deuteronomi 18:15

AWURADE wɔ Nyameɛ kɔye ngɔmhyɛlɛniɛ bɔ ɔte kyɛ me kofi eliɛma nemɔ nu, kofi wɔ nu kɔma wɔ, na ye yeɛ ɔsɛ kyɛ ɛmɔtie ye ɔ.

Deuteronomi 34:10

Ngɔmhyɛlɛniɛ foforɛ biala nne berɛ bɔ wadwɔso wɔ Yisrael bɔ ɔte kyɛ Mose ɔ. Ye yeɛ AWURADE maa ogyinane ye nyunu ɔne ye bedwudwole ɔ;

Deuteronomi 4:15

“Kyẽa bɔ AWURADE dwudwo hyirele ɛmɔ fili see ne anu wɔ Horebo nen, ɛmɔannwu AWURADE, yiti ɛmɔnea ɛmɔ nwo yé paa,

Deuteronomi 5:8

“ ‘Nnɛyɔ amoen biala ɛso ye, anaa nikyee biala bɔ ye sue te kyɛ ewienu anwuro anwuro nikye, anaa aseɛ so nikye, anaa aseɛ bo dɔ nzue nu nikye.

Kolosefoɛ 1:15

Ye yeɛ ɔte Nyameɛ bɔ anyeɛ onnwu ye ne ye sɛso ɔ, abɔdeɛ amukoraa nu farebae.

1 Tɛsalonikafoɛ 4:8

Yiti ebiala bɔ ɔpo ngyerɛkyerɛ he nen, nna kuro sona yeɛ ɔpo ye ɔ, na mmom Nyameɛ bɔ wafa ye Sunzum Krongron ne wama yɛ ne.

1 Timoteo 6:16

bɔ ye ngome twe yeɛ onwu, ná ɔwɔ berɛ afebɔɔ, bɔ ɔte kanea bɔ ebie ngora mbingye ye nu, bɔ ebiala nnwuni ye le, ná ebiala ngɔhora ngonwu ye ne. Ye yeɛ anidie ne daa tumi te ye deɛ ɔ! Amen.

Hebrifoɛ 1:1

Daa tete ne, mmerɛ pee nu ne atee ahoroɔ so yeɛ Nyameɛ nate ngɔmhyɛlɛfoɛ so dwudwo hyirele yɛ nana mɔ ɔ;

Hebrifoɛ 1:3

Ye yeɛ ɔte Nyameɛ animnyam hyireinn ne, ɔne ye sue kaenn, na ole ye tumi dwirɛ ne yeɛ otira nningyein mukoraa nu ɔ. Na ɔtele yɛ nwo fili yɛ bɔne nwo yiele nen, ɔɔtenane Tuminiɛ Nyameɛ sa famaa so wɔ nyameɛso.

2 Petro 2:10

nganga bɛ bɔ bedi anwoɔnaen akɔnnɔ fiɛ si, ná bebu tumililɛ animtia ɔ. Besi b’ahone, bedi bɛ ti piri, na benzuro kyɛ bɛkɔkekã dwirɛ bekotia animnyamfoɛ nemɔ ɔ.

Yuda 1:8

Na sɔ ala yeɛ sɔ laleɛhyenɛfoɛ nemɔ begua bɛ nwonaen nwo fiɛ ɔ. Bebu tumililɛ animtia, na bɛkekã dwirɛ betia animnyamfoɛ nemɔ.