Numeri 12:7 - AHYERƐLƐ KRONGRON

⁷ Nakoso Mose deɛ de, ɔtte sɔ; me maen amukoraati wura ye sa.

Numeri 12:7 Iomraidhean Croise

YOB NWOMAA NE 1:8

Yeɛ AWURADE bisale Satan kyɛ, “Aso asusu m’akoaa Yob nwo? Kyɛ sona biala nne berɛ bɔ ɔte kyɛ ye ɔ wɔ aseɛ so; kyɛ ɔte sona bɔ ye bra te sannwuu, ná ɔtengyɛ ɔ; kyɛ osuro Nyameɛ, na ɔtwe ye nwo fi bɔne nwo ɔ?”

Edwein 105:26

Ɔsomane ye somvoɛ Mose, yeɛ Aarɔn bɔ ɔneaneane nu yele ye ne.

Ɛksadɔso 33:11

Né AWURADE nate sɔ atee he aso ogyina Mose nyunu ɔne ye bedwudwo, kyɛbɔ sona ne obiɛngo bedwudwo ne ala. Na sɛ Mose sá ba asikyeleɛ ne anu a, ye bokafoɛ aberandeɛ Yosua bɔ ɔte Nun awa ne, ye de ɔka ɛtena sua ne anu dɔ.

Mateo 11:11

Nahorɛ nu, mekã mekyire ɛmɔ kyɛ, bɛ bɔ mmrasua awo bɛ amukoraa, bɛ nu biala oddwɔsole bɔ odi mu tra Asubɔlɛniɛ Yohane ɔ. Nakoso bɔ ɔte kãa koraa wɔ nyameɛso ahennie ne anu ne po odi mu tra ye.

Mateo 11:9

Anaakyɛ nzikyɛ yeɛ ɛmɔsili nu bɛhɔ bɛɛneane ɔ? Ngɔmhyɛlɛniɛ anaa? Yoo, mekã mekyire ɛmɔ kyɛ, ɔtra ngɔmhyɛlɛniɛ po.

Asomafoɛ 7:31

Mose nwuni sɔ nikyee nen, ɔyɛle ye nwanwa, na ɔbɔ pingyele ngyɛkyerɛ ne kyɛ ɔkwaanea nikye horɛ; na ɔtele Awurade dwudwolɛ kyɛ,

1 Korintofoɛ 4:2

Afei koso, bɔ bɛpena ye wɔ somvoɛ mɔ nwo ole kyɛ bekoli nahorɛ ɔ.

Deuteronomi 18:18

Ngɔye ngɔmhyɛlɛniɛ bɔ ɔte kyɛ wɔ, bɔ ofi b’eliɛma nemɔ anu ngɔma bɛ. Ngɔfa me dwirɛ ngotua ngɔmhyɛlɛniɛ ne noa, na ɔkɔha bɔ ngɔhyɛ ye kyɛ ɔha ne amukoraati kohyire bɛ.

Deuteronomi 34:5

Afei AWURADE somvoɛ Mose wuli dɔ wɔ Moabo aseɛ so, kyɛbɔ AWURADE noa dwirɛ te ne.

1 Timoteo 3:15

amaa sɛ ɔba kyɛ mekyɛ ná mmmale a, anwu kyɛbɔ ɔsɛ kyɛ ɛbɔ wɔ bra wɔ Nyameɛ awuro, bɔ ɔte Nyameɛ teasefoɛ n’asɔre, nahorɛ nyinasoɛ ne fapem ne anu.

Yosua 1:1

AWURADE somvoɛ Mose wue asi ne, AWURADE ha hyirele Nun awa Yosua, bɔ ɔte Mose bokafoɛ ne kyɛ,

Yosua 1:2

“Me somvoɛ Mose wawu. Yiti boaboa wɔ nwo kɔpɛ asue Yɔɔdan, ɛne Yisraelfoɛ hemɔ amukoraati, ná ɛmɔhɔ aseɛ bɔ méfa méma bɛ ne aso.