Numeri 12:6 - AHYERƐLƐ KRONGRON

⁶ Na AWURADE sele kyɛ, “Ɛ́mɔtie edwirɛ bɔ meka ye: Sɛ ngɔmhyɛlɛniɛ bie wɔ ɛmɔ nu a, me AWURADE yeɛ mefa nyekyire nu meye me nwo ali mekyire ye ɔ; medwudwo mekyire ye wɔ laleɛ nu.

Numeri 12:6 Iomraidhean Croise

Gyenesise 15:1

Ɛhemɔ asi ne, AWURADE lale ye dwirɛ ali hyirele Abram wɔ nyekyire nu kyɛ, “Nnɛsuro, Abram. Me yeɛ mebɔ wɔ nwo waen ɔ, na w’akatuaa kɔsone pee.”

Gyenesise 20:7

Yiti sá fa biaa n’aye kɔma ye: ɔte ngɔmhyɛlɛniɛ, na okoli wɔ ti dwirɛ kɔma wɔ maa ekonya ngoa. Nakoso sɛ amva ye angɔ amma ye a, ye de kaye kyɛ ewue yeɛ ekowu ɔ, ɛne wɔ nwo ama ne wɔ nyɛmmoa mukoraati.”

Gyenesise 28:12

Ɔhyene laleɛ, onwuni atweleɛ bie bɔ ofi aseɛ so kɔka nyameɛso ɔ, na né Nyameɛ abɔfo mɔ bɛfo bedwu wɔ so!

Gyenesise 28:16

Yakob fili nnaa nu tingyele na osele kyɛ, “Amba, AWURADE wɔ wa, yeɛ saa né menze ye!”

Gyenesise 37:5

Ɛlɛho bie, Yosef hyene laleɛ, na ɔhane laleɛ ne hyirele oliɛma nemɔ nen, bɛpɔle ye bɛtrale daa ne po.

Gyenesise 37:9

Yosef hyene laleɛ bieku, na ɔbɔle oliɛma nemɔ amaneɛ kyɛ, “Ɛ́mɔtie, mahye laleɛ bieku, na nwuni kyɛ eyia, ɛsraen ne nzramaa buru ne ko bɛkoto me.”

Gyenesise 46:2

Na Nyameɛ dwudwo hyirele Yisrael kɔngɔen ne wɔ nyekyire nu. Ɔfrɛle ye: “Yakob, Yakob,” na osurole kyɛ, “Me ɛhe.”

2 Samuel 7:4

Nakoso sɔ kyẽa ne kɔngɔen, AWURADE lale ye dwirɛ ali hyirele Natan kyɛ,

1 Ahemvo 3:15

Yeɛ Solomon fili nnaa nu tingyele, na onwuni kyɛ laleɛ yeɛ wahye ɔ. Na ɔwale Yerusalem oogyinane AWURADE apam alaka ne anyunu. Ɔbɔle naen yeralɛ afɔleɛ ne asomdwee afɔleɛ, na ɔtole poen mane ye somvoɛ amukoraa.

1 Ahemvo 3:5

Gibeon berɛ, AWURADE yele ye nwo ali hyirele Solomon kɔngɔen wɔ laleɛ nu. Na Nyameɛ sele kyɛ, “Bisa bɔ ekuro ɔ maa nyɔ mma wɔ.”

YOB NWOMAA NE 33:15

Laleɛ nu, kɔngɔen nyekyire nu, mmerɛ bɔ nnafelɛ hatee watɔ adasa so ɔ, mmerɛ bɔ bɛ nye ahɔ bɛ saa wɔ bɛ mba so ɔ,

YOB NWOMAA NE 4:13

Kɔngɔen laleɛ bie anu yeɛ ndele ɔ, mmerɛ bɔ adasa bɛda hatee ne.

Edwein 105:15

Ɔhane kyɛ, “Me mmenia bɔ mapopa bɛ ngoo ne, nnɛma ɛmɔfa ɛmɔ sa bɛkã bɛ; yeɛ me ngɔmhyɛlɛfoɛ koso, nnɛma ɛmɔyɔ bɛ bɔne biala!”

Edwein 89:19

Mmerɛ bie, ɛnate nyekyire so dwudwo hyirele wɔ nahorɛniɛ ne kyɛ, “Mafa mmokalɛ mama ebie bɔ ye nwo yɛ se ɔ, na sona bɔ maneanea maen ne anu maye ye ne, mapagya ye.

Ɛksadɔso 7:1

Na AWURADE sele Mose kyɛ, “Tie, mayɛ wɔ kyɛ Nyameɛ wɔ Faro nye so, na eliɛma Aarɔn kɔyɛ wɔ ngɔmhyɛlɛniɛ.

Yeremia 23:25

Ngɔmhyɛlɛfoɛ bɔ bɛfa me dumaa bedi ngɔndorɔ ne, mate bɔ bɛkekã ɔ. Bɛnwa, ‘Mahye laleɛ, mahye laleɛ!’

Yeremia 23:28

Ngɔmhyɛlɛniɛ bɔ wahye laleɛ ne, odi kyɛ ɔfa laleɛ ne to dwaa, na bɔ mafa me dwirɛ matua ye noa ne koso, odi kyɛ ɔkã me dwirɛ ne nahorɛ nu. Nzikyɛ ngitahoɛ yeɛ ɔla afafu ne atokoɔ b’afia ɔ? AWURADE noa dwirɛ ɛne.

Hesekiel 1:1

Na ɔwale kyɛ, afoɛ aburasa ne aso, bosome bɔ ɔtɔ so nna ne anu, ye elennu ne aso, mmerɛ bɔ né nwɔ mmenia bɔ bahye bɛ nnure nemɔ anu wɔ asue Kebare noa berɛ ne, nyameɛso bukyele, na nyane nyekyire nwuni Nyameɛ.

Daniel 10:8

Yiti ɔhale me ngome twe wɔ berɛ bɔ né menea nyekyire ne ɔ. Me nwo ngaka tu minini, mmɔle fuin bɔkɔɔ, na me nwo yɛle me hodwoo.

Daniel 2:19

Yeɛ Nyameɛ lale mvealeɛ nu dwirɛ ne ali hyirele Daniel wɔ kɔngɔen nyekyire nu. Na Daniel hyɛle nyameɛso Nyameɛ ne animnyam.

Daniel 7:1

Babilɔn hene Bɛlsasa ahennie afoɛ bɔ oli moa ne anu, Daniel hyene laleɛ, na onyane nyekyire wɔ mmerɛ bɔ né ɔla ye bɛen so ɔ. Na afei ɔhyerɛle laleɛ ne, na ɔbɔle nu dwirɛ ne porɛ.

Daniel 8:2

Na nyekyire ne anu, nwuni kyɛ né nwɔ Susa ahemvie bɔ ɔwɔ Elam mbɔtam. Na nwuni ye wɔ nyekyire ne anu kyɛ nwɔ asue Yulae noa.

Hosea 12:11

Aso amumuyɛɛ wɔ Gileade? Amba, bɛte mbaen. Bɛfa nandwie nyii mɔ bɛbobɔ afɔleɛ wɔ Gilgal, amba, b’afɔleɛ mmokyea nemɔ, bɛte kyɛ nyɔboɛ kure bɔ ɔwɔ eburo ngofie mɔ b’afia ɔ.

Yoel 3:1

Yiti tie, sɔ ngyẽa nemɔ anu ne sɔ mmerɛ ne anu, bɔ ngosa ngɔfa Yuda ne Yerusalem ngofi nnurehyelɛ nu ngɔwa ne,

Sakaria 1:8

“Nyane nyekyire kɔngɔen, na yieee, né biaa bie te pɔngɔ kɔkorɛ so! Né ogyi sesea mmakaa nemɔ anu wɔ bɔnza ne anu, na né mbɔngɔ kɔkorɛ, kyerekyerɛɛ ne fufue begyigyi biaa ne si dɔ.

Numeri 24:4

sona bɔ ɔte Nyameɛ dwudwolɛ ne, ye ngɔmhyɛlɛ, bɔ onwu Ɛdangama ye nyekyire ne, bɔ ɔkata ye nye po a, ye nye nwu nikyee ne.

Mateo 1:20

Na ogu so ɔfa ɛhe nwo adwene ne, Awurade abɔfo yele ye nwo ali hyirele ye wɔ laleɛ nu, na osele ye kyɛ, “Yosef, Dawide bosoniɛ, nnɛsuro kyɛ ɛkɔfa ɛye Maria ɛkɔwa w’awuro ɔ; ɔnate kyɛ bɔ ɔnwonzɛ ye ne ofi Sunzum Krongron nu.

Mateo 2:19

Herode wue asi ne, yieee, Awurade abɔfo yele ye nwo ali wɔ laleɛ nu hyirele Yosef wɔ Misraim

Mateo 23:31

Yiti ɛmɔdi adanzeɛ betia ɛmɔ nwo, kyɛ ɛmɔte bɛ bɔ behuhuni ngɔmhyɛlɛfoɛ nemɔ ne bɛ bosofoɛ.

Mateo 23:34

Yiti, ɛ́mɔtie, mésoma ngɔmhyɛlɛfoɛ ne nworɛfoɛ ne ahyerɛlɛfoɛ maa bɛba ɛmɔ berɛ, na ɛmɔkohũ bɛ nu biemɔ bɛkɔbɔ bɛ mmeamudua nu, yeɛ ɛmɔkofi bɛ nu biemɔ mbire wɔ ɛmɔ nyianu sua mɔ nu, ná ɛmɔatane bɛ nye bafi kuro so bahɔ kuro so.

Mateo 23:37

“O, Yerusalem, Yerusalem, wɔ bɔ eku ngɔmhyɛlɛfoɛ ná ɛboro bɛ bɔ basoma bɛ wɔ berɛ nyɔboɛ ɔ! Mmerɛ pee yeɛ mbenane kyɛ ahaa meboaboa wɔ mma noa, kyɛbɔ akɔtaen boaboa ye mma noa wura ye ndaa bo ɔ, nakoso ɛmɔambene so!

Mateo 27:19

Asa koso, mmerɛ bɔ ɔtenane ndɛenbualɛ bia nu ne, ɔye somane maa bɛɛhã behyirele ye kyɛ, “Nnɛma ndoto biala ba wɔ ne sɔ biaa teneneeniɛ ne b’afia, ofikyɛ, ɔnate ye ti manwu amaneɛ pee wɔ laleɛ nu ɛnɛ kɔngɔen.”

Luka 1:11

Na Awurade abɔfo bie ɔɔyele ye nwo ali hyirele ye, na oogyinane ɛyɛɛ afɔleɛ bokyea ne famaa so.

Luka 1:22

Na mmerɛ bɔ ofite wale ne, wangora dwudwo kyire bɛ, yiti benwuni kyɛ wanwu nikyee bie wɔ asɔneyɛɛ sua ne anu dɔ; wangora dwudwo, na ɔfale ye sa yeɛ ɔyɛle nzɛngyerɛnneɛ hyirele bɛ ɔ.

Luka 20:6

Yeɛ sɛ yɛkã kyɛ, ‘Ofi mmenia berɛ’ a, mmenia ne amukoraa bɛkɔboro yɛ nyɔboɛ; ofikyɛ bede bedi amba kyɛ Yohane te ngɔmhyɛlɛniɛ.”

Asomafoɛ 10:11

Na onwuni kyɛ anwuro abukye, na nikyee bie bɔ ɔte kyɛ nwera pirikua, bɔ basosɔ ye noa nna ne anu odwu ba ase ɔ.

Asomafoɛ 10:17

Mmerɛ bɔ Petro ne ye nwo besu aporowaa ɔpena nyekyire he abo nen, né mmenia bɔ Kɔneleo asoma bɛ ne babisabisa alaa baanwu Simɔn awuro. Né begyigyi awuro n’anoa nu berɛ.

Ɛfesofoɛ 4:11

Na ye akyɛdeɛ ne ama ebiemɔ ayɛ asomafoɛ, ebiemɔ ngɔmhyɛlɛfoɛ, ebiemɔ nzɛmbahanɛfoɛ, ebiemɔ neafoɛ mɔ, yeɛ ebiemɔ akyerɛkyerɛfoɛ,

Deuteronomi 18:15

AWURADE wɔ Nyameɛ kɔye ngɔmhyɛlɛniɛ bɔ ɔte kyɛ me kofi eliɛma nemɔ nu, kofi wɔ nu kɔma wɔ, na ye yeɛ ɔsɛ kyɛ ɛmɔtie ye ɔ.

Deuteronomi 18:18

Ngɔye ngɔmhyɛlɛniɛ bɔ ɔte kyɛ wɔ, bɔ ofi b’eliɛma nemɔ anu ngɔma bɛ. Ngɔfa me dwirɛ ngotua ngɔmhyɛlɛniɛ ne noa, na ɔkɔha bɔ ngɔhyɛ ye kyɛ ɔha ne amukoraati kohyire bɛ.

Hebrifoɛ 1:1

Daa tete ne, mmerɛ pee nu ne atee ahoroɔ so yeɛ Nyameɛ nate ngɔmhyɛlɛfoɛ so dwudwo hyirele yɛ nana mɔ ɔ;

Nyekyire 11:10

Na bɛ bɔ bɛte aseɛ so ɔ bekoli bɛ nwo ahurusi, na bɛ nye kɔgye ná bamanemane bɛ nwo akyɛdeɛ; ofikyɛ sɔ ngɔmhyɛlɛfoɛ nyɔ nemɔ bɛfale ɛhawo bɛtole bɛ bɔ bɛte aseɛ so ɔ so.

Nyekyire 11:3

Na ngɔma m’adanzefoɛ nyɔ bɛkɔhera ɛsɛen tena bɛkɔhyɛ ngɔm ngyẽa apee ko ɛyaa nyɔ ne aburasia.”

1 Samuel 28:6

Sɔɔlo bisale AWURADE, nakoso laleɛ nu oo, Yurim so oo, anaa ngɔmhyɛlɛfoɛ so oo, AWURADE andɛ ye so.

1 Samuel 3:15

Samuel lale mane aleɛ hyene ngyerɛmɔ; na afei obukyebukyele AWURADE awuro berɛ anoa nemɔ. Né Samuel suro kyɛ ɔkɔha nyekyire ne kohyire Eli ɔ.

1 Samuel 3:21

AWURADE hɔle so yele ye nwo ali wɔ Silo, ofikyɛ AWURADE nate ye bɔbɔ ye dwirɛ so yele ye nwo ali hyirele Samuel wɔ Silo.