Numeri 12:5 - AHYERƐLƐ KRONGRON

⁵ AWURADE nate munungum ningɔnn nu dwu wale ase, na oogyinane ɛtena sua ne anoa nu berɛ. Ɔfrɛle Aarɔn ne Miriam, na bɛ munyɔ bɛwale anyunu.

Numeri 12:5 Iomraidhean Croise

Edwein 99:7

Odwudwo hyirele bɛ fili munungum ningɔnn ne anu. Belili ye noa dwirɛ ne nhyehyɛleɛ bɔ ɔfa mane bɛ ne aso.

Ɛksadɔso 19:9

Na AWURADE sele Mose kyɛ, “Tie, mebaafa munungum kumɔnn nu meba wɔ berɛ, amaa sɛ me ne wɔ dwudwo a, mmenia ne ate, ná daa biala bale wɔ bali.” Afei Mose hane mmenia nemɔ noa dwirɛ hyirele AWURADE.

Ɛksadɔso 34:5

Na AWURADE dwu wale ase wɔ munungum nu oogyinane ye nwo berɛ, na ɔbɔle ye bɔbɔ ye dumaa YAHWE (AWURADE) ne.

Ɛksadɔso 40:38

Ofikyɛ b’ateetulɛ ne anu amukoraa, AWURADE munungum ne munduni nyianu sua ne aso alehyeleɛ nu, yeɛ alesaleɛ nu koso, né see ogye wɔ munungum ne anu bɔ Yisrael awuro ama mukoraa bɛ nye tua ɔ.

Numeri 11:25

Yeɛ AWURADE nate munungum nu dwu wale ase, na ɔne Mose beedwudwole. AWURADE fale sunzum bɔ ɔwɔ Mose nu ne bie wurale mbanyi aburasoo nemɔ anu. Sunzum ne wale bɛ so ne, bɛhyɛle ngɔm. Nakoso ye si ye, banhyɛ ngɔm ko.

Numeri 12:4

Mvum nu, AWURADE sele Mose, Aarɔn ɔne Miriam kyɛ, “Ɛmɔ amɛsa, ɛmɔbra ɛtena sua atenaleɛ ne anu.” Yiti bɛ mmɛsa befite bɛwale.