Numeri 12:2 - AHYERƐLƐ KRONGRON

² Na besele kyɛ, “Aso Mose ngome yeɛ AWURADE afa ye so wadwudwo anaa? Aso yɛ koso, ɔffale yɛ so oddwudwole anaa?” Na AWURADE tele sɔ dwirɛ ne.

Numeri 12:2 Iomraidhean Croise

Gyenesise 29:33

Ɔnwonzɛle bieku na ɔwole bienzua, na ɔhane kyɛ, “Ɔnate kyɛ AWURADE anwu kyɛ benguro me ne ati yeɛ watie me na wafa baa bienzua he koso wahyɛ me ɔ.” Na ɔtole ye dumaa Simeon.

2 Samuel 11:27

Olili ye kuna yiele nen, Dawide somane maa bɛɛfale ye bɛwale ye ahemvie berɛ. Ɔyɛle ɔye, na ɔne ye bɛwole baa bienzua. Nakoso AWURADE nye angye nikyee bɔ Dawide yɔle ne anwo.

2 Ahemvo 19:4

Edwirɛ amukoraa bɔ Rabesake ne, ye mene Asiria hene wafa wasoma ye kyɛ ɔfa ɔɔgoro Nyameɛ teasefoɛ nwo ne, ebiaa AWURADE wɔ Nyameɛ wate. Na AWURADE wɔ Nyameɛ kɔhwe ye so wɔ edwirɛ bɔ wate ne anwo. Yiti mbaeɛ bɔ ɛbɔ ma yɛ bɔ yaha ne, ma nu ɔ́yɛ se.”

Ɛksadɔso 4:14

Afei AWURADE fɛle Mose so yaa maa ɔhane kyɛ, “Eliɛma Aarɔn, bɔ ɔte Lewiniɛ ne, ɔnne berɛ hɔ ɔ? Mese kyɛ ye noa ate. Tie, wasi nu ɔbaayia wɔ, na sɛ onwu wɔ a, ɔkɔyɛ ye fɛ soma.

Ɛksadɔso 4:30

Aarɔn fale edwirɛ amukoraa bɔ Nyameɛ aha ahyire Mose ne tole dwaa, na ɔyɔle nzɛngyerɛnneɛ ne wɔ mmenia ne nyunu berɛ.

Ɛksadɔso 5:1

Nziɛ ye, Mose ne Aarɔn hɔle Faro berɛ beesele ye kyɛ, “AWURADE Yisrael Nyameɛ nwa: ‘Ma me mmenia nemɔ bɛhɔ, ná beeli aluolue bɛma me wɔ ɛserɛ so.’ ”

Ɛksadɔso 7:10

Yiti Mose ne Aarɔn hɔle Faro berɛ bɛɛyɔle kyɛbɔ AWURADE hyɛle bɛ ne. Aarɔn gyili ye pɔmaa ne tole Faro ne ye mbanyi mɔ nyunu berɛ, na ɔkakyili ewoo.

Anyandera 13:10

Anwomasoɛ ne basabasayɔlɛ yeɛ bɛnate ɔ, nakoso bɛ bɔ betie foɛtulɛ ne de, nworɛ ne bɛ yeɛ bɛnate ɔ.

Yesaya 37:4

Safohene ne, edwirɛ bɔ ye mene Asiria hene wafa wasoma ye, kyɛ ɔfa ɔɔgoro Nyameɛ teasefoɛ nwo ne, ebiaa AWURADE wɔ Nyameɛ wate. Na AWURADE wɔ Nyameɛ kɔhwe ye so wɔ edwirɛ bɔ wate ne anwo. Yiti bɔ mbaeɛ bɔ nu yɛ se ɔ ma yɛ bɔ yaha ne.’ ”

Mika 6:4

Ofikyɛ nyele wɔ mvili Misraim aseɛ so mmale, mbɔle wɔ mvili ngoaasolɛ nu, na nzomane Mose, Aarɔn ne Miriam maa belili wɔ nyunu.

Numeri 11:1

Yisraelfoɛ penepenene bɛ komvi fale amaneɛ bɔ benwu ye ɔ nwo maa odwuli AWURADE nyunu. AWURADE tele, na ɔfɛle yaa paa. Yiti AWURADE see ne tɔle wɔ b’asikyeleɛ ne anu, na ɔyerale asikyeleɛ berɛ bondua ne bie.

Numeri 11:29

Nakoso Mose buale ye kyɛ, “Ɛ́ko me ti ngondii anaa? Ɔhale me ngome a, ahaa AWURADE mmenia amukoraati bɛte ngɔmhyɛlɛfoɛ; ahaa AWURADE afa ye sunzum wawura bɛ nu!”

Numeri 12:3

Né Mose odwo tra sona biala bɔ ɔwɔ aseɛ ye aso ɔ.

Numeri 16:3

Bɛyɛle lɔen betiale Mose ne Aarɔn, na besele bɛ kyɛ, “Ɛmɔduo boɛ! Maen ne anu mmenia amu te krongron, ebiala te krongron, na AWURADE gyi bɛ si. Nzu ati yeɛ ɛmɔafo batena AWURADE mmenia kɔme so ɔ?”

Romanfoɛ 12:10

Ɛmɔhurohuro ɛmɔ nwo dwirɛ kyɛ aliɛmaa mɔ, ná ɛ́mɔli moa bɛ́fa anidie bɛ́moma bɛ nwo bɛ nwo.

Romanfoɛ 12:3

Ɔnate adom akyɛdeɛ bɔ wafa wama me ne ati, mekã mekyire ɛmɔ kyɛ nnɛma ɛmɔ nu biala bu ye nwo kyɛ odi mu tra kyɛbɔ ɔte ɔ. Na mmom ɛmɔdwene anwobrɛaseɛ adwene kyɛbɔ Nyameɛ gyidie bɔ wafa wama ebiala ne si te ɔ.

Filipifoɛ 2:14

Nnɛma ɛmɔfa nwuhunwuhu ne aporowaasulɛ bɛyɔ nikyee biala,

Filipifoɛ 2:3

Nnɛma ɛmɔfa pɛsɛmangomenya anaa nduhoɛ bɛyɔ nikyee biala, na mmom ɔsɛ kyɛ ɛmɔfa anwobrɛaseɛ adwene bebu ɛmɔ mmango mɔ bɛtra ɛmɔ bɔbɔ ɛmɔ nwo.

1 Petro 5:5

Sɔ ala yeɛ ɛmɔ bɔ ɛmɔte mmabunu ne koso, ɔsɛ kyɛ ɛmɔbrɛ ɛmɔ nwo ase bewura mbanyi mɔ bo ɔ. Ɛmɔ amukoraa, ɛ́mɔfa anwobrɛaseɛ bɛ́hera, ná ɛ́mɔfa bɛ́so ɛmɔ nwo ngoko ngoko, ofikyɛ Nyameɛ nye sa anwomasoɛfoɛ, na ɔdo anwobrɛaseɛfoɛ.