Numeri 12:14 - AHYERƐLƐ KRONGRON

¹⁴ Nakoso AWURADE buale Mose kyɛ, “Sɛ ɔse fele nwɔserɛ guale ye nyunu a, aso ahaa ye nyunu ngogua ase ɛlɛsoo? Maa bɛye ye maa ɔɔtena asikyeleɛ ne asi dɔ ɛlɛsoo, ná ye si né basa bafa ye bawa asikyeleɛ ne anu.”

Numeri 12:14 Iomraidhean Croise

2 Ahemvo 15:5

AWURADE hwene Nana Asaria so, maa kwata anwonyerɛ bɔle ye toonn kɔpem kyɛ owuli ɔ. Ɔnate anwonyerɛ ne ati, né ye ngome waatena awuro bie anu. Ɔwa bienzua Yotam yeɛ né ɔnea ahemvie berɛ ɔ, na ye yeɛ né ɔnea maen ne anu ama so ɔ.

YOB NWOMAA NE 17:6

“Wamaa mayɛ mmenia bɛ noa nu ngorohoɛ dwirɛ, na makakyi sona bɔ mmenia tiatia ye nyunu ɔ.

YOB NWOMAA NE 30:10

Bekyi me, bɛnga bɛmma me nwo; bɛ nye bɔ me nyunu a, bɛfefe nwɔserɛ.

Yesaya 50:6

Mvale me si mane bɛ bɔ befi me mbire ne, mvale me so taa nu mane bɛ bɔ betutu kanza ne. Beguale me nyunu ase, bɛfefele nwɔserɛ beguale me nyunu, nakoso mamva me nyunu mamvea.

Lewitikɔso 13:4

Na sɛ ye nwonaen ne berɛ te hoyaa, nakoso wannidi wangɔ nu wandra ye nwonaen ngaa ne, ná berɛ nwiaa ne wanyɛ hoyaa a, ye de odi kyɛ ɔsɔfo ne ma yarefoɛ ne ngome ɔte ye nwo kɔtena nekaa bie ɛlɛsoo.

Lewitikɔso 14:8

Sona bɔ bate ye nwo ne, odi kyɛ ɔpo ye nningyein, ɔpoa ye nwo nwiaa amu, ɔfa nzue bia, na ye nwo kɔte. Ye si ye, odi kyɛ osa ba asikyeleɛ nu berɛ, nakoso ɔkɔtena ye ɛtena sua asi ɛlɛsoo.

Numeri 5:1

AWURADE sele Mose kyɛ,

Mateo 26:67

Afei bɛfefele nwɔserɛ beguale ye nyunu, bɛbobɔle ye, yeɛ ebiemɔ bobɔle ye nye so

Deuteronomi 25:9

ye de ɔsɛ kyɛ oliɛma n’aye ne kogyina ye nwo berɛ wɔ mbanyi nemɔ nyunu berɛ, ná opuro biaa ne gya nu mbaboa, ná ɔ́fe nwɔserɛ gua ye nyunu, ná ɔka kyɛ, ‘Sona bɔ onguro kyɛ ɔboka ma oliɛma bɔ wawu nya bosofoɛ ne, bɔ bɛfa bɛyɔ ye hɔ ɛne.’

Hebrifoɛ 12:9

Afei koso, yɛle seɛ mɔ wɔ aseɛ ye aso bɔ bɛtea yɛ ɔ, na yɛfa ebuo yɛma bɛ. Sɛ ɔte sɔ de a, aso onhia kyɛ yɛbrɛ yɛ nwo ase bɔ ɔtra so yɛma yɛ sunzum nu Seɛ ne na yanya ngoa anaa?