Numeri 11:8 - AHYERƐLƐ KRONGRON

⁸ Né mmenia kyini bɛkɔsesa. Né beti ye nyɔboɛ so anaa besi ye duwaa nu, ná afei bato ye kukue nu bafa bayɛ taterɛ. Ye fɛɛ te kyɛ taterɛ bɔ bafa ngoo bafra ye bato ɔ.

Numeri 11:8 Iomraidhean Croise

Gyenesise 25:29

Ɛlɛho bie, né Yakob ɔyɔ ye abomu yeɛ Yisɔ fili eburo wale ɔ. Né ɛhɔen apɛ ye.

Ɛksadɔso 16:23

na Mose buale bɛ kyɛ, “Bɔ AWURADE ahyɛ hɔ ɛne: ‘Ɛhema te nwomelelɛ kyẽa bɔkɔɔ, afofikyẽa krongron ma AWURADE. Yiti bɔ ɛmɔkɔtoto ne, ɛ́mɔtoto, yeɛ bɔ ɛmɔkɔto ne koso, ɛ́mɔto. Na bɔ ɔkɔha ne, odi kyɛ ɛmɔfa besie maa odwu ɛhema ngyerɛmɔ.’ ”

Ɛksadɔso 16:31

Yisraelfoɛ frɛle aleɛ ne mana. Né ɔte kyɛ mviɛlɛ, fitaa, na ye fɛɛ te kyɛ apiti bɔ woɛ wɔ nu ɔ.

Numeri 11:7

Mana te kyɛ mviɛlɛ, na ye nwo sue te kyɛ anengyene.

Numeri 11:9

Sɛ odwu kɔngɔen ná sɛ bosue tɔ gua asikyeleɛ ne anu a, mana koso tɔ boka so.

Yohane 6:27

Nnɛma ɛmɔyɔ aleɛ bɔ ɔsɛkye ɔ nwo adwuma, na mmom ɛ́mɔyɔ aleɛ bɔ ɔtena berɛ kɔ daa ngoa nu, bɔ Sona Awa ne kɔfa kɔma ɛmɔ ne nwo adwuma; ofikyɛ ye yeɛ Baba Nyameɛ wale ye wato nu wama ye tumi ɔ.”

Yohane 6:31

Yɛ nana mɔ belili mana wɔ ɛserɛ so, kyɛbɔ bahyerɛ ye kyɛ, ‘Ɔmane bɛ paanoo fili nyameɛso maa belili.’ ”