Numeri 11:4 - AHYERƐLƐ KRONGRON

⁴ Mmenia bɔ bɛɛfrafrale Yisraelfoɛ nu ne bɛ komvi wale aleɛ biemɔ aso. Na Yisraelfoɛ sá bɔle awuye kyɛ, “Yɛnyane naen a ahaa yɛkoli!

Numeri 11:4 Iomraidhean Croise

Nehemia 13:3

Na maen ne tele mmeraa ne anu dwirɛ ne, betuli amanvrafoɛ amukoraa befili Yisrael.

Edwein 106:14

Na mmom benyane akɔnnɔ tɛɛ wɔ ɛserɛ ne aso, na besole Nyameɛ bɛneane wɔ aseɛ pralaa ne aso.

Ɛksadɔso 12:38

Mmenia mvrafra pee koso ne bɛ hɔle, na nyɛmmoa pee paa boka so: mmoaen ne nandwie.

Ɛksadɔso 16:12

“Mate Yisraelfoɛ bɛ komvi bɔ bɛpenepene ne. Yiti ka kyire bɛ kyɛ, ‘Nɔsoa ɛmɔkoli naen, ná ngyerɛmɔ wora ɛmɔali aleɛ ama ɛmɔ ko ayi; amaa ɔnate so ɛmɔanwu kyɛ me ole AWURADE ɛmɔ Nyameɛ ne.’ ”

Ɛksadɔso 16:3

Besele Mose ne Aarɔn kyɛ, “Sɛ AWURADE tumi maa yɛwuwuli Misraim aseɛ so a, ahaa ɔte paa. Berɛ de, yɛtenatenane naen kukue nwo yɛdidili yɛtele naen mane yɛ ko yili pambee. Nakoso ɛmɔafa yɛ baagua ɛserɛ so wa kyɛ bɛbaama ɛhɔen ku maen ye amukoraa.”

Yeremia 42:14

bɛkã kyɛ, ‘Daabi, Misraim aseɛ so mmom yeɛ yɛkɔhɔ ɔ, na dɔ de, koɛ ngɔto yɛ, yɛngɔte totorobɛndo nga, yeɛ aleɛ nwo hɔen ngohũ yɛ, na dɔ yeɛ yɛkɔɔtena ɔ’ a,

Numeri 11:18

Na se mmenia ne kyɛ, ‘Ɛ́mɔyɛ ɛmɔ nwo krongron bɛfa bɛnwondɛ ɛhema, na ɛmɔkoli naen; ofikyɛ ɛmɔasu maa AWURADE ate, bɔ ɛmɔnwa: ‘Yɛpena naen yɛdi! Amba yɛwɔ Misraim ne po, né ɔte paa ma yɛ.’ Yiti AWURADE kɔma ɛmɔ naen ma ɛmɔkoli.

Numeri 14:1

Yisraelfoɛ amukoraati bɛteateane nu serɛserɛ, na besuni sɔ kɔngɔen ne.

Numeri 14:22

mmenia ye mɔ bɔ banwu m’animnyam ne nzɛngyerɛnneɛ bɔ nyɔle ye wɔ Misraim ɛserɛ ne aso, nakoso baso me banea pɛen buru, ná bandie me dwirɛ ne,

Numeri 16:13

Aso ɔte edwirɛ baa kyɛ aaye yɛ afi aseɛ bɔ nyɔfonesue ne woɛ tengyɛ wɔ so ɔ so, kyɛ ɛbaahu yɛ wɔ ɛserɛ ye aso, bɔ yeɛ esa hyɛ yɛ so ɔ?

Romanfoɛ 13:14

Na mmom ɛ́mɔfa Awurade Yesu Kristo akodeɛ ne bewura, yeɛ nnɛma ɛmɔdi anwoɔnaen akɔnnɔ si bɛyɔ ye apɛdeɛ bɛma ye.

1 Korintofoɛ 10:6

Na ɛhemɔ te kɔkɔbɔlɛ ma yɛ, amaa yanni bɔne si kyɛbɔ belili ne.

1 Korintofoɛ 15:33

Nnɛmɔma bɛlakalaka ɛmɔ, na “abiɛngoɛ tɛɛ sɛkye bra paa.”

Deuteronomi 9:22

“Na ɛmɔdwuli Tabera, yeɛ afei Masa ne Kibrote Hataawa nen, ɛmɔwurale AWURADE apue mane ye ahone huli.