Numeri 11:29 - AHYERƐLƐ KRONGRON

²⁹ Nakoso Mose buale ye kyɛ, “Ɛ́ko me ti ngondii anaa? Ɔhale me ngome a, ahaa AWURADE mmenia amukoraati bɛte ngɔmhyɛlɛfoɛ; ahaa AWURADE afa ye sunzum wawura bɛ nu!”

Numeri 11:29 Iomraidhean Croise

Yoel 2:27

Ɛmɔkonwu kyɛ nwɔ Yisrael nu, na me ole AWURADE ɛmɔ Nyameɛ, ebiala nne berɛ ko, na me maen nyunu ngogua ase le.

Yoel 3:1

Yiti tie, sɔ ngyẽa nemɔ anu ne sɔ mmerɛ ne anu, bɔ ngosa ngɔfa Yuda ne Yerusalem ngofi nnurehyelɛ nu ngɔwa ne,

Numeri 11:30

Na Mose ne Yisrael mbanyi nemɔ besa bɛwale asikyeleɛ ne anu.

Luka 10:2

Na osele bɛ kyɛ, “Nnɔbaeɛtelɛ adwuma ne te piri, nakoso adwumayɔlɛfoɛ nemɔ bɛte kãa; yiti ɛ́mɔsrɛ nnɔbaeɛtelɛ ye Mene ne, ná ɔsoma adwumayɔlɛfoɛ ma bɛbra ye nnɔbaeɛtelɛ adwuma ne anu.”

Asomafoɛ 26:29

Na Pɔɔlo buale kyɛ, “Sɛ ɔhale kãa oo, ɔhhale kãa oo, me de mesrɛ Nyameɛ kyɛ nna wɔ ngome, na mmom bɛ bɔ betie me ɛnɛ ye amukoraa koso kɔyɛ kyɛ me ala; sana ngɔnzɔngɔnzɔ bɔ ogua me ye yeɛ ɔbboka so ɔ!”

1 Korintofoɛ 13:4

Ɔdɔ le aboterɛ, na ye ti anu yɛ mmerɛ; ɔdɔ de, ɔtte ahoɔyea, ongyire ye nwo, na ɔmmoma ye nwo so.

1 Korintofoɛ 14:5

Mekuro kyɛ ahaa ɛmɔ amukoraa bɛkã edwudwolɛ ahoroɔ, nakoso bɔ mekuro paa ole kyɛ ɛmɔkɔhyɛ ngɔm ɔ. Ofikyɛ sona bɔ ɔhyɛ ngɔm ne, ɔyɔ sɔ fa ngɔsoɛ brɛ asɔre ne tra bɔ ɔkã edwudwolɛ ahoroɔ ɔ; sana bekyire edwirɛ ne bo koraka né asɔre ne anya ngɔsoɛ.

1 Korintofoɛ 3:21

Yiti nnɛma ebiala fa kuro sona hoahoa ye nwo, ɔnate kyɛ nikyee biala te ɛmɔ deɛ.

1 Korintofoɛ 3:3

Ofikyɛ ɛmɔ brabɔlɛ tɛte kyɛ ewiasefoɛ abrabɔ. Na aberɛ bɔ anyeboroborolɛ ne apindapinda wɔ ɛmɔ afia ye de, aso ɛhe ngyire kyɛ ɛmɔte anwoɔnaenufoɛ bɔ ɛmɔ yɔleɛ te kyɛ ewiasefoɛ ɔ?

Filipifoɛ 2:3

Nnɛma ɛmɔfa pɛsɛmangomenya anaa nduhoɛ bɛyɔ nikyee biala, na mmom ɔsɛ kyɛ ɛmɔfa anwobrɛaseɛ adwene bebu ɛmɔ mmango mɔ bɛtra ɛmɔ bɔbɔ ɛmɔ nwo.

Yakobo 4:5

Anaakyɛ ɛmɔdwene kyɛ Ahyerɛlɛ ne kã ye mbaen, kyɛ, “Ɔtwe ye sunzum bɔ ɔte yɛ nu ne nwo nungunɛ” ɔ?

Yakobo 5:9

Aliɛmaa mɔ, nnɛma ɛmɔbobɔ kwaadu betiatia ɛmɔ nwo, ná bammua ɛmɔ ndɛen. Ɛ́mɔnea, ndɛenbualɛniɛ ne ogyi anoa nu berɛ.

1 Petro 2:1

Yiti ɛ́mɔgyi bɔne yɔleɛ amukoraa, nnakannaka amukoraa, nyaatwomyɛlɛ, ɛpɔen ne nzekure amukoraa bégua.

1 Samuel 10:6

Afei AWURADE Sunzum kɔte kɔpe wɔ so, ɛne bɛ kɔbɔ nu kɔhyɛ ngɔm, na ɔkɔmaa ɛkɔsesã kɔyɛ sona foforɛ.