Numeri 11:25 - AHYERƐLƐ KRONGRON

²⁵ Yeɛ AWURADE nate munungum nu dwu wale ase, na ɔne Mose beedwudwole. AWURADE fale sunzum bɔ ɔwɔ Mose nu ne bie wurale mbanyi aburasoo nemɔ anu. Sunzum ne wale bɛ so ne, bɛhyɛle ngɔm. Nakoso ye si ye, banhyɛ ngɔm ko.

Numeri 11:25 Iomraidhean Croise

2 Ahemvo 2:15

Ngɔmhyɛlɛfoɛ fekue bɔ né bɛwɔ Yeriko ne, benwuni Elisa wɔ dedeede ne, bɛteane nu kyɛ, “Elia sunzum ate ape Elisa so.” Beeyiale Elisa, na bɛbɔle bɛ nu ase wɔ ye nyunu.

Nehemia 9:20

Ɛfale wɔ Sunzum paa ne mane bɛ kyɛ ohyirehyire bɛ mmeraa ne. Na mana bɔ ɛfa maa belili ne, anyakyi bɛ ye manɛ, yeɛ nzuhɔen ku bɛ ne, ɛmane bɛ nzue maa bɛnone.

Edwein 99:7

Odwudwo hyirele bɛ fili munungum ningɔnn ne anu. Belili ye noa dwirɛ ne nhyehyɛleɛ bɔ ɔfa mane bɛ ne aso.

Ɛksadɔso 32:32

Nakoso mesrɛ wɔ, fa bɛ bɔne kyɛ bɛ. Na sɛ wamma ye sɔ de a, nzaade kyikyi me (dumaa) fi wɔ nwomaa bɔ ahyerɛ ne anu!”

Ɛksadɔso 34:5

Na AWURADE dwu wale ase wɔ munungum nu oogyinane ye nwo berɛ, na ɔbɔle ye bɔbɔ ye dumaa YAHWE (AWURADE) ne.

Ɛksadɔso 40:38

Ofikyɛ b’ateetulɛ ne anu amukoraa, AWURADE munungum ne munduni nyianu sua ne aso alehyeleɛ nu, yeɛ alesaleɛ nu koso, né see ogye wɔ munungum ne anu bɔ Yisrael awuro ama mukoraa bɛ nye tua ɔ.

Yesaya 63:11

Na afei ɔkayele daa tete mmerɛ ne, Mose ne ye maen, na obisale kyɛ, Ye bɔ ɔyele bɛ fili ɛpo nu, bɔ ɔte ye mmoaen so neafoɛ ne, ɔwɔ nisua? Ye bɔ ɔfale ye Sunzum krongron ne ɔɔtenane bɛ nu ne, ɔwɔ nisua?

Hesekiel 8:11

Né mmienzua aburasoo bɔ bɛte Yisrael mbanyi ɔ, bɔ Safan awa Yaasania boka bɛ so ɔ begyigyi mmosoen nemɔ anyunu berɛ. Né ebiala tira ye see kulie, na ɛyɛɛ nwosina ne dwɔsole munguu.

Numeri 11:17

Ngodwu ngɔwa me ne wɔ yɛkoodwudwo wɔ berɛ, na ngɔfa sunzum bɔ ɔwɔ wɔ nu ne bie ngowura bɛ nu. Ɛne bɛ ɛmɔkɔfa mmenia ne anwo fɛɛ bɛkɔto ɛmɔ nwo so, amaa wanna wɔ ngome wɔ so.

Numeri 12:5

AWURADE nate munungum ningɔnn nu dwu wale ase, na oogyinane ɛtena sua ne anoa nu berɛ. Ɔfrɛle Aarɔn ne Miriam, na bɛ munyɔ bɛwale anyunu.

Numeri 16:25

Yiti Mose dwɔsole hɔle Datan ne Abiram berɛ. Na Yisrael mbanyi lili ye si.

Numeri 24:2

Balaam mane ye ti so, na onwuni kyɛ Yisraelfoɛ baboaboa bɛ noa mmusua kure mmusua kure. Na Nyameɛ Sunzum wale ye so,

Numeri 27:18

Na AWURADE buale Mose kyɛ, “Ye Nun awa Yosua, bɔ sunzum ne akanyane ye ne, ná fa wɔ sa gua ye so.

Asomafoɛ 11:28

Bɛ nu ko bɔ bɛfrɛ ye Agabo fale Sunzum Krongron tumi so hyɛle ngɔm kyɛ ɛhɔen pirikua bie baawa ewiase amukoraa. Sɔ hɔen ne wale Klɔdio Kaesare aberɛ so.

1 Korintofoɛ 14:32

Ngɔmhyɛlɛfoɛ sunzum mɔ wura ngɔmhyɛfoɛ nemɔ abo.

Yakobo 1:17

Akyɛdeɛ paa amukoraa ne akyɛdeɛ bɔ odi mu amukoraa fi nyameɛso, na ofi kanea Baba ne berɛ yeɛ ɔba ase ɔ. Na ye yeɛ ɔngakyi ná ɔnyɛ ye nwo kyɛ wawoɛ bɔ ɔsesã ɔ.

2 Petro 1:21

ofikyɛ ngɔmhyɛlɛ biala wamva kuro sona pɛ so wamma le, na mmom Nyameɛ mmenia krongron bedwudwole, kyɛbɔ Sunzum Krongron ne ɔkanyane bɛ ɔ.

Maenbulɛfoɛ 3:10

AWURADE Sunzum kanyane Otiniɛl, na Otiniɛl ɔɔlale Yisrael maen ne noa. Ɔhɔle koɛ, na AWURADE fale Siria hene Kusan Risatim wurale ye sa. Olili Kusan Risatim so ngonim.

1 Samuel 10:10

Na befili berɛ beedwuli Gibea nen, ngɔmhyɛlɛfoɛ kure wale beeyiale ye, na Nyameɛ sunzum wale ye so, na ɔhyɛle ye bo ɔne bɛ bɔle nu hyɛle ngɔm.