Numeri 11:23 - AHYERƐLƐ KRONGRON

²³ Na AWURADE sele Mose kyɛ, “AWURADE tumi ne, aso nikyee bie wɔ berɛ bɔ ɔngora ye yɔ ɔ? Afei ekonwu ye, sɛ me dwirɛ ne kɔwa nu kɔma wɔ anaakyɛ ɔngɔwa nu a.”

Numeri 11:23 Iomraidhean Croise

Gyenesise 18:14

Aso nikyee bie wɔ berɛ bɔ ɔyɛ se ma AWURADE hɔ ɔ? Na mmerɛ bɔ mahyɛ ne, afoɛ bieku bekye sɔa ala, ngosa ngɔwa wɔ wa, na Sara konya baa bienzua.”

2 Ahemvo 4:43

Nakoso ye somvoɛ ne bisale kyɛ, “Aso ɛhe kɔso mmenia ɛyaa ko di?” Yeɛ Elisa sa sili so kyɛ, “Fa ma mmenia ne maa beli, ofikyɛ AWURADE nwa, ‘Bekoli maa ebie kɔha.’ ”

2 Ahemvo 7:2

Yeɛ Yisrael hene safohene bɔ ode ye di paa ne sele Nyameɛ sona ne kyɛ, “Sɛ AWURADE tofitofi ewienu (ma ayuo tɔ gua ase) po a, aso ɛhe kɔhora kosi?” Nakoso Elisa buale ye kyɛ, “Ɛkɔfa wɔ nye konwu ye, nakoso engoli bie.”

Edwein 78:41

Besole Nyameɛ bɛneane mmerɛ pee, na bewurale Yisrael Krongronniɛ ne apue.

Ɛksadɔso 6:1

Na AWURADE buale Mose kyɛ, “Afei de, ɛbaanwu nikyee bɔ ngɔfa ngɔyɔ Faro ɔ. Ofikyɛ, tumi piri kɔha ye kɔme asi maa ɔkɔyakyi bɛ maa bɛkɔhɔ; tumi piri kɔha ye kɔme asi maa ɔkɔfoa bɛ kofi ye aseɛ so.”

Yesaya 50:2

Mmale ne, nzu ati yeɛ né sona biala nne berɛ ɔ? Mvrɛle ne, aso né sona biala nne berɛ bɔ okosuro ɔ? Aso me sa te tikaape bɔ ɔngɔhora ngɔpepɛ ngole ɛmɔ ɔ? Anaakyɛ, nnne tumi bɔ mefa mepepɛ mede ɛmɔ anaa? Ɛ́mɔtie, metwi ɛpo nyunu maa ɔwewe, mema asue mɔ bɛkakyi aseɛ pralaa, na ɔnate kyɛ bɛ nu naen bennya nzue ti, nzuhɔen ku bɛ maa bewu bɛporɔ.

Yesaya 59:1

Ɛ́mɔtie! AWURADE sa ɔtte tika bɔ ɔngora mbepɛ nnne ɔ, yeɛ ye so anu ɔnyɛ se bɔ ɔnde dwirɛ ɔ;

Yeremia 14:9

Nzu ati yeɛ ayɛ kyɛ ebie bɔ ye adwene ayɛ ye nwunyaenn ɔ, kyɛ katakyie bɔ ɔngora mbepɛ nne mmenia ɔ? Nakoso, ao AWURADE, ɛne yɛ yeɛ yɛte ɔ, na wɔ dumaa yeɛ ɔla yɛ so ɔ; nnɛyakyi yɛ nu!”

Yeremia 32:17

‘Ao, AWURADE Nyameɛ! Tie oo, wɔ yeɛ ele wɔ tumi piri ne wɔ tumi asaa bɔle anwuro ne aseɛ ɔ! Nikye fee nne berɛ bɔ ɔyɛ se ma wɔ ɔ;

Yeremia 32:27

“Tie, me ole AWURADE, anwoɔnaen amukoraa Nyameɛ; aso nikyee bie yɔlɛ yɛ se ma me anaa?

Hesekiel 12:25

Ofikyɛ me ole AWURADE: ngodwudwo, na edwirɛ bɔ ngɔhã ne yeɛ ɔkɔwa nu ɔ. Mengɔtwetwe me gya ase wɔ edwirɛ ne anwo. Ofikyɛ, ɛlɔenyɛlɛ abusua, ɛmɔ aberɛ so, ngɔhã edwirɛ ne, na ngɔyɔ, AWURADE Nyameɛ noa dwirɛ ɛne.”

Hesekiel 24:14

Me, AWURADE, me yeɛ mahã ɔ, na ɔkɔwa nu amba. Mengɔhwe ngosa, mengonwu anwumvoin, yeɛ mengɔsesã m’adwene. Na kyɛbɔ w’atee ne wɔ yɔleɛ te ne, so yeɛ ngogyina ngobua wɔ ndɛen ɔ, AWURADE Nyameɛ noa dwirɛ ɛne.’ ”

Daniel 6:20

Na opingyele tuin ne anwo berɛ nen, ole ahunundetelɛ teane nu frɛle Daniel, na osele Daniel kyɛ, “Daniel, Nyameɛ teasefoɛ somvoɛ ee, wɔ Nyameɛ bɔ ɛso ye daa ne, wahora wapepɛ wale wɔ wafi gyata nemɔ bɛ sa nu anaa?”

Mika 2:7

Ao Yakob boso ama, aso odi kyɛ bɛkã kyɛ, AWURADE Sunzum ne, aso olle aboterɛ anaa? Aso ye sa noa adwuma ɛhe? Aso me dwirɛ onziezie sona bɔ ye bra tengyɛ ɔ?

Numeri 11:22

Aso yɛkonya bɛ noa mmoaen ne nandwie bɔ bekohu bɛ bɛkɔma bɛ ɔ? Aso yɛkonya bɛ noa naen yɛkɔhye bɛ wɔ ɛpo nu?”

Numeri 23:19

Nyameɛ ɔtte kyɛ kuro sona, ná wapɛ anoanu, yeɛ ɔtte kyɛ dasaniɛ, ná wasesã ye adwene. Aso wahyɛ bɔ bɔ ongoli so anaa? Anaa waha edwirɛ bie bɔ ɔngɔma ɔngɔwa nu ɔ?

Mateo 19:26

Na Yesu neane bɛ haa sele bɛ kyɛ, “Sona bue nu de, ɛhe ngɔhora ngɔyɛ berɛ; nakoso Nyameɛ bue nu de, nningyein mukoraa kɔhora kɔyɛ berɛ.”

Mateo 24:35

Anwuro ne aseɛ kɔpɛ nu kɔhɔ, nakoso me dwirɛ de, ɔngɔpɛ nu le.

Luka 1:37

ofikyɛ Nyameɛ de, nikyee biala nne berɛ bɔ ɔngora nyɔ ɔ.”