Numeri 11:20 - AHYERƐLƐ KRONGRON

²⁰ na mmom ɛmɔkoli ye bosome ko mumua, kɔpem kyɛ ɔkɔfa ɛmɔ bonyi anu, ná wabɔ ɛmɔ ɔ, ofikyɛ ɛmɔapo AWURADE bɔ ɔne ɛmɔ te ne, na ɛmɔabɔ awuye wɔ ye nyunu kyɛ, ‘Nzu ati po yeɛ yɛtu yɛfili Misraim ye?’ ”

Numeri 11:20 Iomraidhean Croise

2 Samuel 12:10

Yiti ngrandɛ noa wue ngofi w’awuro le, ofikyɛ ahwi afa me dwirɛ so, yeɛ ale Hitiniɛ Yuria ɔye afa ye ayɛ ɛye.

Edwein 106:15

Ɔfale bɔ bɛpena ɔ mane bɛ, nakoso ɔtele anwonyerɛ tɛɛ guale bɛ so.

Ɛksadɔso 16:13

Odwuli nɔsoa ne, ayenzii mɔ tuli bi beeyi bɛfale asikyeleɛ ne; na aleɛ hyene ngyerɛmɔ nen, ɛborɔ guale asikyeleɛ ne anu nekaa biala.

Ɛksadɔso 16:3

Besele Mose ne Aarɔn kyɛ, “Sɛ AWURADE tumi maa yɛwuwuli Misraim aseɛ so a, ahaa ɔte paa. Berɛ de, yɛtenatenane naen kukue nwo yɛdidili yɛtele naen mane yɛ ko yili pambee. Nakoso ɛmɔafa yɛ baagua ɛserɛ so wa kyɛ bɛbaama ɛhɔen ku maen ye amukoraa.”

Ɛksadɔso 16:8

Na Mose sele kyɛ, “Nɔsoa biala, AWURADE kɔma ɛmɔ naen ma ɛmɔkoli, na ngyerɛmɔ koso, ɔkɔma ɛmɔ aleɛ ma ɛmɔ ko koyi; ofikyɛ AWURADE ate kyɛ ɛmɔpenepene bɛ komvi begua ye so. Na yɛ de, yɛ ole nwa? Nna yɛ yeɛ ɛmɔpenepene bɛ komvi begua yɛ so ɔ, na mmom AWURADE.”

Anyandera 27:7

Sona ko yi a, woɛ nyɛ ye akɔnnɔ; nakoso bɔ ɛhɔen ku ye de, aleɛ weewee biala yɛ ye fɛ.

Malaki 1:6

Baa di ɔse ni, yeɛ akoaa di ye mene ni. Na sɛ nde Seɛ de a, né nzaade m’anidie wɔ nisua? Na sɛ nde meneɛ de a, né nzaade esurolɛ bɔ besuro me ne ɔwɔ nisua? Ɛmɔ, asɔfo mɔ bɔ ɛmɔbu me dumaa animtia ɔ, bɔ Asafo AWURADE ose ɛmɔ hɔ ɛne. Nakoso ɛmɔbisa kyɛ, ‘Atee beni aso yeɛ yabu wɔ dumaa animtia ɔ?’

Numeri 11:13

Nisua yeɛ mekwaanya naen mema mmenia hemɔ amukoraa ɔ? Baasu bagua me so kyɛ, ‘Ma yɛ naen maa yɛli!’

Numeri 11:19

Ɛmɔngoli ye ɛlɛho anaa elenyɔ, anaa elennu anaa eleburu, anaa eleburanyɔ,

Numeri 11:21

Na Mose buale kyɛ, “Mmenia bɔ ndua bɛ noa ye, bɛ somaa te apee sɔ alaa ɛyaa nzia. Nakoso ɛnwa, ‘Ngɔma bɛ naen maa bekoli ye bosome ko mumua’!

Numeri 14:3

Nzu ati yeɛ AWURADE ɔfa yɛ ba aseɛ he aso maa yɛbatotɔ wɔ ngrandɛ noa ye? Yɛ ye mɔ ne yɛ mma mɔ kɔyɛ koɛ nu nzesadeɛ. Sɛ yɛsa yɛ si yɛkɔ Misraim a, aso ahaa ɔtte paa mma yɛ?”

Numeri 14:4

Yiti besisele bɛ nwo kyɛ, “Ɛ́mɔma yɛpena safohene maa oli yɛ nyunu ɔfa yɛ sá hɔ Misraim.”

Numeri 16:13

Aso ɔte edwirɛ baa kyɛ aaye yɛ afi aseɛ bɔ nyɔfonesue ne woɛ tengyɛ wɔ so ɔ so, kyɛ ɛbaahu yɛ wɔ ɛserɛ ye aso, bɔ yeɛ esa hyɛ yɛ so ɔ?

Numeri 20:4

Nzu ati yeɛ ɛmɔafa AWURADE mmenia bawa ɛserɛ ye aso maa yɛ ne yɛ nyɛmmoa mɔ yɛbaawuwu wɔ wa ye?

Numeri 21:5

Yisraelfoɛ dwudwole tiale Nyameɛ ne Mose kyɛ, “Nzu ati yeɛ ɛmɔaye yɛ bafi Misraim aseɛ so kyɛ yɛɛwuwu wɔ ɛserɛ ye aso ye? Ofikyɛ aleɛ ne nzue nne wa, na sɔ aleɛ tɛɛtɛɛ he abɔ yɛ.”

Asomafoɛ 13:41

‘Ɛmɔtie, ɛmɔ, ngorohoɛfoɛ, ɛ́mɔma ɔ́yɛ ɛmɔ nwanwa ná ɛ́mɔtu bemini; ɔnate kyɛ méyɔ adwuma bie wɔ ɛmɔ aberɛ so, adwuma bɔ sɛ ebie kã kyire ɛmɔ po a, ɛmɔngole bengoli ɔ.’ ”

1 Tɛsalonikafoɛ 4:8

Yiti ebiala bɔ ɔpo ngyerɛkyerɛ he nen, nna kuro sona yeɛ ɔpo ye ɔ, na mmom Nyameɛ bɔ wafa ye Sunzum Krongron ne wama yɛ ne.

Yosua 24:27

Na Yosua sele maen ne amukoraati kyɛ, “Ɛ́mɔtie, nyɔboɛ he yeɛ ɔte adanzeɛ ɔ, ofikyɛ wate AWURADE dwirɛ amukoraa bɔ waha wahyire yɛ ne. Na sɛ ɛmɔanni nahorɛ bamma ɛmɔ Nyameɛ a, nyɔboɛ ne kɔyɛ adanzeɛ kotia ɛmɔ.”

1 Samuel 10:19

Nakoso ɛnɛ de, ɛmɔapo ɛmɔ Nyameɛ bɔ ode ɛmɔ fi ɛmɔ amaneɛ mukoraa ne ɛmɔ anwokyere mukoraa nu ne, na ɛmɔaha bahyire ye kyɛ, ‘Daabi, si hene ma yɛ.’ Ye sɔ ne ati, ɛmɔbra beegyina AWURADE nyunu abusua kure abusua kure ne mmusua mmusua.”

1 Samuel 2:30

Yiti AWURADE Yisrael Nyameɛ nwa nyoo, ‘Nhyɛle bɔ kyɛ w’abusua ne wɔ nana abusua bekoli sɔfo bɛkɔso me daa.’ Nakoso kekesaala ye de, AWURADE nwa: ‘Mengɔma sɔ dwirɛ ne ngɔyɛ adwuma! Ofikyɛ bɛ bɔ bedi me ni ne, me koso ngoli bɛ ni, yeɛ bɛ bɔ betiatia me nyunu ne, me koso mengɔfa bɛ ngɔyɛ huu.