Numeri 11:16 - AHYERƐLƐ KRONGRON

¹⁶ Yiti AWURADE sele Mose kyɛ, “Yisrael mbanyi bɔ ɛse kyɛ bɛte mmenia ne aso mbanyi ne atitire ne, boaboa bɛ nu aburasoo noa ma me. Fa bɛ bra ɛtena sua ne anu, ná ɛne bɛ gyina berɛ.

Numeri 11:16 Iomraidhean Croise

Gyenesise 46:27

Yosef mma bɔ ɔwole bɛ wɔ Misraim nemɔ te nyɔ; Yakob ne ye awuro ama bɔ bɛwale Misraim ne amukoraa bɛte aburasoo.

Ɛksadɔso 18:25

Mose neaneane Yisraelfoɛ amukoraati nu yeyele bɛ bɔ bɛfata ɔ, na ɔbɔle bɛ panyi wɔ mmenia ne aso maa bɛlelale mmenia apee apee, ɛyaa ɛyaa, aburannu aburannu ne buru buru noa.

Ɛksadɔso 24:1

Afei Nyameɛ sele Mose kyɛ, “Fo bra AWURADE berɛ, ɛne Aarɔn, Nadabo ne Abihu, yeɛ Yisraelfoɛ nu mbanyi aburasoo, ná ɛ́mɔgyina nziɛ nziɛ bɛsɔne (me).

Ɛksadɔso 24:9

Afei Mose ne Aarɔn, Nadabo, Abihu ne Yisraelfoɛ nu mbanyi aburasoo ne hɔle bokaa ne aso.

Ɛksadɔso 4:29

Afei Mose ne Aarɔn hɔle bɛɛboaboale Yisrael mbanyi mukoraa noa.

Yeremia 19:1

Bɔ AWURADE kã ɛhe, “Kɔtɔ ngukuenwonɛniɛ ye kulie. Fa maen ne anu mbanyi ne bie ne asɔfo mbanyi nemɔ bie boka wɔ nwo so,

Hesekiel 8:11

Né mmienzua aburasoo bɔ bɛte Yisrael mbanyi ɔ, bɔ Safan awa Yaasania boka bɛ so ɔ begyigyi mmosoen nemɔ anyunu berɛ. Né ebiala tira ye see kulie, na ɛyɛɛ nwosina ne dwɔsole munguu.

Numeri 11:24

Yiti Mose fitele ɔɔfale AWURADE dwirɛ ne bɔle mmenia ne amaneɛ. Ɔboaboale maen ne anu mbanyi aburasoo noa, na ɔmaa beegyinagyinane ɛtena sua ne anwo bɛbra beyiale.

Numeri 16:25

Yiti Mose dwɔsole hɔle Datan ne Abiram berɛ. Na Yisrael mbanyi lili ye si.

Luka 10:1

Na ɛhemɔ asi ne, Awurade yele mmenia aburasoo bieku, na ɔsomane bɛ nyɔ nyɔ maa belili ye nyunu moa bɛhɔle nguro biala ne nekaa biala bɔ ye bɔbɔ ɔbaahɔ berɛ ɔ so.

Luka 10:17

Asomafoɛ aburasoo [ne nyɔ] ne besa bɛwale anigye so bɛɛbɔle amaneɛ kyɛ, “Awurade, wɔ dumaa nu, sunzummɔne mɔ po bɛbrɛle bɛ nwo ase bɛmane yɛ!”

Deuteronomi 1:15

Yiti mvale ɛmɔ mmusua kure nemɔ anu atitirefoɛ nworɛfoɛ bɔ mmenia bu bɛ ɔ, na mmɔle bɛ panyi wɔ ɛmɔ koɛhonɛfoɛ nu mmenia apee apee, ɛyaa ɛyaa, aburannu aburannu ne buru buru so, na mmane ebiemɔ koso lelale ɛmɔ mmusua ne amukoraati noa.

Deuteronomi 16:18

“Wɔ nguro amukoraati bɔ AWURADE wɔ Nyameɛ ɔ́fa ma wɔ ne, neanea nu ná yeye ndɛenbualɛfoɛ ne mbanyi fi w’abusua kure nemɔ anu, na bɛ yeɛ bɛkɔfa ndɛen bɔ ɔtengyɛ bekobu maen ne ɔ.

Deuteronomi 31:28

Ɛ́mɔma ɛmɔ abusua kure mbanyi mukoraati ne mbanyi mɔ bɛɛbɔ dwaa wɔ me nwo wa, ná nga edwirɛ he amukoraa ma bɛte, ná mvrɛ anwuro ne aseɛ ma beli adanzeɛ betia bɛ.