Numeri 11:12 - AHYERƐLƐ KRONGRON

¹² Aso me yeɛ mvale mmenia hemɔ amukoraati mmale wiase ɔ? Me yeɛ nwole bɛ ɔ, bɔ yeɛ ɛkã kyire me kyɛ, ‘Dodo bɛ kyɛbɔ baanealɛniɛ ododo adɔma bɔ otua nyɔfone noa ɔ’, ná mva bɛ ngɔ aseɛ bɔ ɛtale ndaen fa hyɛle bɛ nana mɔ bɔ ne aso ɔ?

Numeri 11:12 Iomraidhean Croise

Gyenesise 13:15

Na ngɔfa aseɛ bɔ enwu ye ne amukoraa ngɔma wɔ ne wɔ boso ama afebɔɔ.

Gyenesise 24:7

Ofikyɛ AWURADE, nyameɛso Nyameɛ bɔ ɔfale me fili me baba awuro, ɔne aseɛ bɔ bɛwole me wɔ so ne, odwudwo hyirele me, na ɔtale ndaen hyirele me kyɛ, ‘Wɔ bosofoɛ yeɛ ngɔfa sɔ aseɛ he ngɔma bɛ ɔ.’ Na ye ala yeɛ ɔkɔsoma ye abɔfo maa okoli wɔ nyunu ɔ, ná aagya braa dɔ abrɛ mma ne ɔ.

Gyenesise 26:3

Tena aseɛ ye aso kyɛ ɛwɔfoɛ, na ngogyina wɔ si na mayira wɔ; ofikyɛ ngɔfa sɔ aseɛ ye mɔ amukoraa ngɔma wɔ ne wɔ bosofoɛ na mamaa bɔhyɛ bɔ nhyɛle ɛse Abraham ne awa nu.

Gyenesise 50:24

Yeɛ Yosef sele oliɛma nemɔ kyɛ, “Mebaawu, nakoso Nyameɛ kɔɔnea ɛmɔ. Na aseɛ bɔ ɔtale ye nwo ndaen hyirele Abraham ne Yisake ne Yakob ne, ɔkɔye ɛmɔ kofi aseɛ he aso ɔkɔfa ɛmɔ kɔhɔ so.”

2 Ahemvo 10:1

Né Ahabo le mmaa mmienzua aburasoo wɔ Samaria. Yiti Yehu hyerɛle ngrataa, na ɔsomane maa bɛfa bɛhɔle Samaria bɛɛmane Yesreel nnehyeɛ, mbanyi mɔ, bɛ ne mmenia bɔ bɛnea Ahabo mma mmienzua nemɔ aso ne kyɛ,

2 Ahemvo 10:5

Yiti ahemvie berɛ neafoɛ ne, ɔne kuro berɛ amrado ne, bɛ ne kuro berɛ mbanyi ne, yeɛ bɛ bɔ bɛnea Ahabo mma nemɔ aso ne, bɛsomane maa bɛfale ngraa bɛmane Yehu kyɛ, “Wɔ ngoaa ole yɛ. Yɛkɔyɔ bɔ ekose yɛ biala. Yɛngosi ebiala hene, yɔ bɔ wɔ bɔbɔ ekuro ɔ.”

Ɛksadɔso 13:11

Na sɛ AWURADE fa wɔ kodwu Kanaanfoɛ aseɛ so, ná ɔfa ma wɔ, kyɛbɔ ɔtale ndaen hyirele wɔ ne wɔ nana mɔ ne a,

Ɛksadɔso 13:5

Na sɛ AWURADE fa wɔ kodwu Kanaanfoɛ, Hitifoɛ, Amorifoɛ, Hiwifoɛ ne Yebusifoɛ aseɛ bɔ ɔtale ndaen hyirele wɔ nana mɔ kyɛ ɔkɔfa kɔma wɔ ne aso, aseɛ bɔ nyɔfonesue ne woɛ tengyɛ wɔ so ne aso a, di aluolue he wɔ ɛsraen he anu.

Ɛksadɔso 33:1

Na AWURADE sele Mose kyɛ, “Fi ɛwa kɔ, ɛne mmenia bɔ ɛɛyele bɛ fili Misraim aseɛ so wale ne. Aseɛ bɔ ndale ndaen mva mɔle Abraham, Yisake ne Yakob anohoba kyɛ, ‘Wɔ bosofoɛ yeɛ ngɔfa ngɔma bɛ ɔ’ ne, kɔ so.

Ɛksadɔso 6:8

Aseɛ bɔ mata ndaen kyɛ ngɔfa ngɔma Abraham, Yisake ne Yakob nen, ngɔfa ɛmɔ ngɔhɔ so. Ngɔfa ngɔma ɛmɔ maa ɔkɔyɛ ɛmɔ deɛ. Me ole AWURADE.’ ”

Yesaya 40:11

Ɔkɔma ye mmoaen nemɔ aleɛ kyɛ mmoaenneafoɛ, ɔkɔfa ye sa kɔboaboa ye mmoaen mmaa nemɔ noa, ɔkɔfa bɛ kɔbɔ ye hue so, na okoli mmoaen mmrataen nemɔ anyunu ngaka ngaka.

Yesaya 49:15

“Aso brasua ye wora kɔhora kofi ɔwa bɔ otua nyɔfone noa, bɔ yeɛ ongonwu ye kunu ba anwumvoin ɔ? Yoo, sɛ sɔ mmrasua nemɔ bɛ wora fi po a, me de, me wora ngofi wɔ.

Yesaya 49:23

Ahemvo mɔ, bɛkɔyɛ wɔ baba mɔ bɔ bɛtete wɔ ɔ, yeɛ bɛ hemmaa mɔ kɔyɛ wɔ maame mɔ bɔ bɛma wɔ nyɔfone ɔ. Bɛkɔfa bɛ nyunu bekobutu ase bekobu ndwerɛ wɔ wɔ nyunu, ná batafe wɔ gya bo mvuture. Na afei ekonwu kyɛ me ole AWURADE, na bɛ bɔ bɛfa bɛ nye bɛto me so ne, bɛ nyunu ngogua ase.”

Hesekiel 34:23

Ngɔma mmoaenneafoɛ ko kɔnea bɛ so. Ye ole me somvoɛ Dawide. Ɔkɔma bɛ aleɛ, ɔkɔma bɛ aleɛ ná wayɛ bɛ so mmoaenneafoɛ.

Yohane 10:11

“Me ole mmoaenneafoɛ paa ne. Mmoaenneafoɛ paa ne, ɔfa ye ngoa to berɛ ma mmoaen ne.

1 Korintofoɛ 4:15

Na sɛ ɛmɔle foɛtulɛfoɛ apee buru wɔ Kristo nu po a, ɛmɔ baba mɔ de, bɛnzone, ofikyɛ ɔnate nzɛmba ne aso mayɛ ɛmɔ baba wɔ Yesu Kristo nu.

Galatiafoɛ 4:19

Me mma ngwadaa, mesa medi ɛmɔ nwo yealɛ kyɛ brasua bɔ aworɛ aha ye ɔ kɔpem kyɛ Kristo sue ne kɔtena ɛmɔ nu ɔ.

Deuteronomi 1:31

Ɛserɛ ne aso koso ɛmɔnwuni kyɛbɔ AWURADE ɛmɔ Nyameɛ dodole ɛmɔ, kyɛbɔ sona dodo ɔwa ɔ, wɔ atee biala bɔ ɛmɔfale so kɔpem kyɛ ɛmɔɔdwuli wa ɔ.

1 Tɛsalonikafoɛ 2:7

Nakoso mmerɛ bɔ né yɛwɔ ɛmɔ berɛ nen, yɛdwole yɛ nwo ase te kyɛ brataen bɔ ɔnea ye mma ɔ.