Numeri 11:10 - AHYERƐLƐ KRONGRON

¹⁰ Mose tele kyɛ mmusua mmusua ne anu mmenia besu, na né sona biala te ye ɛtena sua anoa nu. AWURADE fɛle yaa paa, na edwirɛ ne yɛle Mose ahomete.

Numeri 11:10 Iomraidhean Croise

Edwein 106:25

Bɛyɛle nwuhunwuhu wɔ b’ɛtena sua nemɔ anu, na bandie AWURADE dwirɛ.

Edwein 139:21

Ao AWURADE, bɛ bɔ bɛpɔ wɔ ne, aso membɔ bɛ? Na bɛ bɔ bedwɔso betia wɔ ne, aso bɛ nwo nyɛ me ahi?

Edwein 78:21

Yiti AWURADE tele sɔ dwirɛ nen, ye ahone huli paa, ye yaa sɔle kyɛ see tiale Yakob, ye ahone huli Yisrael so paa,

Edwein 78:59

Nyameɛ nwuni ye sɔ ne, ɔfɛle yaa paa, na ɔpole Yisrael koraa.

Yesaya 5:25

Yiti AWURADE fɛle ye maen so yaa piri paa, odwɔso tiale bɛ huhuni bɛ, mmokaa mɔ wosole, na bɛ fuin mɔ to petene kyɛ fofoɛ bɔ ogua dwaaso ɔ. Na ɛhemɔ amukoraa nu po ne, wanyakyi bɛ so yaafɛlɛ, na ɔtɛ dwɔso tia bɛ.

Yeremia 17:4

Na w’agyapadeɛ bɔ mva mane wɔ ne, okofi wɔ sa, na ngɔmaa ɛkɔso wɔ pɔfoɛ mɔ wɔ aseɛ bɔ ɛnze so ɔ so, ofikyɛ m’ahone bɔ wahu ne, ɛmɔasuso see begua nu maa ogye afebɔɔ ɔ.”

Numeri 11:1

Yisraelfoɛ penepenene bɛ komvi fale amaneɛ bɔ benwu ye ɔ nwo maa odwuli AWURADE nyunu. AWURADE tele, na ɔfɛle yaa paa. Yiti AWURADE see ne tɔle wɔ b’asikyeleɛ ne anu, na ɔyerale asikyeleɛ berɛ bondua ne bie.

Numeri 11:11

Yiti Mose bisale AWURADE kyɛ, “Nzu ati yeɛ ɛne w’akoaa bali ye weewee sɔa ye? Nzu ati yeɛ annwu me anwumvoin bɔ afa mmenia ne amukoraa bɛ nwo ngyeleɛ ahye me ye?

Numeri 11:9

Sɛ odwu kɔngɔen ná sɛ bosue tɔ gua asikyeleɛ ne anu a, mana koso tɔ boka so.

Numeri 12:3

Né Mose odwo tra sona biala bɔ ɔwɔ aseɛ ye aso ɔ.

Numeri 12:9

AWURADE fɛle bɛ so yaa paa, na ofili bɛ berɛ hɔle.

Numeri 16:27

Yiti bɛhwene bɛ nwo befili Kora, Datan ne Abiram b’atenaleɛ nemɔ anwo. Na Datan ne Abiram ne bɛ ye mɔ, bɛ mma mɔ, ɔne bɛ nnomaa mɔ befitele beegyinane b’ɛtena sua nemɔ anoa nu.

Numeri 21:5

Yisraelfoɛ dwudwole tiale Nyameɛ ne Mose kyɛ, “Nzu ati yeɛ ɛmɔaye yɛ bafi Misraim aseɛ so kyɛ yɛɛwuwu wɔ ɛserɛ ye aso ye? Ofikyɛ aleɛ ne nzue nne wa, na sɔ aleɛ tɛɛtɛɛ he abɔ yɛ.”

Marko 10:14

Na Yesu nwuni ye sɔ nen, wanyɛ ye fɛ, na osele bɛ kyɛ, “Ɛ́mɔma ngwadaa nemɔ ate ma bɛbra me berɛ, na nnɛma ɛmɔsi bɛ ate; ofikyɛ ɛhemɔ sɔa ye yeɛ Nyameɛ ahennie ne ɔte bɛ deɛ ɔ.

Marko 3:5

Na Yesu le ɛyaa neane bɛ bra yiale, na ɔnate b’asoserɛ ti ɔyɛle ye yea, na osele biaa ne kyɛ, “Tengyɛ wɔ sa ne anu.” Ɔtengyɛle nu, na ye sa ne yɛle paa kyɛ ye daa ne ala.

Deuteronomi 32:22

Ofikyɛ m’ahone bɔ wahu ne asɔ see, na ogye toonn kodwu ɛborɔ ye bo dɔ, ɔyera aseɛ ne so aleɛ, na ɔfa see to mmokaa mɔ bɛ nyinasoɛ nu.