Numeri 11:1 - AHYERƐLƐ KRONGRON

¹ Yisraelfoɛ penepenene bɛ komvi fale amaneɛ bɔ benwu ye ɔ nwo maa odwuli AWURADE nyunu. AWURADE tele, na ɔfɛle yaa paa. Yiti AWURADE see ne tɔle wɔ b’asikyeleɛ ne anu, na ɔyerale asikyeleɛ berɛ bondua ne bie.

Numeri 11:1 Iomraidhean Croise

Gyenesise 38:10

Na AWURADE anguro bɔ Onan yɔle ne, yiti ohuni ye koso.

2 Samuel 11:27

Olili ye kuna yiele nen, Dawide somane maa bɛɛfale ye bɛwale ye ahemvie berɛ. Ɔyɛle ɔye, na ɔne ye bɛwole baa bienzua. Nakoso AWURADE nye angye nikyee bɔ Dawide yɔle ne anwo.

2 Ahemvo 1:12

Nakoso Elia buale bɛ kyɛ, “Sɛ nde Nyameɛ sona de a, ye de see ófi nyameɛso ɔɔyera wɔ ne wɔ koɛhonɛfoɛ aburannu nemɔ.” Na Nyameɛ see fili nyameɛso ɔɔyerale safohene ne, ɔne ye koɛhonɛfoɛ aburannu nemɔ.

YOB NWOMAA NE 1:16

Ye noa wɔ so bɔ odwudwo ne, sona foforɛ wale ɔɔbɔle amaneɛ kyɛ, “Nyameɛ see afi nyameɛso watete wagua wayera mmoaen ne somvoɛ nemɔ wahũ bɛ. Me ngome twe yeɛ manya me ti madidi nu bɔ mebaabɔ wɔ amaneɛ ye.”

Edwein 106:18

See koso sɔle wɔ bɛ kure ne anu, na buruburugya ne yerale bɔnefoɛ nemɔ.

Edwein 78:21

Yiti AWURADE tele sɔ dwirɛ nen, ye ahone huli paa, ye yaa sɔle kyɛ see tiale Yakob, ye ahone huli Yisrael so paa,

Edwein 78:63

See yerale bɛ mmerandeɛ mɔ, na ye sɔ ti, bɛ ndaluwa mɔ bannya ebiala maa wangya bɛ.

Ɛksadɔso 16:7

Na ngyerɛmɔ koso ɛmɔkonwu AWURADE animnyam, ofikyɛ AWURADE anwu kyɛ ɛmɔpenepene bɛ komvi begua ye so. Na yɛ de, yɛ ole nwa bɔ ɛmɔpenepene bɛ komvi begua yɛ so ɔ?”

Ɛksadɔso 16:9

Na Mose sele Aarɔn kyɛ, “Ka kyire Yisrael ɛlɔen ne amukoraa kyɛ, ‘Ɛmɔhwe bepingye AWURADE, ofikyɛ wate kyɛ ɛmɔpenepene bɛ komvi.’ ”

Yesaya 10:17

Yisrael kanea ne kɔkakyi see, ye Krongronniɛ ne kɔkakyi see wuronyiwuronyi; na okogye kɔyera ye agurɛ ne ye mmowue nemɔ ɛlɛhomapɛ.

Yesaya 30:33

Ofikyɛ, ofi tetetete yeɛ wasiesie kumaa bɔ bɛyera fofoɛ nu ɔ, wasiesie wama Asiria hene, nu te kuronn, ɔtrɛ, na see ne eyein pee wɔ nu. Na AWURADE nwomeɛ bɔ ɔte kyɛ sɔfe bɔ ɔtengyɛ kɔ ne yeɛ ɔmaa ɔsɔ ɔ.

Yesaya 33:14

Ɛserɛ ahã bɔnefoɛ bɔ bɛwɔ Sion ɔ, ahunundetelɛ atɔ bɛ bɔ benzuro Nyameɛ ɔ so. (Bɛnwa:) “Yɛ nu nwa yeɛ ɔkɔhora ɔne see bɔ ogye wuronyiwuronyi ne bɛkɔtena ɔ? Yɛ nu nwa yeɛ ɔkɔhora ɔne see wuronyiwuronyi bɔ ogye afebɔɔ ne bɛkɔtena ɔ?”

Awuye 3:39

Nzu ati yeɛ odi kyɛ dasaniɛ ɔbɔ somoɛ wɔ ye bɔne nwo asohwenɛ nwo ɔ?

Hesekiel 20:36

Na kyɛbɔ mmuale ɛmɔ nana mɔ ndɛen ɛserɛ so wɔ Misraim aseɛ so ne, sɔ ala yeɛ ngobua ɛmɔ ndɛen ɔ, AWURADE Nyameɛ noa dwirɛ ɛne.

Lewitikɔso 10:2

See fili AWURADE berɛ ɔɔyerale bɛ ná bɛtotɔle wɔ AWURADE nyunu.

Nahum 1:5

Mmokaa nemɔ woso wɔ ye nyunu, na pambaa nemɔ behuro, aseɛ yera wɔ ye nyunu, amba, wiase ne bɔ ɔwɔ nu amukoraa.

Habakuku 3:5

Né ewue anwonyerɛ li ye nyunu, na né ɛhawo nate ye gya bo.

Numeri 10:33

Yiti besili nu befili AWURADE bokaa ne aso bɛpɛle atee bɔ bɛfa ɛlɛsa yeɛ bɛpɛ ɔ. Né AWURADE apam alaka ne li bɛ nyunu wɔ sɔ ɛlɛsa ateetulɛ ne anu kyɛ ɔkwaapena nekaa maa bɛkyekye asikyeleɛ.

Numeri 11:18

Na se mmenia ne kyɛ, ‘Ɛ́mɔyɛ ɛmɔ nwo krongron bɛfa bɛnwondɛ ɛhema, na ɛmɔkoli naen; ofikyɛ ɛmɔasu maa AWURADE ate, bɔ ɛmɔnwa: ‘Yɛpena naen yɛdi! Amba yɛwɔ Misraim ne po, né ɔte paa ma yɛ.’ Yiti AWURADE kɔma ɛmɔ naen ma ɛmɔkoli.

Numeri 12:2

Na besele kyɛ, “Aso Mose ngome yeɛ AWURADE afa ye so wadwudwo anaa? Aso yɛ koso, ɔffale yɛ so oddwudwole anaa?” Na AWURADE tele sɔ dwirɛ ne.

Numeri 14:2

Na Yisraelfoɛ amukoraa bɛpenepenene bɛ komvi beguale Mose ne Aarɔn so. Maen ne amukoraa sele bɛ kyɛ, “Sɛ yɛwuwuli wɔ Misraim aseɛ so po a, ahaa ɔte paa! Sɛ yɛwuwuli wɔ ɛserɛ ye aso po a, ahaa ɔte paa!

Numeri 14:22

mmenia ye mɔ bɔ banwu m’animnyam ne nzɛngyerɛnneɛ bɔ nyɔle ye wɔ Misraim ɛserɛ ne aso, nakoso baso me banea pɛen buru, ná bandie me dwirɛ ne,

Numeri 14:27

“Mmenia amumuyɛɛfoɛ ye, bɛkɔpenepene bɛ komvi bekogua me so maa okoodwu kyinzu? Mate Yisraelfoɛ bɛ komvi bɔ bɛpenepenene beguale me so ne.

Numeri 14:28

Se bɛ kyɛ, AWURADE nwa nyoo, ‘Kyɛ nde ase ye, edwirɛ mɔ bɔ mate kyɛ ɛmɔaha ne, sɔ ala yeɛ ngɔfa ngoli ɛmɔ ɔ.

Numeri 16:11

Yiti ɛne wɔ mmenia bɔ bɛboka wɔ so ne amukoraa, ɛmɔayɔ AWURADE nwo lɔen. Aarɔn ole nwa bɔ ɛmɔpenepene bɛ komvi begua ye so ye?”

Numeri 16:35

Na see fili AWURADE berɛ ɔɔyerale mmienzua ɛyaa nyɔ ne aburannu bɔ né bɛbɔ ɛyɛɛ afɔleɛ ne.

Numeri 17:5

Na sona bɔ ngɔneanea nu ngɔye ye ne, ye pɔmaa deɛ kɔfefɛ. Na ɔnate so ngɔma Yisraelfoɛ bɛ komvi bɔ bɛpenepene begua ɛmɔ so daa biala ne, ye bo kɔpɛ.”

Numeri 21:5

Yisraelfoɛ dwudwole tiale Nyameɛ ne Mose kyɛ, “Nzu ati yeɛ ɛmɔaye yɛ bafi Misraim aseɛ so kyɛ yɛɛwuwu wɔ ɛserɛ ye aso ye? Ofikyɛ aleɛ ne nzue nne wa, na sɔ aleɛ tɛɛtɛɛ he abɔ yɛ.”

1 Korintofoɛ 10:10

Yeɛ nnɛmɔma yɛpenepene yɛ komvi kyɛbɔ bɛ nu biemɔ yɔle ná ewue abɔfo oohuhuni bɛ ne.

Deuteronomi 25:18

kyɛbɔ bɛwale wɔ so wɔ atunu, mmerɛ bɔ né afɛ, ná ayɛ berebrɛɛ ne. Amalɛkefoɛ huhuni Yisraelfoɛ bɔ bɛhale nziɛ ne amukoraati, ofikyɛ Amalɛkefoɛ anzuro Nyameɛ.

Deuteronomi 32:22

Ofikyɛ m’ahone bɔ wahu ne asɔ see, na ogye toonn kodwu ɛborɔ ye bo dɔ, ɔyera aseɛ ne so aleɛ, na ɔfa see to mmokaa mɔ bɛ nyinasoɛ nu.

Deuteronomi 9:22

“Na ɛmɔdwuli Tabera, yeɛ afei Masa ne Kibrote Hataawa nen, ɛmɔwurale AWURADE apue mane ye ahone huli.

Hebrifoɛ 12:29

ofikyɛ yɛ Nyameɛ ne te see bɔ ɔyera nikye ɔ.

Yakobo 5:4

Ɛ́mɔtie! Apaafoɛ bɔ bɛyɔle ɛmɔ fieso adwuma ne, b’akatuaa bɔ ɛmɔnate asisie so bɛfa besiele ne, ɔtea nu; na bɛ bɔ bɛtele ɛmɔ fieso nnɔbaeɛ ne, bɛ suɛ ne waadwu Asafo Awurade so anu.

Yuda 1:16

Ɛhemɔ te mmenia bɔ bɛ kunu ndwo, somoɛbɔlɛfoɛ, bedi bɛ bɔbɔ b’akɔnnɔ si, bɛfa bɛ noa bɛhoahoa bɛ nwo, na adifuu ti bɛdɛfɛdɛfɛ mmenia.