Numeri 10:9 - AHYERƐLƐ KRONGRON

⁹ Sɛ ɛmɔ ne ɛmɔ pɔfoɛ mɔ bɔ bɛtane ɛmɔ nye bɛko koɛ wɔ ɛmɔ aseɛ ne aso a, ɛ́mɔhu totorobɛndo nemɔ maa ohyire kyɛ edwirɛ asi, amaa ɔnate so AWURADE ɛmɔ Nyameɛ waboka ɛmɔ, ná ɛmɔanya ɛmɔ ti badidi nu bafi ɛmɔ pɔfoɛ mɔ sa nu.

Numeri 10:9 Iomraidhean Croise

Gyenesise 8:1

Nakoso Nyameɛ lole Nowa ne ngaka ne nyɛmmoa mukoraa bɔ bɛ ne ye wɔ ɛlɛen alaka ne anu. Nyameɛ mane mvrama tu fale aseɛ so, na nzue ne hwene.

2 Aberɛso Dwirɛ 13:12

Ɛ́mɔtie, Nyameɛ yeɛ otua yɛ noa ɔ. Ye asɔfo nemɔ betiratira bɛ koɛ totorobɛndo bɔ behu bɛfrɛ mmenia maa yɛne ɛmɔ bako ɔ. O Yisraelfoɛ, nnɛma ɛmɔfa koɛ bɛtoa AWURADE, ɛmɔ nana mɔ Nyameɛ ne, ofikyɛ ɛmɔngɔhora bengoli ngonim.”

2 Aberɛso Dwirɛ 13:14

Yudafoɛ nemɔ pɛnene bɛ nye ne, benwuni kyɛ koɛ ne afite bɛ nyunu ne bɛ si. Yudafoɛ nemɔ sũ frɛle AWURADE, na asɔfo nemɔ huli totorobɛndo nemɔ.

Edwein 106:4

Ao AWURADE, sɛ ɛdo wɔ maen a, kaye me bie; sɛ ɛpepɛ de bɛ a, de me bie;

Edwein 106:42

Bɛ pɔfoɛ mɔ hyɛle bɛ so, na belili bɛ so tumi maa bewurale bɛ bo.

Edwein 136:23

Ye yeɛ ɔkayele yɛ wɔ mmerɛ bɔ né yɛyɛ anwumvo ne ɔ, ofikyɛ ye ɔdɔ bɔ onni ngasi ne, ɔwɔ berɛ afebɔɔ;

Yesaya 18:3

Ewiase mmenia mukoraa, ebiala bɔ ɔte aseɛ so ɔ, sɛ ɔfa frangaa pena mmokaa nemɔ aso a, ɛ́mɔnea! Sɛ ohu totorobɛndo a, ɛ́mɔtie!

Yesaya 58:1

“Tea nu serɛserɛ, nnɛkã wɔ komvi ase, ma wɔ komvi so kyɛ totorobɛndo, kã me maen ye mmeraatolɛ kyire ye, ɔne Yakob bosofoɛ bɛ bɔne kyire bɛ.

Yeremia 4:19

Me kunu tete me, me kunu tete me! Ahunundetelɛ atɔ me so. M’ahone yɛ me hwimhwim. Mengora me noa kã to nu; ofikyɛ mete totorobɛndohulɛ nga, mete koɛ nga.

Yeremia 4:21

Ɔkwaadwu kyinzu yeɛ ngonwu frangaa ne, ná ngɔte totorobɛndo nga ɔ?

Yeremia 4:5

Ɛ́mɔfa bɛ́to dwaa wɔ Yuda, ná ɛ́mɔbɔ ye dawure wɔ Yerusalem kyɛ, “Ɛ́mɔhu totorobɛndo bɛ́fa aseɛ ne aso; ɛ́mɔtea nu bɛhã kyɛ, ‘Ɛ́mɔboaboa ɛmɔ noa maa yɛhɔ nguro bɔ bato bɛ nwo fasue nemɔ aso!’

Yeremia 49:2

Yiti ɛ́mɔtie, mmerɛ bie ɔ́ba, AWURADE noa dwirɛ ɛne, bɔ ngɔmaa bɛkɔte koɛ nwo ngunga wɔ Amonfoɛ kuro Raba; ɔkɔkakyi kurofoen so sire, na bɛkɔfa see bɛkɔyera ye nwo nguraa mɔ. Na bɛ bɔ Yisrael agyapadeɛ oolili bɛ dɔ ne, Yisrael kosa kole ye nikye, AWURADE noa dwirɛ ɛne.

Yeremia 6:1

Ao Benyaminfoɛ, ɛ́mɔnwati béfi Yerusalem bɛɛbɔ ɛmɔ nwo adwaa! Ɛ́mɔhu totorobɛndo ne wɔ Tekoa, na ɛ́mɔma nwosina frangaa otu hɔ anwuro wɔ Bete Hakerem, ofikyɛ musue ne amaneɛ piri bie waye ye ti wafi sorɔ dɔ.

Yeremia 6:17

Asa koso, nyeyele awɛmvoɛ kyɛ bɛbɔ ɛmɔ kɔkɔ kyɛ, ‘Ɛ́mɔtie totorobɛndo ne hulɛ ne!’ Nakoso bɛnwa, ‘Yɛngotie.’

Hesekiel 7:14

“Bahu totorobɛndo ne basiesie nikyee biala yé de, nakoso ebiala ngɔhɔ koɛ, ofikyɛ m’ahone ahu b’anwonya ne amukoraa so.

Hosea 5:8

Ɛ́mɔhu awɛen wɔ Gibea, yeɛ ɛ́mɔhu totorobɛndo wɔ Rama. Ɛ́mɔbɔ dawure wɔ Bete Awen, yɛli wɔ si, ao Benyamin.

Lewitikɔso 23:24

“Ka kyire Yisraelfoɛ kyɛ, Bosome bɔ ɔtɔ so nzoo ne, ye kyẽa bɔ oli moa ne, ɛ́mɔma ɔ́yɛ afofikyẽa bɔkɔɔ ma ɛmɔ; ɛ́mɔfa totorobɛndohulɛ béyia nyianu krongron.

Amose 3:6

Aso behu totorobɛndo wɔ kuro so, bɔ ɛserɛ nga berɛ ama ɔ? Aso amaneɛ to kuro, bɔ nna AWURADE yeɛ wamaa wawa ɔ?

Sefania 1:16

totorobɛndohulɛ ne koɛ nu ndeateamuɛ kyẽa bɔ ɔ́ba nguro bɔ bato bɛ nwo fasue ɔne abandenden ndendenn mɔ so ɔ.

Numeri 31:6

Mose somane bɛ maa bɛhɔle koɛ ne; abusua kure biala anu mmenia apee ko. Né ɔsɔfo Eleasa awa Finehase boka bɛ so. Né ye yeɛ otira nekaa krongron berɛ ndalie nemɔ ɔne totorobɛndo mɔ bɔ bɛfa bɛbɔ ese ne ɔ.

1 Korintofoɛ 14:8

Na sɛ behu totorobɛndo ná nu anna berɛ yé a, nwa yeɛ okosiesie ye nwo kɔhɔ koɛ ɔ?

Deuteronomi 20:1

“Sɛ ɛne wɔ pɔfoɛ mɔ bɛkwaaho koɛ, ná sɛ enwu mbɔngɔ mɔ ne teaseɛnam mɔ, ɔne ɛlɔen bɔ bɛsone bɛtra wɔ a, nnɛsuro bɛ; ofikyɛ AWURADE wɔ Nyameɛ bɔ ɔyele wɔ fili Misraim aseɛ so wale ne, ogyi wɔ si.

Yosua 6:5

Sɛ behu boaen mmɛen ne anu tendetende ko, ná sɛ ɛmɔte totorobɛndo ne nga pɛ a, ɔsɛ kyɛ mmenia ne amukoraati bɛbɔ ese serɛserɛ. Kuro ne anwo fasue kodwiri kogua gyirigorɔɔ, na ɛmɔ amukoraati bɛ́hɔ bɛ nyunu tee beewura kuro ne anu.”

Maenbulɛfoɛ 10:12

Sidonfoɛ, Amalɛkefoɛ yeɛ Mayɔnfoɛ koso bɛhyɛle ɛmɔ so, ná ɛmɔsu bɛfrɛle me ne, nnele ɛmɔ mvili bɛ sa nu.

Maenbulɛfoɛ 10:8

Bemiane Yisraelfoɛ nu, na bɛhyɛle bɛ so sɔ afoɛ ne. Yisraelfoɛ amukoraa bɔ né bɛwɔ asue Yɔɔdan si dɔ, wɔ Amorifoɛ aseɛ bɔ ɔwɔ Gileade so ne, Filistifoɛ hyɛle bɛ so afoɛ buru ne mmɔtwɛ.

Maenbulɛfoɛ 2:18

Mmerɛ biala, sɛ né AWURADE ye maenbulɛfoɛ ma bɛ a, AWURADE gyina maenbulɛfoɛ nemɔ si. Na mmerɛ amukoraa bɔ maenbulɛniɛ ne te ase ne, AWURADE de bɛ fi bɛ pɔfoɛ mɔ sa nu. Ofikyɛ ndaneanyeɛ ne nhyɛsoɛ bɔ bɛ pɔfoɛ nemɔ fa di bɛ ne, aworabɔlɛ bɔ ɔmaa bedi ne, AWURADE fa ye nye to, na onwu bɛ anwumvoin.

Maenbulɛfoɛ 3:27

Odwuli berɛ ne, ohuli totorobɛndo ne wɔ Efraim mmokaa aseɛ ne aso. Na Yisraelfoɛ ne Ehude bɛtorotorole befili mmokaa aseɛ ne aso, bɔ né Ehude ɔla bɛ noa ɔ.

Maenbulɛfoɛ 6:34

Nakoso AWURADE Sunzum wale Gideon so, na ohuli totorobɛndo ne fa frɛle Abiesefoɛ amukoraa maa belili ye si.

Maenbulɛfoɛ 6:9

Nnele ɛmɔ mvili Misraimfoɛ sa nu, ɔne bɛ bɔ né bɛhyɛ ɛmɔ so amukoraa bɛ sa nu. Afei mvoane bɛ mvili ɛmɔ nyunu na mvale b’aseɛ mmane ɛmɔ.

1 Samuel 10:18

na osele bɛ kyɛ, “AWURADE Yisrael Nyameɛ nwa nyoo, ‘Me yeɛ nyele Yisrael mvili Misraim ɔ. Mbepɛ nnele ɛmɔ mvili Misraimfoɛ sa nu, ɔne ahennie amukoraa bɔ né bɛhyɛ ɛmɔ so ne sa nu.’