Numeri 10:33 - AHYERƐLƐ KRONGRON

³³ Yiti besili nu befili AWURADE bokaa ne aso bɛpɛle atee bɔ bɛfa ɛlɛsa yeɛ bɛpɛ ɔ. Né AWURADE apam alaka ne li bɛ nyunu wɔ sɔ ɛlɛsa ateetulɛ ne anu kyɛ ɔkwaapena nekaa maa bɛkyekye asikyeleɛ.

Numeri 10:33 Iomraidhean Croise

Edwein 95:11

Yiti mvɛle yaa ndale ndaen kyɛ, “Bengowura me nwomelelɛ ne anu bie.”

Ɛksadɔso 19:3

Mose fo hɔle Nyameɛ berɛ. AWURADE frɛle ye fili bokaa ne aso sele ye kyɛ, “Edwirɛ he yeɛ ka kyire Yakob bosofoɛ ɔ. Ka kyire Yisraelfoɛ kyɛ,

Ɛksadɔso 3:1

Né Mose yeɛ ɔnea ye sia Yɛtro, bɔ ɔte Midian sɔfo ne mmoaen so ɔ. Ɛlɛho bie, ɔhane mmoaen ne hɔle dedeede wɔ ɛserɛ ne noa dɔ paa, na oodwuli Nyameɛ bokaa Horebo nye abo.

Yesaya 11:10

Sɔ kyẽa ne, Yese ndii ne kogyina berɛ kɔyɛ frangaa kɔma maen ne; maen maen kɔpena ye si atee, na nekaa bɔ ɔte ne kɔyɛ animnyam nekaa.

Yesaya 28:12

Maen he yeɛ osele ye kyɛ, “Ɛhe te nwomelelɛ, Ɛ́mɔma bɛ bɔ bafɛ ne bele bɛ nwome; ɛwa te nekaa bɔ ɔte asomdwee ɔ.” Nakoso bandie ye dwirɛ ne.

Yesaya 66:1

AWURADE nwa nyoo: “Nyameɛso te m’ahennie bia, yeɛ aseɛ te me gya ndiasoɛ; nzikyɛ sua koraa yeɛ ɛmɔkosi bɛkɔma me ɔ, nisua yeɛ ngole me nwome ɔ?

Yeremia 3:16

Na ɔkɔwa kyɛ, sɛ ɛmɔta pee ná ɛmɔsone wɔ aseɛ ne aso sɔ mmerɛ ne anu a, ye de bɛngɔhɔ so bɛngɔhã kyɛ, ‘AWURADE apam alaka ne.’ Ɔngɔwa bɛ ti anu, bɛngɔkaye, bɛngɔdwenedwene ye nwo, yeɛ bɛngɔyɛ ye foforɛ ko, AWURADE noa dwirɛ ɛne.

Yeremia 31:2

AWURADE nwa nyoo: Bɛ bɔ benyane bɛ ti bedidili nu befili ngrandɛ noa ne, benyane adom wɔ ɛserɛ so, mmerɛ bɔ mmane Yisrael nyane ye nwome lele ne.

Yeremia 6:16

Bɔ AWURADE kã hɔ ɛhe: “Ɛ́mɔgyina atee nemɔ aso, ná ɛ́mɔnea; ɛ́mɔbisa bɛ́pena tete atimbire nemɔ, nekaa bɔ atee paa ne la ne, ná ɛ́mɔfa so, amaa ɔnate so ɛmɔanya nwomelelɛ bama ɛmɔ kra. Nakoso bɛnwa, ‘Yɛngɔfa so.’

Hesekiel 20:6

Na sɔ kyẽa ne, ndale ndaen ngyirele bɛ kyɛ ngɔye bɛ ngofi Misraim aseɛ so ngɔfa bɛ ngɔhɔ aseɛ bɔ mapena mato berɛ mama bɛ ne aso, aseɛ bɔ nyɔfonesue ne woɛ tengyɛ wɔ so, aseɛ bɔ ɔyɛ nyemene tra aseɛ biala ne.

Numeri 10:12

Afei Yisraelfoɛ sili nu kure kure fili Sinai ɛserɛ ne aso, na munungum ne oogyinane Paran ɛserɛ ne aso.

Deuteronomi 1:33

Ye bɔ olili ɛmɔ nyunu wɔ atunu penane nekaa bɔ ɛmɔsi ɛmɔ asikyeleɛ ɔ, wɔ see nu kɔngɔen fa hyirele ɛmɔ atee bɔ ɛmɔfa so ɔ, ɔne munungum nu koso eyia.

Deuteronomi 31:26

“Ɛ́mɔle mmeraa nwomaa he, ná ɛ́mɔfa bɛ́to AWURADE ɛmɔ Nyameɛ apam alaka ne anwo. Maa ɔla berɛ oli adanzeɛ tia wɔ.

Deuteronomi 9:9

Na mmerɛ bɔ mvo ngɔle bokaa ne aso kyɛ mekwaale nyɔboɛ taataa ne, nyɔboɛ bɔ AWURADE apam bɔ ɔne ɛmɔ yɛle wɔ so nen, nnili bokaa ne aso eleburanna, eyia ne kɔngɔen. Mannidi, yeɛ manno hwee.

Hebrifoɛ 13:20

Asomdwee Nyameɛ bɔ ɔnate apam bɔ ɔwɔ berɛ afebɔɔ mogya ne aso tingyele y’Awurade Yesu bɔ ɔte Mmoaenneafoɛ panyi ne fili awufoɛ nu ne,

Yosua 4:7

ɛmɔhã behyire bɛ kyɛ, Yɔɔdan nu nzue pɛle wɔ AWURADE apam alaka ne nyunu. Mmerɛ bɔ né apam alaka ne ɔ́pɛ asue Yɔɔdan nen, Yɔɔdan nu nzue pɛle. Yiti sɔ nyɔboɛ hemɔ te ngayeɛ afebɔɔ ma Yisraelfoɛ.”

Maenbulɛfoɛ 20:27

Na Yisraelfoɛ bisale AWURADE dwirɛ (ofikyɛ sɔ mmerɛ ne, né Nyameɛ apam alaka ne wɔ berɛ,

1 Samuel 4:3

Na mmerɛ bɔ Yisrael koɛhonɛfoɛ nemɔ sa wale b’asikyeleɛ ne anu ne, bɛ mbanyi mɔ bisale kyɛ, “Nzu ati yeɛ AWURADE amaa ɛnɛ yali ngoguo wɔ Filistifoɛ nyunu ye? Ɛ́mɔma yɛɛfa AWURADE apam alaka ne yɛfi Silo yɛbra, ná ɔɔtena yɛ nu ole yɛ fi yɛ pɔfoɛ mɔ sa nu.”