Numeri 10:29 - AHYERƐLƐ KRONGRON

²⁹ Mose sele Midianniɛ Rewel bɔ yeɛ ɔte ye sia bienzua ne, ɔwa Hobabo kyɛ, “Yɛtu yɛkɔ nekaa bɔ AWURADE aha ye nwo dwirɛ kyɛ, ‘Ngɔfa ngɔma ɛmɔ’ ne. Ɛne yɛ hɔ, na yɛkɔnea wɔ yé; ofikyɛ AWURADE ahyɛ Yisrael bɔ kyɛ ɔkɔmaa okoyie ye yé.”

Numeri 10:29 Iomraidhean Croise

Gyenesise 12:7

Na AWURADE yele ye nwo ali hyirele Abram, na osele kyɛ, “Wɔ bosofoɛ yeɛ ngɔfa sɔ aseɛ he ngɔma bɛ ɔ.” Yiti Abram sili afɔleɛ bokyea berɛ mane AWURADE bɔ ɔyele ye nwo ali hyirele ye ne.

Gyenesise 13:15

Na ngɔfa aseɛ bɔ enwu ye ne amukoraa ngɔma wɔ ne wɔ boso ama afebɔɔ.

Gyenesise 15:18

Na sɔ kyẽa ne ala, AWURADE ne Abram yɛle apam, na ɔhane kyɛ, “Wɔ boso ama yeɛ méfa sɔ aseɛ he méma bɛ ɔ: ofi Misraim asue noa bɔ ɔkwaadwu asue piri Yufreti noa,

Gyenesise 17:8

Ngɔfa aseɛ bɔ aayɛ so wɔfoɛ ne, yeɛ Kanaan aseɛ mukoraa ngɔma wɔ ne kyẽa bie wɔ boso ama maa ɔkɔyɛ ɛmɔ deɛ afebɔɔ; na ngɔyɛ bɛ Nyameɛ”

Gyenesise 32:12

Nakoso aha kyɛ, ‘Ngogyina wɔ si, na ngɔma wɔ bosofoɛ kɔsone kyɛ mboanoa anweaa bɔ bɛngora ye ka ɔ.’ ”

Edwein 100:1

Aseɛ amukoraa, ɛ́mɔfa ahurusi bɛ́bɔ AWURADE nwo ese.

Edwein 34:8

Ao, baafa wɔ nwo bɔ AWURADE nea, na ekonwu kyɛ AWURADE te paa; sona bɔ ɔnwati ɔkɔfea ye nu ne, onya saleɛ.

Edwein 95:1

Ɛmɔbra maa yɛto dwein yɛye AWURADE ayɛ; ɛ́mɔma yɛ́fa ahurusi yɛ́bɔ yɛ ngoalelɛ nyɔbotaen ne nwo ese!

Ɛksadɔso 18:1

Midian sɔfo Yɛtro, bɔ ɔte Mose sia bienzua ne, ɔtele bɔ Nyameɛ ayɔ amukoraa ama Mose ne ye maen Yisrael, ɔne kyɛbɔ AWURADE asi aye Yisrael afi Misraim ɔ.

Ɛksadɔso 18:12

Na Yɛtro, bɔ ɔte Mose sia bienzua ne, ɔfale naen yeralɛ afɔleɛ ne afɔleɛ ahoroɔ brɛle Nyameɛ. Na Aarɔn ne Yisrael mbanyi amukoraa wale, na bɛ ne Mose sia bienzua ne bedidili wɔ Nyameɛ nyunu.

Ɛksadɔso 18:27

Afei Mose guale ye sia ne ate, na ye sia ne hɔle ye bɔbɔ ye maen nu.

Ɛksadɔso 2:18

Na besa bɛwale bɛ baba Rewel berɛ nen, obisale bɛ kyɛ, “Nzu ati yeɛ ɛnɛ de ɛmɔawa ndɛ sɔa ye?”

Ɛksadɔso 2:21

Mose penene so ɔne biaa ne bɛtenane, na ɔfale ɔwa brasua Sipora mane Mose gyale.

Ɛksadɔso 3:1

Né Mose yeɛ ɔnea ye sia Yɛtro, bɔ ɔte Midian sɔfo ne mmoaen so ɔ. Ɛlɛho bie, ɔhane mmoaen ne hɔle dedeede wɔ ɛserɛ ne noa dɔ paa, na oodwuli Nyameɛ bokaa Horebo nye abo.

Ɛksadɔso 3:8

Na madwu mawa ase kyɛ mebaale bɛ mefi Misraimfoɛ sa nu, ná meye bɛ mefi sɔ aseɛ ne aso mekɔ aseɛ paa bɔ ɔtrɛ ɔ so, aseɛ bɔ nyɔfonesue ne woɛ tengyɛ wɔ so ne: Kanaanfoɛ, Hitifoɛ, Amorifoɛ, Perisifoɛ, Hiwifoɛ ne Yebusifoɛ maen ne.

Ɛksadɔso 6:4

Mene bɛ koso yɛyɛle m’apam, kyɛ ngɔfa Kanaan aseɛ bɔ bɛɛtenane so bɛyɛle ɛwɔfoɛ ne ngɔma bɛ.

Yesaya 2:3

Na mmenia pee bɛkɔwa bɛkɔɔhã kyɛ, “Ɛmɔbra ma yɛfo yɛhɔ AWURADE bokaa ne aso, ɛ́mɔma yɛhɔ Yakob Nyameɛ awuro ne anu, amaa ɔnate so wahyirehyire yɛ ye atee ne, ná yanate ye atimbire ne aso.” Ofikyɛ Sion yeɛ mmeraa ne kofi kɔwa ɔ, na Yerusalem yeɛ AWURADE dwirɛ ne kofi kɔwa ɔ.

Yeremia 50:5

Bekobisa atee bɔ ɔkɔ Sion, bɔ bɛ nye kyire dɔ ɔ. Na bɛkɔhã kyɛ, ‘Ɛmɔbra maa yɛfa yɛ nwo yɛɛbata AWURADE, wɔ apam bɔ ɔwɔ berɛ afebɔɔ, bɔ yɛ wora ngofi ye le ɔ nu.’

Numeri 10:28

Mmerɛ biala, sɛ né Yisraelfoɛ betu bɛ bo befi asikyeleɛ ne anu a, bɛ koɛhonɛfoɛ kure kure nemɔ, sɔ nhyehyɛleɛ ne yeɛ né begyina so bɛfa bɛkɔ ɔ.

Numeri 23:19

Nyameɛ ɔtte kyɛ kuro sona, ná wapɛ anoanu, yeɛ ɔtte kyɛ dasaniɛ, ná wasesã ye adwene. Aso wahyɛ bɔ bɔ ongoli so anaa? Anaa waha edwirɛ bie bɔ ɔngɔma ɔngɔwa nu ɔ?

Asomafoɛ 7:5

Nyameɛ amva aseɛ ne nekaa biala wamma Abraham bɔ okyire kyɛ ye deɛ ɔ, aseɛ agyirɛ ko po wamma ye; nakoso Nyameɛ bɔle ye anohoba kyɛ ɔkɔfa kɔma ye, na ɔkɔyɛ ye ne ye bosofoɛ deɛ, ɔwɔ nu kyɛ né onnya ɔwwole baa biala.

Deuteronomi 30:5

AWURADE wɔ Nyameɛ kɔfa wɔ kɔwa aseɛ bɔ wɔ nana mɔ nyane ye ne aso, na wɔ sa kɔha ye. Nyameɛ kɔmaa okoyie wɔ yé kɔtra wɔ nana mɔ, na ɛkɔta pee kɔtra bɛ.

Deuteronomi 4:40

Ye sɔ ne ati, di ye ahyɛdeɛ ne ye mmeraa dwirɛ bɔ méhyehyɛ méma wɔ ɛnɛ kyẽa ye aso, amaa ɔnate so wayie wɔ ne wɔ bosofoɛ yé, ná atena aseɛ bɔ AWURADE wɔ Nyameɛ ɔ́fa ma wɔ afebɔɔ ne aso ahyɛ.”

Tito 1:2

daa ngoa nwo anyelasoɛ nu, ngoa bɔ Ɛdangama Nyameɛ bɔ ɔmbɛ ngondombo ne ɔfa hyɛle bɔ koraka yeɛ ɔbɔ aleɛ ɔ;

Hebrifoɛ 6:18

Yiti ɔnate nningyein nyɔ bɔ ɔnzesã, bɔ okyire kyɛ Nyameɛ ngɔhora ngɔpɛ ngondombo ne wamaa yɛ bɔ yanwati yaafea ye nu ne yanya nguraenhyɛlɛ mmorosoɛ, na yasɔ anyelasoɛ bɔ ɔla yɛ nyunu ne anu yé.

Nyekyire 22:17

Na Sunzum ne ne atɔmvorɛ braa ne nwa, “Bra!” Ma ebiala bɔ ɔte ne ɔhã kyɛ, “Bra!” Ma ebiala bɔ nzuhɔen ku ye ne ɔbra. Ma ebiala bɔ okuro ne oole ngoa nzue ne mbaen.

Maenbulɛfoɛ 1:16

Mose sia bienzua Hobabo bɔ ɔte Keniniɛ ne, ye boso ama mɔ, bɛ ne Yuda boso ama befili ayee kuro ne anu bɛhɔle Yuda ɛserɛ ne aso. Ɛserɛ ne wɔ ngwaen dɔ aseɛ bɔ opingye Arade ne aso. Bɛ ne Amalɛkefoɛ bɛɛtenane.

Maenbulɛfoɛ 4:11

Né Keniniɛ Heberi wate ye nwo wafi Kenifoɛ ngaa nemɔ anwo. Kenifoɛ bɛte Mose sia bienzua Hobabo ye boso ama, na né bakyekye b’asikyeleɛ maa waadwu Elon Besananim, bɔ opingye Kedese ne.

1 Samuel 15:6

Na Sɔɔlo sele Kenifoɛ kyɛ, “Ɛmɔhɔ! Ɛ́mɔfi Amalɛkefoɛ mɔ nu bɛ́nwati bɛ́hɔ, ná mangu ɛmɔ mamvra bɛ. Ɔnate kyɛ, mmerɛ bɔ né Yisraelfoɛ befi Misraim bɛ́ba ne, ɛmɔyɔle bɛ mukoraa paa.” Yiti Kenifoɛ fili Amalɛkefoɛ nu bɛnwati bɛhɔle.