Numeri 10:2 - AHYERƐLƐ KRONGRON

² “Boro ɛdwetɛ fa yɔ totorobɛndo nyɔ bɔ ɛkɔfa kɔfrɛ maen ne maa bɛkɔbɔ dwaa, ná asa ahu amaa batu bɛ bo bafi asikyeleɛ ne anu ɔ.

Numeri 10:2 Iomraidhean Croise

2 Ahemvo 12:13

Nakoso AWURADE awuro ne anu ayaa bɔ bafa ɛdwetɛ bayɔ ɔ nemɔ, akapɛ bɔ bɛfa bɛtengyɛtengyɛ kanea nyamaa nemɔ, turonzemaa nemɔ, totorobɛndo nemɔ anaa nikyee biala bɔ bafa esikaa kɔkorɛ anaa ɛdwetɛ bayɔ ɔ de, bamva esikaa bɔ bɛfa bɛwale AWURADE awuro ne bie bandɔ,

2 Aberɛso Dwirɛ 5:12

na né Lewifoɛ bɔ bɛte edweintolɛfoɛ, bɔ bɛ ole Asafe, Heman ne Yedutun ne, bɛ ne bɛ mma ne bɛ sasofoɛ, baherahera nwera nyemene, bɔ bɛbɔ firikyiwa, adengum ne sangoo ɔ. Né begyigyi afɔleɛ bokyea ne, ye eyia afiteleɛ so, bɔ asɔfo totorobɛndohulɛfoɛ ɛyaa ko aburanyɔ boka bɛ so ɔ.)

Edwein 81:3

Ɛmɔhu totorobɛndo wɔ ɛsraen foforɛ aluolue ne, mmerɛ bɔ ɛsraen kɔyɛ mumua ne, wɔ y’aluolue kyẽa ne.

Edwein 89:15

Maen bɔ bɛse ayɛyelɛ nwo esebɔlɛ ne, benya saleɛ; bɛ yeɛ bɛnate wɔ nyunu hyireinn ne anu ɔ.

Ɛksadɔso 25:18

Yɔ kɛrubim nyɔ siesie mbata bia ne ye ti ne ye ti; sikaa kɔkorɛ bɔ afa buralɛ aboro yeɛ fa yɔ ɔ.

Ɛksadɔso 25:31

Fa sikaa kɔkorɛ paa yɔ kanea bakaa. Fa sikaa kɔkorɛ paa bɔ bafa buralɛ baboro ɔ yɔ ye nyinasoɛ ne ye bakaa mumua ne. Ma ye kulie mɔ, ye mmaen mɔ, ye sa mɔ, yeɛ ye nyerɛen nemɔ béfi sɔ sikaa kɔkorɛ kundunzii komapɛ ne ala nu.

Yesaya 1:13

Ɛmɔ afɔleɛ mbaen mbaen ne, nnɛma ɛmɔfa bɛba ko, ɛyɛɛ ne te m’akyiwadeɛ. Ɛsraen foforɛ ne afofikyẽa aluolue ne, ɔne ɛmɔ dwaabɔlɛ ne, nyianu krongron ne po, ɔte amumuyɛɛ, mengɔhora ngɔgyegye so.

Yeremia 4:5

Ɛ́mɔfa bɛ́to dwaa wɔ Yuda, ná ɛ́mɔbɔ ye dawure wɔ Yerusalem kyɛ, “Ɛ́mɔhu totorobɛndo bɛ́fa aseɛ ne aso; ɛ́mɔtea nu bɛhã kyɛ, ‘Ɛ́mɔboaboa ɛmɔ noa maa yɛhɔ nguro bɔ bato bɛ nwo fasue nemɔ aso!’

Hosea 8:1

“Fa totorobɛndo ne tua wɔ noa! Ɔkɔyɛ kyɛ kɔleɛ kɔwa AWURADE awuro ne aso, ofikyɛ babu m’apam ne aso, na bato me mmeraa ne.

Yoel 1:14

Ɛ́mɔyɛ akɔngyere krongron, ɛ́mɔyɛ nyianu krongron. Ɛ́mɔboaboa mbanyi ne aseɛ ne aso mma amukoraa bɛ noa wɔ AWURADE ɛmɔ Nyameɛ awuro, ná ɛ́mɔsu bɛfrɛ AWURADE.

Yoel 2:1

Ɛ́mɔhu totorobɛndo wɔ Sion, ɛ́mɔbɔ ese wɔ me bokaa krongron ne aso! Aseɛ ne aso ama amukoraa, odi kyɛ ɛmɔma ɛmɔ nwo wosowoso ɛmɔ, ofikyɛ AWURADE kyẽa ne ɔ́ba, na wapingye.

Numeri 10:1

AWURADE sele Mose kyɛ,

Numeri 10:7

Nakoso sɛ odi kyɛ maen ne amu bɛbɔ dwaa a, ye de ɛ́mɔhu, nakoso nnɛma ɛ́mɔhu maa okyire kyɛ edwirɛ asi.

Ɛfesofoɛ 4:5

Awurade komapɛ, gyidie komapɛ, asubɔlɛ komapɛ;