Numeri 10:12 - AHYERƐLƐ KRONGRON

¹² Afei Yisraelfoɛ sili nu kure kure fili Sinai ɛserɛ ne aso, na munungum ne oogyinane Paran ɛserɛ ne aso.

Numeri 10:12 Iomraidhean Croise

Gyenesise 14:6

na bɛɛbole Horifoɛ wɔ bɛ bokaa Sɛre so toonn beedwuli Ɛl Paran bɔ opingye ɛserɛ so ne.

Gyenesise 21:21

Ɔtenane Paran ɛserɛ so, na oni oogyale braa fili Misraim aseɛ so mane ye.

1 Ahemvo 11:18

Besili nu befili Midian beedwuli Paran. Bɛfale mmenia bɛbokale bɛ nwo so befili Paran beedwuli Misraim hene Faro berɛ wɔ Misraim. Faro mane Hadade nekaa maa ɔtenane. Ɔmane ye ye noa aleɛ daa daa, na ɔmane ye aseɛ koso.

Ɛksadɔso 13:20

Betuli bɛ bo befili Sukote, na beesikyele Etam, wɔ ɛserɛ ne noa.

Habakuku 3:3

Nyameɛ fi Teman wale, amba, Krongronniɛ ne fi bokaa Paran so wale. Sela Ye animnyam katale nyameɛso, yeɛ ye nwo ayɛyelɛ yili aseɛ so tɛkyɛ.

Numeri 1:1

Yisraelfoɛ tu fili Misraim aseɛ so ne asi, ye afoɛ bɔ ɔtɔ so nyɔ ne anu, bosome bɔ ɔtɔ so nyɔ, ye kyẽa bɔ oli moa ne, AWURADE sele Mose wɔ ɛtena sua atenaleɛ ne anu wɔ Sinai ɛserɛ ne aso kyɛ,

Numeri 10:33

Yiti besili nu befili AWURADE bokaa ne aso bɛpɛle atee bɔ bɛfa ɛlɛsa yeɛ bɛpɛ ɔ. Né AWURADE apam alaka ne li bɛ nyunu wɔ sɔ ɛlɛsa ateetulɛ ne anu kyɛ ɔkwaapena nekaa maa bɛkyekye asikyeleɛ.

Numeri 12:16

Ɛhe asi ye, mmenia ne tuli bɛ bo fili Haserote, na bɛɛkyekyele asikyeleɛ wɔ Paran ɛserɛ ne aso.

Numeri 13:26

Bɛwale Mose ne Aarɔn ɔne Yisrael maen amukoraa berɛ wɔ Kadese bɔ ɔwɔ Paran ɛserɛ ne aso ne. Bɛfale amaneɛ bɛɛbɔle bɛ ne maen ne amukoraa, na bɛfale aseɛ ne aso mmakaammaa ne behyirele bɛ.

Numeri 13:3

Yiti Mose somane bɛ fili Paran ɛserɛ ne aso, kyɛbɔ AWURADE hyɛle ye ne. Né bɛ nu biala te Yisraelfoɛ nu sona titire.

Numeri 2:34

Na Yisraelfoɛ yɔle kyɛbɔ AWURADE hyɛle Mose ne ala. Bɛkyekyele asikyeleɛ kure kure; na sɔ ala koso yeɛ besili nu ɔ. Ebiala li ye abusua nu, kyɛbɔ bɛ nana mɔ sasofoɛ te ɔ.

Numeri 9:1

Yisraelfoɛ tu fili Misraim aseɛ so ne asi, bosome bɔ oli moa wɔ afoɛ bɔ ɔtɔ so nyɔ ne anu, AWURADE sele Mose wɔ Sinai ɛserɛ ne aso kyɛ,

Numeri 9:17

Mmerɛ biala bɔ munungum ne kɔma ye nwo so kofi ɛtena sua ne aso ne yeɛ Yisraelfoɛ betu bɛ bo ɔ; na nekaa biala bɔ munungum ne kogyina ne, berɛ yeɛ Yisraelfoɛ fa yɛ b’asikyeleɛ ɔ.

Numeri 9:5

Belili Abɔtra aluolue ne wɔ bosome bɔ oli moa ne anu, wɔ ye kyẽa bɔ ɔtɔ so buru ne nna ne aso. Aleɛ dwole ne, belili ye wɔ Sinai ɛserɛ ne aso. Kyɛbɔ AWURADE hyɛle Mose ne, sɔ ala yeɛ Yisraelfoɛ lili ye ɔ.

Deuteronomi 1:1

Edwirɛ bɔ Mose hã hyirele Yisraelfoɛ amukoraati wɔ asue Yɔɔdan si, wɔ ɛserɛ ne aso ɛhe. Né bɛ nye kyire Sufe aseɛ frɛtɛɛ, bɔ ɔwɔ Paran, Tofel, Laban, Haserote ne Disahabo b’afia ne.

Deuteronomi 1:19

Na yɛtuli yɛ bo yɛfili Horebo yɛɛfale sɔ ɛserɛ pirikua suronyisuronyi bɔ ɛmɔnwuni ye ne amukoraa aso, wɔ atee bɔ ɔkɔ Amorifoɛ mmokaa aseɛ ne aso ne, kyɛbɔ AWURADE yɛ Nyameɛ hyɛle yɛ nen, kɔpem kyɛ yɛɛdwuli Kadese Banea ɔ.

Deuteronomi 1:7

Ɛ́mɔtu ɛmɔ bo bɛ́toa ɛmɔ ateetulɛ ne aso, ná ɛmɔhɔ Amorifoɛ mmokaa aseɛ ne aso dɔ, ɔne mbɔtam berɛ mɔ: mekyire Araba ne anu, mmokaa aseɛ ne aso, ɔne kongonyi nemɔ anu, ngwaen dɔ aseɛ ne aso, mboanoa, Kanaanfoɛ aseɛ so ne Lebanon alaa bɔ ɔkwaadwu asue piri Yufreti noa ne.

Deuteronomi 33:2

Ɔnwa: “AWURADE fili Sinai wale, opukyele Sɛre kyɛ eyia tale bɛ so; ɔtale hyireinn fili Paran bokaa ne aso, ɔne krongronfoɛ apee buru yeɛ bɛwale ɔ, see bɔ ogye wuronyiwuronyi wɔ ye sa famaa nu.

1 Samuel 25:1

Samuel wuli, na Yisrael amukoraa boale bɛ noa besuni ye. Besiele ye wɔ ye kuro Rama. Afei Dawide sili nu hɔle Paran ɛserɛ ne aso dɔ.