Numeri 10:10 - AHYERƐLƐ KRONGRON

¹⁰ Afei koso, ngyẽa bɔ ɛmɔfa bɛgye bɛ nye, ɔne ɛmɔ aluolue ngyẽa, ɔne kyẽa bɔ bosome kofi ne, ɛ́mɔhu totorobɛndo nemɔ wɔ mmerɛ bɔ ɛmɔbɔ ɛmɔ naen yeralɛ afɔleɛ ɔne ɛmɔ asomdwee afɔleɛ ɔ. Bɛkɔyɛ ngayeɛ nikyee bɛkɔma ɛmɔ wɔ AWURADE ɛmɔ Nyameɛ nyunu: Me ole AWURADE ɛmɔ Nyameɛ.

Numeri 10:10 Iomraidhean Croise

2 Ahemvo 4:23

Ohu bisale kyɛ, “Ɛnɛ kyẽa ye, nna ɛsraen foforɛ aluolue kyẽa ɔ, yeɛ nna afofikyẽa ɔ, nzu ati yeɛ ɛkɔ ye berɛ ɔ? Na braa ne buale kyɛ, “Ɔte bɔkɔɔ”

1 Aberɛso Dwirɛ 15:24

Sebania, Yosafate, Netanɛl, Amasae, Sakaria, Benaya ne Eliesa bɔ bɛte asɔfo ne, odi kyɛ behu totorobɛndo nemɔ wɔ Nyameɛ alaka ne nyunu. Na nekaa bɔ alaka ne gyi ne, né Obɛde Edom ne Yehia bɛboka bɛ bɔ bɛwɛne pambim nemɔ aso.

1 Aberɛso Dwirɛ 15:28

Yiti Yisrael mukoraa bele esebɔlɛ, awɛenhulɛ, totorobɛndohulɛ ne firikyiwabɔlɛ bɛɛfale AWURADE apam alaka ne bɛwale, na né bɛbɔ adengum ne sangoo bɛto dwein serɛserɛ paa.

1 Aberɛso Dwirɛ 16:42

Edwein bɔ bɛto ne, né Heman ne Yedutun yeɛ bɛbɔ totorobɛndo ne firikyiwa ne ɔ. Afei né besa bɛbɔ sangoo bɛto edwein krongron ne. Na Yedutun mma mmienzua nemɔ, bɛyele bɛ kyɛ bɛyɛ pambim awɛmvoɛ.

2 Aberɛso Dwirɛ 29:26

Lewifoɛ nemɔ fale Dawide edweintolɛ nningyein nemɔ betiratirale begyinagyinane berɛ, yeɛ asɔfo nemɔ koso betiratirale totorobɛndo begyinagyinane berɛ ɔ.

2 Aberɛso Dwirɛ 29:28

Badwa ne amukoraa bɛsɔnene AWURADE, edweintolɛfoɛ ne tole dwein, yeɛ totorobɛndohulɛfoɛ nemɔ behuli. Na bɛtoale so alaa kɔpem kyɛ bɛbɔle naen yeralɛ afɔleɛ ne beyiele ɔ.

2 Aberɛso Dwirɛ 7:6

Asɔfo nemɔ begyinagyinane nekaa bɔ bafa bama bɛ kyɛ begyina ne. Na Lewifoɛ nemɔ koso bɛyɔle sɔ ala. Edweintolɛ nningyein bɔ Nana Dawide yɔle kyɛ bɛfa bɛye AWURADE ayɛ mmerɛ biala bɔ ɔnate b’edweintolɛ so ɔye AWURADE ayɛ ne, Lewifoɛ nemɔ bɛfa bɛtole edwein bɛlale AWURADE ase kyɛ, ‘Ye ɔdɔ bɔ onni ngasi ne, ɔwɔ berɛ daa.’ Né asɔfo nemɔ begyigyi Lewifoɛ nemɔ bɛ ndendeneɛ so behu totorobɛndo bɔ Yisrael maen amukoraa begyigyi berɛ ɔ.

Ɛsra 3:10

Suasilɛfoɛ nemɔ hyɛle ye bo bɔ bɛto AWURADE asɔneyɛɛ sua ne fapem nen, asɔfo mɔ bɔ bawurawura asɔfo ndaadeɛ ɔ behuli totorobɛndo, yeɛ Lewifoɛ bɔ bɛte Asafe bosofoɛ ne koso, bɛbɔle firikyiwa bɛyele AWURADE ayɛ, kyɛbɔ Yisrael hene Dawide hyehyɛ mane bɛ ne ala.

Nehemia 12:35

yeɛ né asɔfo nemɔ bie behu totorobɛndo: Sakaria bɔ ye baba ole Yonatan bɔ ye baba ole Semaya bɔ ye baba ole Matania bɔ ɔse Mikaya bɔ ye baba ole Sakure bɔ ye baba ole Asafe ne,

Edwein 150:3

Ɛ́mɔfa totorobɛndo dwein bɛ́ye ye ayɛ; ɛ́mɔfa adengum ne sangoo bɛ́ye ye ayɛ!

Edwein 81:3

Ɛmɔhu totorobɛndo wɔ ɛsraen foforɛ aluolue ne, mmerɛ bɔ ɛsraen kɔyɛ mumua ne, wɔ y’aluolue kyẽa ne.

Edwein 81:4

Ofikyɛ ɔte ahyɛdeɛ ma Yisrael, ɔte Yakob Nyameɛ ne nhyehyɛleɛ.

Edwein 89:15

Maen bɔ bɛse ayɛyelɛ nwo esebɔlɛ ne, benya saleɛ; bɛ yeɛ bɛnate wɔ nyunu hyireinn ne anu ɔ.

Ɛksadɔso 28:29

“Yiti mmerɛ biala bɔ Aarɔn kɔhɔ nekaa krongron ne anu nen, Yisrael mma mmienzua nemɔ bɛ dumaa bɔ ɔwɔ ndɛenbualɛ aguasoɛ ne anu ne, ɔkɔsoa ye wɔ ye ahone so, maa ɔkɔyɛ AWURADE nyunu ngayeɛ daa.

Ɛksadɔso 30:16

Dide mbata sikaa ne fi Yisraelfoɛ berɛ, ná fa yɔ ɛtena sua atenaleɛ nu berɛ ɛsɔnenɛ nwo adwuma. Na ɔkɔyɛ Yisraelfoɛ nwo ngayeɛ wɔ AWURADE nyunu, ɔnate ɛmɔ ti nyɔboɛ tualɛ ne ati.”

Yesaya 27:13

Sɔ kyẽa ne, bekohu totorobɛndo pirikua ne, na bɛ bɔ beminini bɛhɔle Asiria aseɛ so, bɛ ne bɛ bɔ bɛsesale bɛ bɛhɔle Misraim aseɛ so ne, bɛkɔwa bɛkɔɔsɔne AWURADE wɔ bokaa krongron ne aso, wɔ Yerusalem.

Lewitikɔso 23:24

“Ka kyire Yisraelfoɛ kyɛ, Bosome bɔ ɔtɔ so nzoo ne, ye kyẽa bɔ oli moa ne, ɛ́mɔma ɔ́yɛ afofikyẽa bɔkɔɔ ma ɛmɔ; ɛ́mɔfa totorobɛndohulɛ béyia nyianu krongron.

Numeri 10:9

Sɛ ɛmɔ ne ɛmɔ pɔfoɛ mɔ bɔ bɛtane ɛmɔ nye bɛko koɛ wɔ ɛmɔ aseɛ ne aso a, ɛ́mɔhu totorobɛndo nemɔ maa ohyire kyɛ edwirɛ asi, amaa ɔnate so AWURADE ɛmɔ Nyameɛ waboka ɛmɔ, ná ɛmɔanya ɛmɔ ti badidi nu bafi ɛmɔ pɔfoɛ mɔ sa nu.

Numeri 28:11

Sɛ ɛmɔhyɛ bosome biala bo a, odi kyɛ ɛmɔbɔ naen yeralɛ afɔleɛ bɛma AWURADE. Ɛ́mɔfa nandwie nyii akrɔngrɔma nyɔ, boaen nyii ko, mmoaen nyii akrɔngrɔma nzoo bɔ bali afoɛ ngoko, bɔ bellili nnɛen biala ɔ bɛbɔ afɔleɛ.

Numeri 29:1

“Bosome nzoo ne, ye kyẽa bɔ oli moa ne, ɛ́mɔyɛ nyianu krongron; nnɛma ɛmɔyɔ adwuma biala. Ɔte kyẽa bɔ ɔsɛ kyɛ ɛmɔhu totorobɛndo nemɔ ɔ.

Mateo 11:28

“Ɛmɔ amukoraa bɔ ɛmɔayɔ adwuma bafɛ ná bafa adesoa nonɛnonɛ basoa ɛmɔ ne, ɛmɔbra me berɛ, na ngɔmaa ɛmɔkole ɛmɔ nwome.

Asomafoɛ 10:4

Ɔfale esuronyi neane abɔfo ne haa na ɔhane kyɛ, “Yɛ mene, nzikyɛ dwirɛ ɔ?” Na obuale ye kyɛ, “Wɔ mbaeɛ ne w’adɔeɛ bɔ ayɔ ama ehiafoɛ ne adwu Nyameɛ nyunu, na ye wora offili wɔ.

1 Korintofoɛ 15:52

Na mvum nu, kyɛ ɛbɔ wɔ nye perɛ ne, totorobɛndo bɔ ɔpɛ ye bo ne kohu. Ofikyɛ bekohu totorobɛndo ne, na bekotingye awufoɛ bɛkɔhɔ tebea bɔ bɛmborɔ ɔ nu, na yɛ de yɛkɔkakyi.

1 Tɛsalonikafoɛ 4:16

Ofikyɛ Awurade bɔbɔ kɔfa esebɔlɛ, abɔfo panyi komvi ne Nyameɛ totorobɛndo komvi kofi nyameɛso kodwu kɔwa, na Kristo nu awufoɛ bekoli moa bekodwɔso,

1 Tɛsalonikafoɛ 4:18

Yiti ɛ́mɔfa edwirɛ hemɔ bɛ́kyekye ɛmɔ wora.

Yosua 4:7

ɛmɔhã behyire bɛ kyɛ, Yɔɔdan nu nzue pɛle wɔ AWURADE apam alaka ne nyunu. Mmerɛ bɔ né apam alaka ne ɔ́pɛ asue Yɔɔdan nen, Yɔɔdan nu nzue pɛle. Yiti sɔ nyɔboɛ hemɔ te ngayeɛ afebɔɔ ma Yisraelfoɛ.”

Yosua 6:4

Ma asɔfo nzoo bɛfa boaen mmɛen totorobɛndo nzoo beli alaka ne nyunu moa. Na kyẽa bɔ ɔtɔ so nzoo nen, ɔsɛ kyɛ ɛmɔbɔ kuro ne anwo nzra bɛbra beyia pɛen nzoo, wɔ mmerɛ bɔ asɔfo nemɔ koso béhu totorobɛndo nemɔ ɔ.

Nyekyire 22:17

Na Sunzum ne ne atɔmvorɛ braa ne nwa, “Bra!” Ma ebiala bɔ ɔte ne ɔhã kyɛ, “Bra!” Ma ebiala bɔ nzuhɔen ku ye ne ɔbra. Ma ebiala bɔ okuro ne oole ngoa nzue ne mbaen.

1 Samuel 20:5

Yeɛ Dawide buale Yonatan kyɛ, “Ɛhema yeɛ ɛsraen kofi maa yɛkɔto poen ɔ. Na sɛ Nana to poen kyɛ odidi a, ɔnzɛ kyɛ meye me nwo mefi nu. Nakoso ma me ate ma ngɔmvea eburo toonn ma odwu ye ɛlɛsa ne aso nɔsoa.