Numeri 1:50 - AHYERƐLƐ KRONGRON

⁵⁰ Na mmom, adanzeɛ ɛtena sua ne, nu nningyein amukoraa, ɔne ye nwo nikyee biala, odi kyɛ ɛye Lewifoɛ maa bɛnea so. Odi kyɛ bɛsoa nyianu sua ne, ɔne nu nningyein amukoraa, ná bɛ́nea so, ná bɛkyekye b’asikyeleɛ bɛ́pɛ ye nwo bɛbra beyia.

Numeri 1:50 Iomraidhean Croise

2 Aberɛso Dwirɛ 24:6

Yiti Nana Yoase tole ye sa frɛle ɔsɔfo Yehoada bɔ ɔla bɛ noa ne, na obisale ye kyɛ, “Ɛtoɔ bɔ AWURADE somvoɛ Mose pɛ tole berɛ mane Yisraelfoɛ kyɛ bɛfa bɛyɔ apam ɛtena sua ne anwo adwuma ne, nzu ati yeɛ amma Lewifoɛ mɔ bannide bamvi Yuda ne Yerusalem ne?”

Nehemia 12:22

(Asɔfo mbanyi paa) Eliasibo, Yowada, Yohanan ne Yadua b’aberɛ so, bɛhyerɛle Lewifoɛ nemɔ bɛ nana mɔ sasofoɛ mbanyi bɛ dumaa, yeɛ bɛhyerɛle asɔfo nemɔ koso bɛ deɛ maa oodwuli Pɛsia hene Dario ye aberɛ so.

Nehemia 12:47

Serubabɛl aberɛ so ne Nehemia aberɛ so, daa daa aleɛ bɔ odi kyɛ bɛfa bɛma edweintolɛfoɛ ne pambim awɛmvoɛ ne, Yisraelfoɛ amukoraa bɛfa bɛbrɛle bɛ. Bɛyele bɔ ɔte krongron ne besiele ahameɛ bɛmane Lewifoɛ nemɔ, na bɔ odi kyɛ bɛfa bɛma Aarɔn boso ama nemɔ ne, Lewifoɛ nemɔ ye siele ahameɛ bɛfa bɛmane bɛ.

Nehemia 12:8

Na Lewifoɛ nemɔ ɛhe: Yesua, Binuyi, Kadimiɛl, Serebia, Yuda yeɛ Matania bɔ ɔne ye mmango Lewifoɛ mɔ yeɛ né bɛnea ayɛyelɛ edweintolɛ ne aso ɔ.

Nehemia 13:22

Na mvale ahyɛdeɛ mmane Lewifoɛ nemɔ kyɛ bɛpete bɛ nwo ná bɛbra bɛɛwɛne pambim nemɔ, amaa ɔnate so bama afofikyẽa ne wayɛ krongron. Ao me Nyameɛ, kaye me wɔ sɔ nikyee he anwo koso, na nwu me anwumvoin, kyɛbɔ wɔ ɔdɔ bɔ onni ngasi ne ye piri te ɔ.

Nehemia 13:5

né wasiesie sua piri ko wama Tobia. Sɔ sua ne, né bɛfa sɔ nningyein hemɔ besie nu: aburoo afɔleɛ, ɛyɛɛ, ngukue, aburoo ngyɛmuɛ buru nu ko, nzaa ngyɛmuɛ buru nu ko ne ngoo ngyɛmuɛ buru nu ko bɔ bahyɛ kyɛ bɛfa bɛma Lewifoɛ, edweintolɛfoɛ ɔne pambim awɛmvoɛ, yeɛ afei akyɛdeɛ bɔ bɛfa bɛma asɔfo nemɔ ne.

Edwein 122:4

Berɛ yeɛ mmusua kure nemɔ bɛkɔ ɔ, AWURADE mmusua kure nemɔ; kyɛ bɛkwaafa asennaa bɛma AWURADE dumaa, kyɛbɔ wahyehyɛ wama Yisrael ne.

Ɛksadɔso 31:18

Na mmerɛ bɔ Nyameɛ ne Mose bedwudwole beyiele wɔ Sinai bokaa ne aso nen, ɔfale Adanzeɛ nyɔboɛ taataa nyɔ ne mane Mose, nyɔboɛ taataa bɔ Nyameɛ afa ye sa mmɛseka wahyerɛ so ne.

Ɛksadɔso 38:21

Nyianu sua ne nwo nningyein ne, ye nwo ngondaa ɛhe: mekyire adanzeɛ ɛtena sua bɔ ɔsɔfo Aarɔn awa Yitama neane Lewifoɛ mɔ so maa bɛhyerɛ bɛtole berɛ, kyɛbɔ Mose hyɛle ne.

Numeri 1:53

nakoso Lewifoɛ mɔ de, odi kyɛ besi b’asikyeleɛ maa ɔbra adanzeɛ ɛtena sua ne anwo yia, amaa ɔnate so AWURADE yaafɛlɛ piri ne wamma Yisraelfoɛ so. Odi kyɛ Lewifoɛ mɔ bɛbɔ adanzeɛ ɛtena sua ne anwo waen.”

Numeri 10:21

Yeɛ Kohatefoɛ bɔ bɛ yeɛ bɛsoa nningyein krongron ne, betuli bɛ bo, na Gɛsɔnfoɛ ne Merarifoɛ bɛhyehyɛle nyianu sua ne koraka yeɛ Kohatefoɛ bedwu berɛ ɔ.

Numeri 17:7

Yiti Mose fale pɔmaa nemɔ guale AWURADE nyunu wɔ apam ɛtena sua ne anu.

Numeri 18:5

Odi kyɛ ɛmɔ bɔbɔ ɛmɔyɔ nekaa krongron berɛ adwuma ne ɔne afɔleɛ bokyea ne anwo adwuma, amaa ɛyaafɛlɛ piri amma Yisraelfoɛ so ko le.

Numeri 2:17

“Odi kyɛ ɛtena sua atenaleɛ ne, ɔne Lewifoɛ asikyeleɛ nemɔ, bɛba asikyeleɛ ngaa nemɔ afia. Kyɛbɔ besi bɛhyehyɛle asikyeleɛ nemɔ ne, odi kyɛ abusua kure biala di ye nekaa.

Numeri 20:11

Yeɛ Mose pagyale ye sa, na ɔfale ye pɔmaa ne fini nyɔbotaen ne aso pɛen nyɔ. Nzue pu fili nu wale pee, na mmenia nemɔ ne bɛ nyɛmmoa mɔ none bie.

Numeri 4:15

Sɛ Aarɔn ne ye mma mɔ bɛkata nekaa krongron ne ɔne nekaa krongron ne anu nningyein anwo beyie, ná sɛ mmenia ne betu bɛ bo befi asikyeleɛ berɛ a, odi kyɛ Kohatefoɛ basoa sɔ nningyein nemɔ. Nakoso onni kyɛ bɛ nwo ka nningyein krongron ne, ná banwu. Ɛhemɔ ole ɛtena sua atenaleɛ ne anu nningyein mɔ bɔ ɔsɛ kyɛ Kohatefoɛ mɔ bɛsoa ɔ.

Numeri 4:3

Ɛ́mɔha ebiala bɔ wali ofi afoɛ aburasa bɔ ɔkwaadwu aburannu, bɔ waso kyɛ ɔyɔ ɛtena sua atenaleɛ ne anu adwuma ɔ.

Numeri 8:19

Afei koso, maye Lewifoɛ masie ahameɛ mafi Yisraelfoɛ nu, na mafa bɛ mayɛ akyɛdeɛ mama Aarɔn ne ye mma mmienzua mɔ, kyɛ bɛyɔ ɛsɔnenɛ adwuma bɛma Yisraelfoɛ wɔ ɛtena sua atenaleɛ ne anu, ná bɛpata bɛma Yisraelfoɛ, amaa sɛ Yisraelfoɛ bepingye nekaa krongron ne a, amaneɛ biala ando bɛ.”

Numeri 8:20

Yiti Mose ne Aarɔn ne Yisraelfoɛ amukoraati betuli Lewifoɛ besiele berɛ bɛmane AWURADE. Yisraelfoɛ tuli Lewifoɛ siele berɛ kyɛbɔ AWURADE hyɛle Mose fale bɛ nwo ne ala.

Numeri 8:22

Ye si ye, Lewifoɛ mɔ hɔle bɛɛyɔle b’adwuma wɔ ɛtena sua atenaleɛ ne anu. Né Aarɔn ne ye mma mmienzua mɔ yeɛ bɛnea bɛ so ɔ. Na kyɛbɔ AWURADE hyɛle Mose fale Lewifoɛ mɔ nwo ne, sɔ ala yeɛ betuli bɛ besiele berɛ bɛmane AWURADE ɔ.

Nyekyire 15:5

Na ɛhemɔ asi ne, nneane, na nwuni kyɛ babukye adanzeɛ ɛtena sua asɔneyɛɛ sua ne wɔ nyameɛso.