Numeri 1:4 - AHYERƐLƐ KRONGRON

⁴ Odi kyɛ abusua kure biala nu sona ko, bɔ ɔla b’abusua ne noa ne ɔboka ɛmɔ.

Numeri 1:4 Iomraidhean Croise

1 Ahemvo 8:1

Afei Yisrael mbanyi, mmusua kure mbanyi nemɔ amukoraa, yeɛ Yisraelfoɛ bɛ nana mɔ sasofoɛ mbanyi nemɔ, Nana Solomon boaboale bɛ noa maa beyiale wɔ ye nyunu wɔ Yerusalem, kyɛ bɛɛfa AWURADE apam alaka ne béfi Dawide kuro Sion bɛbra.

Ɛksadɔso 18:21

Afei koso, neanea mmenia ne amukoraa nu, ná ye mmenia bɔ bɛfata, bɔ besuro Nyameɛ, bɔ bedi nahorɛ, bɔ bekyi fea-ase-ma, ná maa bɛlela mmenia apee apee, ɛyaa ɛyaa, aburannu aburannu ne buru buru noa.

Ɛksadɔso 18:25

Mose neaneane Yisraelfoɛ amukoraati nu yeyele bɛ bɔ bɛfata ɔ, na ɔbɔle bɛ panyi wɔ mmenia ne aso maa bɛlelale mmenia apee apee, ɛyaa ɛyaa, aburannu aburannu ne buru buru noa.

Numeri 1:16

Ɛhemɔ yeɛ bɛyele bɛ befili mmenia ne anu ɔ, mbanyi mɔ bɔ bɛlela b’abusua kure nemɔ noa ɔ: bɛ yeɛ bɛlela Yisrael mmusua mmusua nemɔ noa ɔ.

Numeri 1:44

Sɔ mmenia ne yeɛ Mose ne Aarɔn, bɛmane Yisrael mbanyi buru ne nyɔ nemɔ bɔ ebiala gyi ye abusua kure gya nu ne, bɛbokale bɛ maa bɛhyerɛle bɛ dumaa ɔ.

Numeri 17:3

na kyerɛ Aarɔn dumaa gua Lewi pɔmaa deɛ anwo. Ofikyɛ sona bɔ otua bɛ nana mɔ sasofoɛ noa biala, odi kyɛ onya pɔmaa ko.

Numeri 25:14

Yisraelniɛ biaa bɔ ohuni ye ne Midianniɛ braa ne, bɛfrɛ ye Simri. Ye baba ole Salu bɔ né ɔla Simeonfoɛ bɛ nana mɔ sasofoɛ kure ko anoa ne.

Numeri 25:4

Na AWURADE sele Mose kyɛ, “Yeye bɛ bɔ bɛlela mmenia ne noa amukoraa, ná fa nyamaa bɔ bɛ kɔme eyia nu wɔ AWURADE nyunu, amaa ɔnate so AWURADE ayakyi ye yaa piri bɔ wafɛ ye Yisrael so ne.”

Numeri 30:1

Na Mose sele mbanyi bɔ bɛlela Yisraelfoɛ mmusua kure nemɔ noa kyɛ, “Ahyɛdeɛ bɔ AWURADE ahyɛ ato berɛ hɔ ɛhe:

Numeri 4:34

Yiti Mose ne Aarɔn ne maen mbanyi ne hale Kohatefoɛ nemɔ. Begyinane bɛ mmusua mmusua ɔne bɛ nana mɔ sasofoɛ so yeɛ bɛhale bɛ ɔ.

Numeri 7:2

Sɔ kyẽa ne, Yisrael mbanyi, yeɛ mbanyi bɔ bɛlela bɛ nana mɔ sasofoɛ noa, yeɛ mmusua kure nu mbanyi bɔ bɛlela mmenia bɔ bɛhale bɛ nemɔ noa ne, bɛbɔle afɔleɛ.

Deuteronomi 1:15

Yiti mvale ɛmɔ mmusua kure nemɔ anu atitirefoɛ nworɛfoɛ bɔ mmenia bu bɛ ɔ, na mmɔle bɛ panyi wɔ ɛmɔ koɛhonɛfoɛ nu mmenia apee apee, ɛyaa ɛyaa, aburannu aburannu ne buru buru so, na mmane ebiemɔ koso lelale ɛmɔ mmusua ne amukoraati noa.

Yosua 22:14

Mbanyi atitirefoɛ buru bokale ye so yeɛ bɛhɔle ɔ. Yisrael abusua kure biala nu sona ko, na bɛ nu biala la abusua noa wɔ Yisrael mmusua mmusua ne anu.