Numeri 1:20 - AHYERƐLƐ KRONGRON

²⁰ Yisrael bamuɛbaa Ruben, ye bosofoɛ, kyɛbɔ b’aworɛ ndoatoasoɛ, bɛ mmusua mmusua, bɛ nana mɔ sasofoɛ, ɔne bɛ dumaa ne ngoko ngoko te ɔ, ɔne mmienzua amukoraa bɔ bali ofi afoɛ aburanyɔ bɔ ɔkɔ ɔ, bɔ bɛkora bɛkɔ koɛ ne, bɛ somaa ɛhe:

Numeri 1:20 Iomraidhean Croise

Gyenesise 29:32

Lea nwonzɛle, na ɔwole baa bienzua, na ɔtole ye dumaa Ruben. Na ɔhane kyɛ, “AWURADE anwu m’amaneɛ bɔ méfa nu ne ati, kekesaala ye de me hu kohuro me.”

Gyenesise 35:23

Lea mma mmienzua mɔ ɛhe: Ruben (Yakob bamuɛbaa), Simeon, Lewi, Yuda, Yisaka ne Sebulɔn.

Gyenesise 46:9

yeɛ afei Ruben mma mɔ: Hanoke, Palu, Hesron ne Karemi.

1 Aberɛso Dwirɛ 5:1

Yisrael bamuɛbaa Ruben ye boso ama mɔ. (Ye yeɛ né ɔte bamuɛbaa ɔ. Nakoso ɔnate kyɛ ɔfale efiɛ hane ɔse mba ne ati, ye bamuɛbaa dibea ne, bɛfa bɛmane Yisrael awa Yosef ye mma mmienzua mɔ. Ye sɔ ti, bɛkyerɛ aworɛ ndoatoasoɛ ne a, bangyerɛ ye dumaa kyɛ ye yeɛ ɔte bamuɛbaa ɔ.

Numeri 1:21

Ruben abusua kure nu ama bɔ bɛhale bɛ ne, bɛte apee aburanna ne nzia ne ɛyaa nnu.